قيادة السيارة الأوتوماتيك

[ahmedfd]

أرجو الإفادة هلى يصح تغيير الغيار الأوتوماتيك أثناء السير من Drive إلى 3 أو 2 مثلاُ في حالة الإحتياج لصعود مطلع لعدم ترك الفتيس يغير لوحده في الـ Drive كثير.
أنا شفت بعيني ناس بتغير و العربية ماشية و بتقول ده عادي جداً و جربتها قدامي و ناس ثانية بتقول لازم العربية تكون متوقفة و أنا شايف موضوع لازم واقفة ده غير منطقي و غير عملي.
و شكراً مقدماً لردود حضراتكو

[محمد البحيري]

يصح تغير للاعلي فقط اثناء سير السياره ولكن لتغير للاوطي يجب توقف السياره تماما لتجنب تلف الفتيس
يعني لو علي 1ممكن تنقل علي ال 2 اثناء سير السياره ولا يجوز العكس

[eng_mkhalaf]

أنتا ممكن تعمل كيك داون وتريح باللك من الموضوع دة

[Adham]

يجوز طبعا ان انت تنزل بالغيار للتالت او التاني يدويا من سليكتور الفتيس الاوتوماتيك اثناء السير

امال هوة معمول لية؟؟؟؟ معمول علشان و انت طالع مطلع و محمل حمل زيادة تنزل بالفتيس من الرابع للتال بدون ما تحتاج تكبس بنزين قوي علشان الكيك داون و تخللي الموتور يتقرص علية كمان و هو في مطلع

لكن المهم جدا حاجتين

اولا ان المارشدير قصة تانية و لا يصح انك تنقل من الدرايف للريفرس الا و العربية متوقفة تماما

ثانيا انك تكون مراعي سرعه العربية تسمع بالنزول نقلة دون ما الار بي ام (لفات الموتور) تعلى قوي

يعني: لو انت ماشي عالرابع و سرعتك 140 و الار بي ام على 4000 دورة مثلا
فاميانفعش انك تنزل عالتالت لان السرعه دي ساعتها لا يمكن الوصول بيها عالتالت
لانك حاتلاقي الار بي ام ساعتها علي جدا لفوق ال 6000 و العربية كلبشت و عملت Hold

ايوة انت ممكن تجيب الار بي ام على 6000 و تجيب ال 160 عالتالت بس و انت قارص و مجمع من الاول

لكن مش تسقط طبعا من الرابع للتالت كدة, و الاضمن في حالتها انك تكبس بنزين قوي و تسيب الكيك داون يسقط النقلة , لأن ساعتها حاتكون رجلك في اخر الدواسة مما يتناسب مع الار بي ام العالي فاماتقومش العربية مكلبشة

[Adham]

يصح تغير للاعلي فقط اثناء سير السياره ولكن لتغير للاوطي يجب توقف السياره تماما لتجنب تلف الفتيس
يعني لو علي 1ممكن تنقل علي ال 2 اثناء سير السياره ولا يجوز العكس

مع كامل احترامي المعلومة غير صحيحة, و يجوز انك تنقل للغيار الاقل طالما ان السرعه تسمح بدون ارتفاع لفات الموتور عن الحد الآمن

[Adham]

صحيح هوة مش الفكرة بس في كلبشة العربية و انما ان ارتفاع الار بي ام قوي على النقلة بيسبب تآكل كلاتشات الباند بتاع النقلة

[Dr Ahmed]

يعنى إيه كيك داون؟؟؟؟؟؟؟؟

وإيه الفرق بين 1 و 2