شرح فائده abs ولماذا تتفوق على الفرامل العاديه

[M.ABDOU]

السلام عليكم

النهارده حقولكم شرح مبسط لنظام abs وايه هوا الفرق بينه وبين الفرامل العاديه


اولا نجيب الموضوع من وجهه نظر هندسيه
السؤال الاول

هوا الفرامل التانيه اصلا هيا وحشه فى ايه يا جماعه علشان يجيبوا ويفكروا فى abs

اقولك يا سيدى

شويه ناس كده فاضيين عملوا بحث ولاقوا انك علشان تاخد اقوى قوه فرمليه من العجله لازم تتوفر شويه شرووط من ضمن الشروط دى ان مقدار skid ( يعنى بالعربى البسيط كده مقدار قفشه العجل يعنى لما عجل العربيه بيقفش وتسمع صوت ازير بيبقى 100% skid ولو مفيش اى قوه فرمليه على العجله بيبقى 0% )
اللى هوا قفش العجله يعنى يتراوح بين 80% الى 85% يعنى
ولما بيحصل وان مقدار ال skid يبقى 100% بيكون مقدار القوه الفرمليه اقل من القوه القصوى
مما يؤدى ذلك عن توقف السياره فى مسافه اكثر طبعا وكمان بيقلل من توازن العربيه لان لما العجل بيقفش بيبقى فى مركز لحظى للدوران سواء خلفى او امامى والعربيه تلف منك


فلذلك عملوا نظام جديد مكون من حساس سرعه عند كل عجله وكل حساس بيبعت اشاره لوحده التحكم بيبن فيها هوا مقدار skid عنده قد ايه

وبعد كده علشان يتحكموا فى مقدار skid اللى هوا نسبه القفش يعنى عملوا كنترول على دائره الفرامل وخلوا عليها بلف كهربائى بيقطع الزيت عن الفرامل لو القفش زاد فيبتدى نسبه القفش تقل ولما تبتدى تقل عن النسبه المفروضه يرجع ضغط الزيت تانى بس يا جماعه الموضوع ده بيتم بسرعه جدا حوالى 8 مرات فى الثانيه الواحده وده اللى بيخلى السائق يحس لما يدوس فرامل مره واااحده ان بدال الفرامل بيتهز تحت رجليه


وبكده اكون يا رب عرفت اقدم نبذه بسيطه جداااااااااا عن فكره الفرامل abs



والمره الجايه نتكلم ان شاء الله عن نظام esp


اخوكم ميكانيكى

[EslaM_NagY]

كلام زى الفل

[Haitham10]

هو في كذه شرح وتفسير بكلام هندسي
بس كلامك بسيط ولذيذ وانا اول مرة جربت فرامل abs وحصلت الهزهزه في رجلي وانا بدوس افتكرت فيها مشكلة فعلا بس عرفت من المنتدى بعد كده ان هو ده الabs
سؤال لو حصل كدة وبرضه العربيه زحفت ؟؟
وشكرا لموضوعك ومنتظرين المزيد

[Ahmed Nouh]

وكمان نضيف ان السبب الاساسى فى قوه الفرامل المزوده بال abs على الاسطح المبتله او الزلقه هو ان فى حاله عدم وجود النظام العجل بيقفش تماما

وده بيكون سبب فى احتكاك كبير بين العجل وسطح الطريق ينتج عنه تطبيع لحظى بين سطح الكاوتش والاسفلت وبالطبع بيكون فى النص ما بينهم الطبقه الزلقه اللى على سطح الاسفلت فيحصل زى عازل بين الكاوتش والاسفلت من الطبقه دى ويبقى احتكاك الفرمله كله على سطح زلق فميكونش فى الفرمله اللى انت محتاجها

فتح العجله وقفلها كذا مره فى الثانيه يسمح بالاحتكاك السريع والمتقطع بحيث ميتكونش الطبقه العازله دى ويظل الاحتكاك بين الكاوتش والاسفلت فقط

وده نفس السبب اللى عنده بتكون الفرامل العاديه افضل اداء من الفرامل ال abs على الاسطح الجافه تماما حتى من الاتربه

ولكن برده يظل الميزه الرئيسيه لل abs فى القدره على المناوره اثناء الفرمله الشديده

[SAMEH_FOUAD]

شوف الabs مالوش لازمة من غير الebd لان الabs بياخد وقت اطول شوية من الفرامل العادية لانة مابيقفش العجلة مرة واحدة ودة اللى بيخلي السائق يقدر يتحكم فى اتجاة السيارة هية دية الميزة الوحيدة للفرامل الabs وممكن تتعوض بالنسبة للسيارات المجهزة بديسكات خلفية بدل من الطنابير العادية ودية بتخلى توزيع قوة الكبح متساوية وبتحافظ على توازن العربية ,ومش عارف السبب اللى بيخلى الشركات لحد دلوقتى تعمل الطنابير فى العربيات مش عارف هل لتكلفتها ام ماذااااااااا؟؟؟؟
وموضوع جميل جدا ياباشا وشكرا ليك وعلى شرحك المبسط

