ازاي تتصرف صح لو عملت حادثة ؟؟؟

[EGYANGEL]

شاهدت حادثة منذ عدة سنوات بين شاب ووالده خبطا سيارة شاب آخر فى طريقه للإمتحان و عندما صرح الشاب المتجه للإمتحان بأن الشاب الآخر ووالده قد تسببا فى ضرر للسيارة و فى توتر الشاب قبل الإمتحان كانت فرصة ذهبية لوالد الشاب إنتهزها بطريقة إستفزازية بالرغم من خطأ إبنه بأنه أصر على أن إبنه غير مخطئ و أنه لن يدفع تكاليف أى إصلاح و لا بد من عمل محضر
أكتبها لكم تلافيا للبوح بشئ ما امام من يستغلون الفرص .

ههههههههه فكرتني بنفسي قبل شهر وايام بسيطة
كنت قاعد بذاكر في البيت وكان يوم جمعة وكان عندي امتحان فيزياء الاحد (اعدادي هندسة)
المهم احتاجو في البيت طلبات اخواتي وقلتلهم لأ وبعدين لما والدتي قالتلي خدتهم ونزلت
وانا ساكن في قليوب لو مش عارفينها اكيد عارفين طريق صيانة غبور المهم كل يوم رايح جاي على مصر
اسكندرية الزراعي
وانا ماشي في حالي في الشمال على 80 كم وفي النص ميكروباص وفي اليمين فولفو
سمعت صوت هبده خفيفة وفرامل في اليمين ناحية الفلوفو مفكرتش ابوص ونفضت وزي منا وقرصت عشان
اخلع منهم
اللي حصل كالأتي بتاع الفولفو خبط عربية قدامه من ورى وفرمل وبعدبن قرص جامد جه من اليمين للشمال

خبط الميكروباص من عند الفانوس اليمين جامد وقلبه بال14 راكب على جنبو لقيت الميكروباص بيزحف جنبي
وغلطت غلطة جامدة هيا اني هديت لقيت بتاع الفولفو هابدني في البابين والقايم اليمين ب وش عربيتو ولف عربيتي بعرض الطريق ووقفنا اتخضيت على والدتي واختي واطمنت عليهم الحمدلله ونزلتهم من ناحيتي ووقفتهم على جنب الطريق وبدور لهم على تاكسي
لقيت الناس بتحاول تطلع من الميكرو باص وهوى مقلوب وشباب بتحاول تعدلو المهم رحت اساعدهم والحمدلله الميكروباص اتعدل والناس اللي فيه طلعو كلهم واتنين اللي اتصابو واحد ضهرو وكان نايم عالاسفلت والتاني وشو والازاز وست برضو وشها والازاز المهم الطريق وقف ورحت زقيت العربية على جنب ونازل ادور على سواق الفولفو
عشان اطلع عليه اللي عملو فينا بقل الناس فين سواق العربية دي شاورلي واحد اهبل(هاقلكم اهبل ليه)
على واحد قاعد جنب الفولفو ووشو بيجيب دم من الازاز افتكرتو سواق الفولفو رحت بقولو انت سليم مارادش عليا وجت الاسعاف اتصلت بخالي عشان يجي وسواق الميكروباص اتصل بصاحب الميكروباص
وشالت المصابين ومنهم الراجل ده (السواق في نظري) والناس زقت الميكروباص على جنب والفولفو لقيت واحد
بيركبها ودورها وبيقرص عليها عشان يجيبها على جنب بس المقص الشمال ملوووح من الخبطة في الميكروباص
افتكرتو واحد من الناس وبيساعد المهم الطريق اتفتح تاني وكان جنبنا نقطة بتاعت مرور جه منها امين خد رخص
من العربيات وسواقينها بدء بالميكروباص وبعدين انا ولقيت سواق الفولفو بيديلو الرخص قلت اكيد كان راكب في الفولفو جنب السواق مثلا وجاي يخلص الموضوع مكانو (منا لسة لابسة في بالي ان السواق في الاسعاف)
دخلنا مكتب البيه الظابط المهم بيسأل ايه اللي حصل سواق الميكروباص حكالو وانا حكتلو وبيقولي رخصة العربية مش بإسمك ليه؟ قلتلو بإسم جدي ولسة واخدها منو مالحقتش اعمل توكيل قالي انت كدة مخالف
سواق الفولفو سمع كده حب يستغل الوضع قالو بتقول ايه؟ قالو مالكش دعوة
وحولونا على قسم في قليوب المهم رجعت اقفل العربيه وبدورها دارت خدتها وهما قافلو الفولفو
والميكروباص اللي اتعجن وروحنا على القسم عشان المحضر وبتاع الفولفو اعصابو باردة اوييي لما اتطمن ان مصابين الميكروباص طلعو من المستشفى اللي راحوها
وجينا عشان نشوف مين الغلطان
بتاع الفولفو قال للظابط انا جيت زي القضى المستعجل على الميكروباص ومدرتش بعدها بنفسي
ومستعد اصلحوا
والراجل ده (اللي هوى انا) معرفش طلعلي منين وبعدين هوى الغلطان و مخالف كمان........ انا اتجننت وشيطت فيه جامد
الظابط بيقولي عربيتك 124 حتة حديدة متقولش فرصة عشان اصلحها على حساب الراجل
قمت شايط فيه هوى كمان
وجه خالي وخلصت الحكاية واتنازلت عشان الامتحان اللي ورايا على اساس انو يسمكرها وانا ارشها عشان هوى لسة هايصلح الميكروباص وفعلا روحت وديت العربية عند ورشتو ( طلع عندو ورش فرامل ودبرياش) يعني هايصلحها ببلاش عند اي سمكري صاحبو (اي كلام يعني)
وضاع يوم كنت محتاجه جدا عشان الامتحان رجعت البيت نمت من التعب
وبعد كم يوم اتصل بيا قالي خلصت تعالى خدها لاقيتها متسمكرة اي كلام خدتها على فرن عندنا وسيبتهالو ومشيت وبعد يومين خدتها ركنتها تحت البيت ولدلوقتي ماسوقتهاش الا كم مرة عشان بطاريتها ماتنامش مش اكتر (كرهتها)
بس خدو بالكم

