مرحله ما بعد التليين .....

[mh1982]

فيه واحد قال لى ان بعد التليين ... لازم الواحد يفتح نقلات العربيه ..
قلت له يعنى ايه ؟؟؟
قالى يعنى لازم تجرى بالعربيه وتجيب اخر كل نقله ... يعنى اخر الاول .. اخر التانى ... وهكذا علشان العربيه تفتح معاك بعد كده على السرعه ... وتستجيب للتسارع ....
قلت له يعنى العربيه مش هتفتح معايا الا اذا قرصت على كل نقله لحد ما اطلع روحها .. :D
قالى لازم كده
فهل الكلام ده صحيح ؟؟؟ :shock: :shock:

[ayman_elkholy]

قلت له يعنى العربيه مش هتفتح معايا الا اذا قرصت على كل نقله لحد ما اطلع روحها ..
قالى لازم كده

طلع روحها يا اخى وفوت الماتور كمان عشان تفتح على الاخر
بالراحه يا اخى ايه اللى بتقوله ده مش لدرجة ما تطلع روحها يعنى

[sokasoon]

• بالظبط شوية شوية زى ما استاذ ايمن قال
  
  يعنى مثلا لو انت فى فترة التلين بتنقل عند RBM2
  
  بعد فترة التلين تزود شوية ل2.5 RPM لفترة شهر مثلا وبعدين تزود
  
  ل3 RPM وخليك على 3RPM دايما ولو قرصت زيادة ماتعديش ال3.5 RPM
  
  ده طبعا بعد ما هيكون الموتور فتح معاك

[fahd_628]

انا بصراحة مش مقتنع بموضوع التفتيح دة و ياريت حد يفسرهلنا علميا ( اذا كان لة تفسير )

[hazem_khidr]

موضوع التفتيح دا في رايي الشخصي و تخيلي انك بتخلي البستم يطبع مع الشميز ما يبقاش في خشونه بينهم يعني بمعني تاني بتلين البستم مع الشيمز.
و بعدين حكايه التفتيح دي مش حتزود في سرعه العربيه 10 كم /س زياده و التسارع بحد اقصي مش حيتحسن عن ثانيه او ثانيتين في افضل الاحوال يعني ش حيعمل الفرق الفظيع اللي الناس متخيلاه ابدا.
و علشان تفتح الموتور بعد التليين اي بمعني بعد 5000 كم وليس 1000 كم تنقل علي rbm فوق ال 4000 لفه لكن مش علي طول تعمل الحركه دي يعني تعملها مره او اتنين او تلاته انما ما يبقااش كل مشيك بالمنظر دا علشان كده حتجيب اجل الموتور بدري بدري.

[eng_mkhalaf]

ياباشا أنت مش بتشوف بعض العربيات معلقة -- عفوا السيارة فى التليين-- مش كدة ولا أية