[kareemhisham]

شوف الabs مالوش لازمة من غير الebd لان الabs بياخد وقت اطول شوية من الفرامل العادية لانة مابيقفش العجلة مرة واحدة ودة اللى بيخلي السائق يقدر يتحكم فى اتجاة السيارة هية دية الميزة الوحيدة للفرامل الabs وممكن تتعوض بالنسبة للسيارات المجهزة بديسكات خلفية بدل من الطنابير العادية ودية بتخلى توزيع قوة الكبح متساوية وبتحافظ على توازن العربية ,ومش عارف السبب اللى بيخلى الشركات لحد دلوقتى تعمل الطنابير فى العربيات مش عارف هل لتكلفتها ام ماذااااااااا؟؟؟؟
وموضوع جميل جدا ياباشا وشكرا ليك وعلى شرحك المبسط

فعلا لو بقوا ال4 ديسكات بيبقا ليها تكليفاتها ,, يعنى فى السكودا الفابيا برة لو عايز ممكن يخلوها 4 ديسكات بس تدفع اكتر ,,
بس بيقولوا انها مش فارقة

[mido_919]

كلامك بسيظ بصراحة وكوايس ةهيفهم ناس كثير الف شكر

[M.ABDOU]

شوف الabs مالوش لازمة من غير الebd لان الabs بياخد وقت اطول شوية من الفرامل العادية لانة مابيقفش العجلة مرة واحدة ودة اللى بيخلي السائق يقدر يتحكم فى اتجاة السيارة هية دية الميزة الوحيدة للفرامل الabs وممكن تتعوض بالنسبة للسيارات المجهزة بديسكات خلفية بدل من الطنابير العادية ودية بتخلى توزيع قوة الكبح متساوية وبتحافظ على توازن العربية ,ومش عارف السبب اللى بيخلى الشركات لحد دلوقتى تعمل الطنابير فى العربيات مش عارف هل لتكلفتها ام ماذااااااااا؟؟؟؟
وموضوع جميل جدا ياباشا وشكرا ليك وعلى شرحك المبسط

مع احترامى ليك ولرايك بس الكلام ده مش كده بالظبط


الفرامل ABS احسن بكتيررر من الفرامل العاديه وكمان نظام ال Ebd هوا اساسا اللى معتمد على نظام ال ABS مش العكس

اقولك ازاى ونظبط الكلام يا باشا



بص يا سيدى اصلا ال ABS ده مش نظام فرامل جديد لااااااااا ده نظام كنترول على الفرامل القديم

يعنى اللى عنده ABS هوا عنده نظام فرامل عااادى جدا بس عليه كنترول زى ما شرحنا فووق كده وكمان علشان تأكيد لكلامى مثلا لو حصل ان نظام فرامل ال ABS عطل وانت ماشى العربيه برضه بتفضل فيها فرامل مش مره واحده كده متلاقيش فرامل يعنى
كل الحكايه انك اتنقلت من ال ABS الى النظام التقليدى العادى وده بيسموه FAIL SAFE




يعنى من الاخر لا يمكن ان تكون الفرامل العاديه احسن باى حال من الاحوال من الفرامل اللى فيها ABS

سواء كانت الارض ناشفه او مش ناشفه فى الحالتين ال ABS افضل لانه بيشتغل على BANDWIDTH اللى فيها اعلى قوه فرمليه

اللى درس ميكانيكا او مهندس سيارات ممكن يفتكر الكلام ده


اما بخصوص نظام ELECTRONIC Stability PROGRAME

فيأتى الحديث عنه باذن الله قريبا وكيفيه اعتماده على نظام ABS



اخوكم ميكانيكى

[SAMEH_FOUAD]

على فكرة انا عندى abs فى العربية وعارف العربية احلى بالabs ولا لأ انا مش بقول انة وحش بالعكس جميل ومفيد جدل بس عيبة ان بيبقى اضعف شوية من الفرامل العادية بس فى حالة الطرق العادية لكن ف ىحالة الطرق اللى فيها تراب او مياة بيتفوق ببراعة

[Mostafa Hessen]

شرح راااااائع جدا

تقبل مرورى وتحياتى

[MoMohsen]

فعلا لو بقوا ال4 ديسكات بيبقا ليها تكليفاتها ,, يعنى فى السكودا الفابيا برة لو عايز ممكن يخلوها 4 ديسكات بس تدفع اكتر ,,
بس بيقولوا انها مش فارقة

هو فعلا لو عملوا الـ4 ديسكات هتعلى التكاليف بس فكرة ان الاداء مبفرقش فدة مش مظبوط هو بيفرق طبعا بس بدرجة معينة .و السبب ان الضغط على الفرامل وهى العربية ماشية بيكون الحمل الاكبر على العجل الامامى و السبب هو ثقل العربية.