عشان هوى غلطان اول ماخبطنا نزل وقف بعيد علي جنب عشان يتجنب اي حد متعصب زيي ودي حركة كويسة


بزمتكم انا غلطان؟؟؟؟

[AHMEDCAR]

النجده ارقمها 122 و شرطه المرور 136

[zalpany2000]

خلنا مكتب البيه الظابط المهم بيسأل ايه اللي حصل سواق الميكروباص حكالو وانا حكتلو وبيقولي رخصة العربية مش بإسمك ليه؟ قلتلو بإسم جدي ولسة واخدها منو مالحقتش اعمل توكيل قالي انت كدة مخالف
سواق الفولفو سمع كده حب يستغل الوضع قالو بتقول ايه؟ قالو مالكش دعوة

اخي الكريم egyangel هو دي الغلطة الوحيدة ... انك ماشي بالعربية من غير توكيل ..
هو طبعا سخافة الموقف اللي حصل معاك.. بس اتعلم فقط انك ما تحطش صوباعك في بق اي حد ... أمن نفسك و ظبط ورقك
علي رأي المثل الوحيد اللي انا مءمن بيه ايمان مطلق"إمشي عدل يحتار عدوك فيك"
حمد الله علي سلامتك و الوالدة.. وقدر الله وماشاء فعل
تحياتي

[homme49]

النجده ارقمها 122 و شرطه المرور 136

ولكن لاحظ انك لابد ان تتصل بهم من تليفون أرضى ثابت و ليس محمول لكى يستجيب لنداءك

[medoghaly]

ولكن لاحظ انك لابد ان تتصل بهم من تليفون أرضى ثابت و ليس محمول لكى يستجيب لنداءك

انا هجيب ارضي في الموقف دة ازاي و المحمول مالة يعنى بتصل اهظر معاة

[Ahmed_Ramadan]

يا جماعة 136 شغال من الموبايل
و هل فى مشكلة انى اسوق عريبة والدى من غير توكيل
و هل ممنوع اسوق عربية واحد صاحبى و هو معايا

[homme49]

