إعـــــــلان

**samirayad** · 17-07-2009, 08:59 AM

شوف يا أستاذ : مروان ........بالنسبه لأى مبتدى فى مجال تعلم وأتقان قيادة السيارات عامة ......حتعمل أيه أنت وتخللى بالك من أيه حفاظا على سيارتك ونفسك قبل أى شىء (لأن أنت اللى تهمنا ....أو أى واحد بيتعلم القياده ).....أما السياره .....فمهما يحصلها ففى ستين ألف سلامه .....واللى يهمنا الأنسان ....لأنه بالبلدى كده هو اللى بيجيب السياره ......يبقى كل شىء بيتعوض الا الأنسان .......نرجع بقه للى عاوز أقولهولك ........

- قبل أن تتحرك بالسياره حدد مايلى ......بينك وبين نفسك وخد قرار......

1- أين أنت ذاهب بالسياره ومن ستقابل ورايح فين وحاول ترسم خريطه فى مخيلتك عن الطريق اللى حتمشى فيه بالسياره ..........يعنى حدد هدفك......

2- أختار الطريق السهل الخالى .....وأبعد عن أماكن المنحنيات وأصلاحات الطرق والأماكن المزدحمه بقدر الأمكان ..........

3- أجلس جلسه صحيحه وتحكم فى الدركسيون وأضبط المرايا أمامك (مراية الصالون ) والمرايات الجانبيه .....4- أضبط الكرسى فى وضع مريح بحيث تتحكم فى آلات القياده (الدركسيون يكون فى وضع كويس بالنسبه لجسمك ) وتكون الدواسات فى متناول قدمك تماما ....على أساس تكون حركة رجلك على الدواسات مناسبه ومتمكنه .........

5-

أمسك عجلة القياده بطريقه سليمه فى وضع الساعه العاشره وعشر دقائق لأحكام السيطره على الدركسيون ......

6- لا تسند كوعك على باب السياره .....لأن القياده بيد واحده ....قد تسبب وقوعك فى مشاكل .....وبالذات وأنت لسه جديد ....وبينى وبينك ...هو ده الصح ....الدركسيون يتمسك بالأيدين......بس فيه اللى بيتفزلك كتير .....وممكن ينام على الشباك وهو سايق وساند بايده وكتفه الشمال على الشباك اللى جنبه ......

7- لا تجعل تركيزك يسرح فى أى شىء وأنت سايق .....عن نفسى ....لو حد بيكلمنى وأنا سايق .....بقله أسكت على طول ....ودايما عين الواحد تكون بتتعرف على أيه اللى بيعمله السواقين اللى معاه على الطريق ....لحد ما تتأكد أن هيسبلك مكان آمن تعدى منه .......

8- متخدش قرار ...ألا أما تلاقى اللى قدامك خد القرار ونفذه فعلا .....يعنى متعديش من شمال واحد مدى أشاره يمين ....ألا أما تلاقيه فعلا دخل فى اليمين .....أصل فيه منهم كتير مبيعرفش الشمال من اليمين للأسف ..........وبيوقع اللى وراه فى مشاكل فى بعض الأحيان .......

- دايما فى البدايه ....أبعد عن الجانب اليمين من الطريق .....وخليك جنب الجزر اللى فى الشمال.....بسبب بتوع الميكروباص والتاكسى.......ممكن تلاقى واحد من دول واقف يمين وأنت ماشى جنبه وتلاقيه راح طالع مره واحده قدامك ومتلحقش نفسك بالفرامل لاقدر الله .......

9- لا تسافر الى أماكن بعيده الا حينما تتقن القياده جيدا ......تبقى معلم يعنى .....

10- تحلى بالصبر والثقه أيضا .....ودائما كن واثقا من نفسك ......ولا تقل ....أنا حبقى زى دول فى يوم من الأيام ...على رأى عبلد الحليم.....أى (السواقين اللى بيلعبوا أكروبات بالعربيه ).....بالعكس حط فى دماغك أن مفيش حد أفضل من حد .....ولست أقل منهم فى شىء .......

11- دايما سيب مسافة أمان كافيه بينك وبين اللى قدامك فى البدايه ......على ماتتعود على التحكم جيدا فى الفرامل .......

12- يستحسن فى البدايه أن يتدرب المبتدىء على تحريك عصاية الفتيس فى أوضاع النقل المختلفه وهو واقف بالعربيه والعربيه مش دايره ومتموره فى مكانها ......علشان يتعود على عدم النظر الى العصايه أو الدواسات وهو بينقل بين السرعات ( أى والسياره واقفه من 4 الى 6 ساعات ) ......وبعد ذلك يتوكل على الله .........وبالتوفيق

**samirayad** · 17-07-2009, 05:39 PM

والعربيه مش دايره ومتموره فى مكانها

سورى حنشيل كلمة متموره دى من الموضوع .....لزيادتها بالموضوع بدون داعى ...........لأن اللى بيدرب مش حيدور أساسا .....وأما يتدرب يبقى حيدور وهو ممور ..............

