الفرق فى ال Suspension

[WaelSalim]

حد ممكن يفهمنى الفرق ده معناه أيه فى ال Suspension بين الياريس و الستى


1- Suspension Front
---------------------
YARIS MacPherson strut
CITY McPherson strut with coil spring & stabilizer / H-shape Torsion Beam


2- Suspension Rear
---------------------
YARIS Torsion beam
CITY McPherson strut with coil spring & stabilizer / H-shape Torsion Beam




3- Steering gear type
----------------------
YARIS Rack and pinion
CITY Rack and pinion, power assisted

[مدحت منيب]

السسبنشن : مصطلح يطلق على مدى ثبات و اتزان السيارة فى القيادة الحقبقية و على كافة انواع الطرق

[MMamdouh]

السسبنشن : مصطلح يطلق على مدى ثبات و اتزان السيارة فى القيادة الحقبقية و على كافة انواع الطرق

Suspension system = نظام التعليق (العفشة)

MMamdouh

[MMamdouh]

McPherson strut:

تصميم من تصميمات انظمة التعليق للسيارات و فيه بيكون المساعد و السوستة فى وحدة واحدة و دة نظام منتشر جدا على معظم انظمة التعليق الامامية (و الخلفية احيانا) فى السيارات الحديثة


Torsion beam:

الترجمة الحرفية "قضيب لاو" و فيه بيبقى حمل وزن العربية على قضيب مرن و حركة نظام التعليق بتسبب لى القضيب... النظام دة موجود فى بعض انظمة التعليق للسيارات القديمة مثل الفولكس البيتلز



بما ان هنا احنا بنتكلم على يارس و ستى اللى فيهم نظام مكفرسون يبقى الاقصد هنا على anti sway bar او زى ما بنقول احنا الميزان و دة عبارة عن قضيب لاو برضة بس هو وظيفتة تقليل الفرق فى ارتفاع المقص اليمين عن الشمال للحفاظ لى اتزان العربية فى الملفات و ساعات بيتقال عليه anti roll bar


Rack and pinion

الترجمة الحرفية هى الجريدة و الترس و المقصود بيها السكترا بتاعت الدركسيون و لما يبقى مكتوب power assisted يعنى العربية فيها باور



MMamdouh

[MR.CAR]

ممدوح باشا الله ينور

[IAbdou]

هو فى ناس بتغير الميزان أو Anti Roll bar
بواحد اكبر فل القطر دة علشان الثبات
هل الموضوع دة عملى فلى بلدنا ؟؟!

[MMamdouh]

عملى فى اى حتة... دى قوانين فزياء بتتطبق فى اى مكان... بس طبعا لازم تكون محتاج فعلا التعديل دة نتيجة طبيعة سواقتك ولا يبقى ملوش لزمة

MMamdouh

[IAbdou]

ممكن شرح أكتر

[sab3aawy]

الميزان او قضيب منع الإنقلاب هو ببساطة سيخ من الحديد المرن على شكل حرف U يتم تركيبه بعرض السيارة من الامام يكون القسم السفلى من حرف ال U مارا بعرض السيارة من اليمين لليسار ومربوط فى جسم السيارة، اما فرعين الU فيكون كل منهما مربوط فى عجلة من العجلات (إما فى المقص او فى الصرة بحسب تصميم السيارة)، للتخيل يمكننا ان انفترض ان عرض هذا القضيب فى حدود متر الى متر وربع وطول كل من الفرعين حوال 50-60 سم وقطره فى حدود 2 سم

كيف يعمل الميزان: عندما تمر السيارة على مطب بالعجلتين معا فإن العجلتين ترتفعان وتنخفضان معا وعلى وهنا لا يكون للميزان اى دور حيث يرتفع فرعاه معا ، اما عندما ترتفع عجلة واحدة فوق احد المطبات او الأحجار او ما شابه فإن فرع الميزان الموجود ناحيتها فقط يرتفع معها، وهنا يعصر هذا الفرع جسم الميزان ويحاول ان يلويه لأان الفرع الآخر لا يزال لأسفل مع العجلة غير المرتفعة، فيكون رد فعل الميزان هو مقاومة الإلتواء نتيجة لمرونة وصلابة معدنه وهذا يمنع السيارة من الإذعان للإرتفاع من ناحية واحدة الذى قد يؤدى للإنقلاب،ولذلك نلاحظ دائما انه عندما ترتفع السيارة بالكامل فوق مطب صناعى يكون صوت خبط العفشة خفيف، لكن عندما ترتفع عجلة واحدة فوق مطب او خشونة فى الطريق نلاحظ عنف صوت الخبطة، لأن الحالة الأولى تكون المقاومة من السوستة والمساعد فقط اما فى الحالة الثانية فتكون المقاومة من السوستة والمساعد والميزان،

وبالتالى فمن المنطقى ان الميزان ذو القطر الاكبر سيدعم ثبات السيارة، ولكن على حساب نعومة امتصاص الصدمات التى تتلقاها عجلة واحدة من العجلات الامامية

بقى ان نضيف ان للميزان فائدة ثانوية هى ضبط تقديم وتاخير مكان العجلة عند ضبط الزوايا حيث ان جزء العفشة الذى يمنع حركة صرة العجلة اماما وخلفا بالنسبة للسيارة هو الميزان، ويمكن رجلشة وضع العجلة بالنسبة للميزان فى معظم السيارات بوضع او رفع وردات صلب خلف او امام صامولة ربط المقص بالميزان

[IAbdou]

شكرا" يل أستاذ سبعاوى وعلوماتك فعلا" مفيدة وشاملة وأسلوبها بسيط
أنا من محبى أسلوبك من أيام Contact

[ahmed azab]

اساتذه والله

[sleepyhammer]

شكرا يا باشا

[hero]

اية الحلاوة دي...جزاكم الله عن كل من استفاد خيرا....