انا هجيب ارضي في الموقف دة ازاي و المحمول مالة يعنى بتصل اهظر معاة

سبق أن عرض أحد أعضاء المنتدى مكالمة صوتيه من موبايل مع شرطة النجدة للإستنجاد بهم فى معركة بالسنج و المطاوى فى عين الصيرة و كان طلب المستنجد يقابل بكل إستهزاء
و لم تصل قوات الشرطة إلا بعد ان إنتهت المشاجرة
التليفون الأرضى يمكن تتبعه و معرفة صاحب التليفون لآنه تليفون ثابت و له مصداقيته
أما التليفون المحمول فممكن ان يكون مسروق من اى راكب ميكروباص
و كم عانى مرفق الإسعاف من البلاغات الكاذبة عن طريق التليفون المحمول

[the-hero]

جذاك الله خير أخى الكريم

[x_gomgom]

و هل فى مشكلة انى اسوق عريبة والدى من غير توكيل
و هل ممنوع اسوق عربية واحد صاحبى و هو معايا

لا عادي موضوع التوكيل دا كان مشروع و اثبت فشله قبل تطبيقه....
اهم حاجه انك لما تسوق عربيه يكون معاك رخصها و ف

[Bonanza]

لا عادي موضوع التوكيل دا كان مشروع و اثبت فشله قبل تطبيقه....
اهم حاجه انك لما تسوق عربيه يكون معاك رخصها و ف

اسمحلي اكمل علي اخر جملة ليك

اهم حاجة انك لما تسوق عربية يكون معاك رخصها و في جيبك فلوس وانتوا فاهمين ليه طبعا

[LORD.ADeL]

السلام عليكم
سلم ايدكم والله ع الافادة وربنا يسترها على الكل باذن الله وماجيب شر ابد
ولا يكون فى وضع مجنى عليه او عليك يارب اللهم امين استرها على الكل
طب دلوقت يا شباب اذا حصل وواحد خبطك وقالك اللى انت عايزة عايز محضر اوك عايز اتكفل بيها اوكي
ووقت مش متاح لكدة مثل متاخر او وقت عملالصبح تعمل ايه وازي تقدر تقدر الخسائر لا قدر الله يعنى ربنا ما يكتبها عليناا
وبالاخير ربنا يحفظنا جميعا ويكفينا شر الطريق اللهم امين

[abo_lamar]

ربنا يسلم ويسترها علينا

[bedo13]

نصيحة ياجماعة لازم المحضر واوعى تتنازل عن المحضر الا لو فلوس التصليح في جيبك(لو كانت كتيرة يعني) و طبعا تستنى المعاينة عشان حقك ما يضيعش.
انا حصل معايا موقف زي دة في الساحل في قرية اللوتس واحدة كانت شاربة (الله اعلم مش فايقة لية) المهم في ميدان كدة في الوسط ماشية بسرعة اوي و دخلت في عربية بنت خالتي في الباب الخلفي دمرته و طبعا ما رضيوش يدفعوا حاجة غير لما عملنا محضر و ما اتنازلناش غير لما خدنا اي حاجة منهم 300ج بالعافية (التكاليف 1500ج تقريبا) وقعدنا ل تاني يوم نتخانق(كانت من اسكندرية على فكرة)
المهم ربنا يسترها معاكو و بردة العفو عند المقدرة الا لو قل ادبو طبعا.
اسف على الاطالة

[kasten]

Great Topic

[Marwanelbendary]

الحق ضايع وتايه في مصر
وبيعيط وبردان وجعان ومش لائي حد يأكله و يكبره ويدفيه
ولاحول ولا قوة الا بالله

للي يخبط بني ادم لاقدر الله ....تسيبه وجري على القسم تسلم نفسك
وانت في طرقك للقسم تكلم الاسعاف
وده في حالة ان الطريق فاضي و عربيتك بتمشي (بس ما تكملش على المجني عليه)

اللي يخبط عربية وهو غلطان يتصرف ويدي للمخبوط حقه ناشف

واللي عربيته تتخبط عوضه على الله بس بعد ما يحاول ياخد حقه بهدوء (علشان كده يستحسن تكون مأمن على عربيتك)

وأنا تعرضت لجميع هذه المواقف بكثرة للأسف ودي أسلم الطرق من غير بهدله.