[khaled_rafea]

شكرا جزيلا على المعلومات المفيدة بس انا كان ليا استفسار, تحويل الفرامل الخلفية لديسكات فيه اى مشاكل او اضرار ؟ و لو عاوز اعدل الفرامل ل abs هل ده ممكن و التكلفة و فين ؟ السيارة سيفيك 93

[mohamedway]

أستأذن حضراتكم فى تصحيح معلومه ذكرت أكتر من مره-----------------الabs فرملته أفضل على الطرق الجافه المسفلته و أوحش من الفرامل العاديه على الطرق الزلقه سواء بسبب مياه أو رمله ولكن الفايده الأساسيه هنا هى التحكم فى العربيه االلى لو مش موجود خصوصا على الأرض الزلقه ممكن العربيه تعمل شألباظات و الكلام ده مذكور فى كتالوجات العربيات المزوده بالabs و معروف و لكن المسافه اللى هتتطول علبال ما العربيه تقف مع الabs حاجه بسيطه يمكن التغاضى عنها فى مقابل الفايده العظيمه وهى التحكم فى العربيه مع الفرامل الشديده
(تخيل نفسك ماشى بالعربيه و الطريق مسفلت و جاف و كله تمام ولكنك ماشى بسرعه 180 كم/س وحصل موقف على مد بصرك خلاك محتاج تدوس فرامل على الأخر عشان على ما توصله تكون يدوب لحقت توقف العربيه و مش ضامن كمان ان المسافه ده هتكفيك توقف العربيه من على سرعه 180كم/س------------هلى هيجيلك قلب تدوس فرامل على الأخر و العربيه ماشيه على 180كم/س؟؟؟؟؟؟؟؟؟؟ هل ضامن العربيه هتتصرف إزاى؟؟؟؟؟؟؟ هلى لو العربيه مالت منك حاجه بسيطه هتعرف تتصرف و تمنعها من إنها تلف منك و تنقلب و هى على سرعه 180كم/س؟؟؟؟؟؟ وحتى لو قدرت تلم العربيه فى اللحظه اللى انت هتلم فيها العربيه لازم هتشيل رجلك من على الفرامل عشان العجل يلف و يحود و بعدين ترجع تفرمل تانى و بكده مش هتلحق توقف العربيه لأنك شيلت رجلك من على الفرامل فتره من الوقت وكل ثانيه فى الموقف ده ليها تمن وده كمان مش هيقدر يعمله إلا سائق ماهر و قلبه ميت-------------تخيل بقه لو معاك فى الموقف ده abs وانت ماشى على 180كم/س و حصل الموقف ده و انت شايف انك يدوب تلحق توقف العربيه فى المسافه اللى قدامك بس لازم تدوس فرامل على الأخر جامد؟؟؟؟؟ اللى هيحصل انك بكل ثقه و بدون تردد هتدوس فرامل على الأخر بكل قوه و بدون خوف أو تردد و مش ناوى تشيل رجلك من على الفرامل مهما حصل لغايه ما الموقف ينتهى و الabs هيتولى مهمته بأنه يحدد لكل عجله أقصى قوه فرمله ممكنه بشرط انها ما تقفشش و تكون لسه بتدور(يعنى القوه اللى لو زادت عن كده سنه بسيطه مش هتفيد مسافه توقف العربيه فى حاجه و هتضر التحكم فى العربيه بقفشان العجل و الزحف و فقدان الإتجاهات للعربيه) بالإضافه ان أثناء الموقف و تداعياته مازالت لك القدره على المناوره وانك تفادى أى حاجه ممكن تيجى قدامك من غير ما تشيل رجلك من على الفرامل و كمان الكاوتش مش هيبوظ زى ما بيحصل مع الزحف فى عدم وجود abs

[SAMEH_FOUAD]

والل شوف هو كلامك كويس جدا بس فية حاجة بردة الاعتماد مش هيبقى كلى على abs والا ماكنش فية اى عربية فيها النظام دة خيشت فى العربية اللى قدامها ,ومعاك ان الاabs بيخليك تتحكم فى العربية ,يعنى حصلى موقف كنت جايب 230 ولقيت عربية مافيش بينى وبينها كام متر وماطنش ينفع انى اروح ولا شمال ولا يمين لان كان فية عربيات جنبيها ودوست فرامل والحمد لله بستر ربنا فى الاول وفى الاخر العريبة وقفت تماما قبل ماتوصل للسيارة اللى قدامها بس نظام الاebd متهيالى هو اللى بان فى النقطة دية لان العربية عندى قيل مافرمل كنت كاسر الدركسيون شمال شوية فمتهيالى لو كانت مافيهاش الحاجات دية كانت اقلها لفت حوالين نفسيها وبردة الاربع ديسكات بتوع الفرامل بيفرقوا جامد قوى عن الطنابير ,واللى الناس مش واخدة بالها من النقطة الدية لان الديسكات لما بتفرمل العربية بتنزل لتحت بعكس الطنابيبر بتخلى العربية عايمة شوية لان درجة تماسكها ورا اضعف من قدام ,لكن الديسكات اقوى لان توزيع قوة الفرامل بيبقى اقل بنسبة بسيطة
وفى الاخر بردة اكيد الabs مهم بس مش لوحدة لازم يكون معاة ebd

[نور العمر]

مشكوووور ... عقبال لما اجيب العربية الجديدة مع ال abs