سؤال لا أجد له إجابه مقنعه؟

[mo3tazelgamal]

قرأت فى كتالوج سيارتى السابقه (فيات سيينا) أنه يجب الضغط على الدبرياج أثناء تدوير العربيه لتخفيف الحمل عن الموتور؟
وكذلك قرأت تلك المعلومه فى كتالوج سيارة أحد أصدقائى
برجاء من لديه إجابه يفيدنى مع الأخذ فى الأعتبار أنه لم يذكر أن العربيه فى وضع تعشيق
وشكرا

[Ahmed Hassan]

انا اللي اعرفه ان ده بيكون كعامل امان... يعني فيه عربيات هيونداي مش بتدور اصلا الا لو ضغط الدبرياج.

[mo3tazelgamal]

فعلا الكلام دة أنا شفته فى الهيونداى بس دة إللى كان مكتوب فى المانيوال

[ayman_elkholy]

والكلام ده برده مكتوب عندى فى التويوتا وبعمله بس مش مقتنع

[محمد ابراهيم 1]

الموضوع مش مسأله أمان
لكن فى كتالوج عربيتى مكتوب هذا الكلام لكن عند درجات حراره الجو المنخفضه جدا فبالضغط على دواسه الدبرياج يتم فصل الفتيس عن المحرك وبكده المارش يقوم بتدوير المحرك فقط دون الفتيس وده بيكون أسهل على المارش ونتائجه هى سهوله أكثر فى إداره المحرك خاصه فى الأجواء البارده جدا + إطاله عمر المارش + إطاله عمر البطاريه

[eng_mkhalaf]

الموضوع مش مسأله أمان
لكن فى كتالوج عربيتى مكتوب هذا الكلام لكن عند درجات حراره الجو المنخفضه جدا فبالضغط على دواسه الدبرياج يتم فصل الفتيس عن المحرك وبكده المارش يقوم بتدوير المحرك فقط دون الفتيس وده بيكون أسهل على المارش ونتائجه هى سهوله أكثر فى إداره المحرك خاصه فى الأجواء البارده جدا + إطاله عمر المارش + إطاله عمر البطاريه

+1

[barakat_1986]

الكلام دة صح انا معايا هيونداى اكسيل مابدورش اصلا بدون الضغط على الدبرياج

[eng_mahmoud]

الموضوع مش مسأله أمان
لكن فى كتالوج عربيتى مكتوب هذا الكلام لكن عند درجات حراره الجو المنخفضه جدا فبالضغط على دواسه الدبرياج يتم فصل الفتيس عن المحرك وبكده المارش يقوم بتدوير المحرك فقط دون الفتيس وده بيكون أسهل على المارش ونتائجه هى سهوله أكثر فى إداره المحرك خاصه فى الأجواء البارده جدا + إطاله عمر المارش + إطاله عمر البطاريه
شكرا على الأجابه المقنعه بس أعتقد ما دام الكلام دة مفيد فى الأجواء الباردة للعربيه
إذن أعتقد أنه ممكن يتم فى كل الأوقات

_________________

[mo3tazelgamal]

أعتقد أن كلام م/ محمود صحيح فلماذا لا نتبع هذة الطريقه دائما؟

[Abonora]

وانا كمان عارف الموضوع ده من زمان بس معرفش اذا كان مفيد في كل العربيات ولا لاء بس بقي عاده عندي اول لما اجي ادور فتح الكونتكت نص الاول بسمع الزنة بتاعة الطلمبة وبعدين ادوس دبرياج وادور وعلي فكره انا بحس ان ده بيخلي صوت الدوارة انعم

[Nader]

عربيتي الهيونداي بتفصل كهربة العربية كلها لو مش دايس دبرياج.... اما الاونو والـ128 فبحس ان العربيات بتاخد وقت اطول علشان تلقط وهي على وضع المور.