**A.Saad** · 17-07-2009, 10:26 PM

اظبط المراياة انها تكون جايبة طرف شنطة عربيتك
مش تركز انها تكون باينة نص العربية بس
كل فترة قول دقيقة اول 40 ثانية بس فى المرايا بسرعة بس مش تنسى قدامك
يا ريت تطلع الاول ايام اجازات الصبح بدرى فى شوارع هادية ويفضل من شروق الشمس وانت طالع بس شوارع هادية

فى كلمة قالها الاستاذ محمد ممدوح زميلنا وعجبانى اوى
حاول تكون متخيل شكل الطريق بعد 3 او اربع ثوانى
يعنى لقيت واحد جاى من شارع جانبى او بيحدف عليا
اتخيل هوة هييجى عندى ولا بعيد

استعمل الاشارات دايما
اما تبتدى ركن ادى انتظار لحد ما تخلص
لانك لو هتركن يمين بتلاقى بوز عربيتك حدف شمال
والاغبياء اللى بيمشوا نايمين كتير فده ممكن يفوقهم من نومهم

**mahmoudbadr** · 18-07-2009, 02:51 PM

أخى الفاضل يوجد برنامج لتعليم القيادة ثلاثى الأبعاد لتعلم الاشارات و المنحنيات و كل شئ فى السواقة

طريقة التشغيل

1- قم بفتح ملف setup
2- باسورد التشغيل هى Clutch مع مراعاة الحروف الكبيرة
3- قم بتشغيل ملف الكراك

باسورد فك الضغط هى 3absi.com

الرابط

http://soft.3absi.com/download-file-28.html

أرجو لك التوفيق

**A.Saad** · 18-07-2009, 03:00 PM

هل يوجد عداد rpmباللانوس
برجاء الافادة اولا حتى يمكننى الاجابة

**mrmor** · 22-07-2009, 02:51 AM

ممكن ياجماعة نبدأ من الاول انا كمان لسة بتعلم يعنى مثلا كل واحد بيتعلم سواقة جديد يقول هو اتعلم ايه والاعضاء الخبرة يصححولنا المعلومات لو فى حاجة غلط

**mrmor** · 22-07-2009, 02:55 AM

هابتدى انا مثلا........نبدأ بالطلعة ...انا عندى هيونداى اكسل فلازم ادوس دبرياج وانا بدور العربية وقبل مادور لازم اتاكد ان الفتيس ممور...بعد مادورت او شغلت العربية ادى الغيار الاول طبعا واثبت بنزين وارفع دبرياج واحدة واحدة وبعدين هدى التانى...ازاااى؟ هادوس دبرياج وارفع رجلى خالص من ع البنزين وهكذا لكل غيار اعلى

**biboelking200** · 24-07-2009, 07:59 PM

بوص الاهم من الغيارات ديه في شويه حاجات مهم لازم تاخد بالك منها مثلا وانت بدور العربيه مثلا دوس علي الدبرياج :> علشان العربيه ممكن تنط علي العربيه اللى قدامك في حاجه كمان وانت ماشي بالعربيه لما تيجي تدوس فرامل ابقي ممور العربيه علشان الديسك والاسطوانه مش يتاكلوا منك (في ناس تقولك لا علشان بياكل التيل وفي ناس تاني تقولك لا انت بتستخدم الفرامل اللي في الموتور ) بس انا عن نفسي بمور لما باجي افرمل

**DAHB115** · 27-08-2009, 12:23 PM

لو في اشارة بعيد وانا علي 80 مثلا اهم حاجه التهدئة بتكون ازاى اثبت رجلي علي الدبرياج وسنة سنة فرامل لحد ما اوصل بالقرب من العربية دا كدا صح ولا غلط يا ريت ضرورى حد يوضح لي اعمل ايه في التهدئة والمطبات كمان

**A.Saad** · 27-08-2009, 10:25 PM

المشاركة الأصلية كتبت بواسطة dahb115 مشاهدة المشاركة

لو في اشارة بعيد وانا علي 80 مثلا اهم حاجه التهدئة بتكون ازاى اثبت رجلي علي الدبرياج وسنة سنة فرامل لحد ما اوصل بالقرب من العربية دا كدا صح ولا غلط يا ريت ضرورى حد يوضح لي اعمل ايه في التهدئة والمطبات كمان

انت بتبدى تدوس فرامل
سرعتك هديت
لحد ما وزصلت لسرعة الغيار العكسى - هشرحا بعدين
تقوم واخد غيار عكسى
اما تقرب من اللى قدامك تفرمل خالص وانت دايس دبرياج للاخر
تمور او تفضل دايسس دبرياج وتجيب الاول

سرعة الغيار العكسى دى السرعة اللى بنزل عندها الغيار
لو انا فى التالت
بجيبه على 40
التانى
بجيبه على 20

طيب اما اهدى من التات للتانى تكون سرعتى اقل من سرعة الصعود بالغيار
يعنى مش عند 40 اغير لا عند 30 اقوم جايب التانى
وخد بالك
ساعتها وانت بتنزل بالغيار عكسى
وبترفع دبرياج
تدوس سنة بنزين
لو ما عملتش كدة
هتلاقى العربية فرملت سنة فى الارض مرة واحد ومشيت تانى

واهم حاجو وانت على سرعة
تبص على المرايا تشوف ايه وراك علشان ما يكونش فيه واحد نايم بيجرى وراك وما يشوفكش
وساعتها
ادى انتظار وكلاكس جامد
او اهرب من الحارة دى