يعنى ايه اخد الهوا من الفرامل

[A.Saad]

بسمع ناس تقول
خد هوا من الفرامل
يعنى ايه الموضوع ده
ايه سببه بالظبط
ازاى احدد ان الفرامل محتاجة يتاخد منها هوا

[lada2010]

بتلقى البدل بتاع الفرامل واطى شوية فهى بيفتح الهواء ويقفلوا الى ان تعلى الفرامل

[the-hero]

الفرامل ماهى ألآ ضغط زيت فى مواسير الفرامل فساعات بيكون فى الماوسير فرق ضغط هوا مع الزيت
فبيروح فاكك مسمار الماسورة ويضغط لحد متنزل زيت وبكدا يكون الهوا خرج من المواسير

[samirayad]

لما بيكون فيه هواء فى دورة زيت الفرامل ......بيحصل خلل فى آداء دورة الفرامل ......طيب ليه .......زيت أو سائل الفرامل مائع غير قابل للأنضغاط لأنه سائل ..........وبيكون مضاف أليه أضافات معينه لتحمل الضغوط (أى أن حجمه ثابت )........أما وجود الهواء فى دورة الفرامل (هو ده المشكله ).....لأن الهواء مائع قابل للأنضغاط لأنه غاز......أى أن حجمه بيكون مش ثابت مع شغل الفرامل ........حجمه بيقل مع ضغط الزيت بالضغط على الدواسه .....وبعد كده حجمه بيزيد مع ترك الدواسه ....ومن هنا بيحصل خلل فى الآداء وعدم أنتظام فى سريان الزيت فى الدوره ........بالبلدى كده .....كأننا قطعنا الزيت بسبب وجود الهواء .....شوية زيت ووراهم شوية هواء مبوظين شكل سريان الزيت وأستمرارية سريان الزيت فى خطوط دورة الفرامل .....وأساسا أعتماد دورة الفرامل ....فى توليد القوه الفرمليه بيكون على الزيت .....أما وجود الهواء بيلعبك العمليه .....ويخللى سريان الزيت متقطع (أى أن طبقات الزيت بتكون مفصوله عن بعضها )......ومن هنا بيضعف الآداء الفرملى

[A.Saad]

الف شكر لحضراتكم
بس ايه سبب دخول الهوا فى دورة الزيت
وهل ممكن احدد الزيت فيه هوا ولا لا بالنظر لخزان زيت الفرامل

[ziours]

اانا لما باجي اخد الهوا من الفرامل بالاقي الميكانيكي بيفتح مسمار الهوا لكل عجلة ويسبها شويه وبعد كده يتقص شوية زيت و ازود فبساله اكاركلك قالي لا فاستغربت وقالي ان كده الهوا بيطلع برحته هل الكلام ده صحيح و لا غلط؟

[samirayad]

أشكرك يا أبو حميد...........
دايما بلاقيك بتحرجنا بزوقك...........

[ahmedfra]

طيب ازاى ناخد الهواء بنفسنا من الفرامل يا بوسمره ؟؟؟؟؟و يا سلام لو شرح بالصور كالعادة

[samirayad]

- شوف ياحج : أحمد
الصوره اللى قدامك ....عباره عن مخطط بسيط خاص بدايرة الفرامل العاديه الغير مزوده بنظام abs بتاعة الغلابه اللى زى حلاتنا ....ههههههههههه
- لو بصيت على الصوره المكبره من تحت (دى لفردة الفرامل بتاعة السواق ....يعنى الأماميه شمال )
- على آخر الخرطوم اللى رايح على ماستر الفرده .....بيكون فيه مسمار مجوف .....ومخروم من على محيطه
- بتخلى واحد قاعد على كرسى السواق .....ويقعد يكارك .....يعنى يدوس على الدواسه (لتحت ويرفع رجله بصوره دوريه )
- حيجى الراجل الميكانيكى أو أنت طالما عاوز تشتغل هههههههه....يحل المسمار ده على بسيط ....يهويه يعنى
- وأثناء التكريك بيطلع الهواء من الدوره من عند مسمار الفرده دى ...اللى متهوى دلوقتى معانا ......
- أول ما يبدأ المسمار يجيب زيت فقط ....بنروح قافلين على المسمار تانى ..................
- تكرر نفس الخطوات لباقى الفرد ...........وخلصت ....
- حطلع تجرب العربيه .....وتجرب الفرامل .....تمام .....يبقى خير وبركه .....طيب لو لسه الفرامل مش قد كده .....أيه الحل .....
- حنرجع نعمل نفس الخطوات تانى .....لأن ممكن يكون فيه هواء لسه جوه الدوره ............
- لاحظ فى الشرح بتاعى كده .....الهواء بيبقى مقطع طبقات الزيت فى كل الدوره ...........يعنى موجود فى كل مكان .....وأنت وحظك
- يا الهواء بيروح معاك من أول مره .....تستنزف أو تطلع فيها الهواءمن الدوره .....أو حتكرر الموضوع البسيط ده مره تانيه ......لحد مايحدث تحسن للآداء الفرملى ........

[A.Saad]

الف شكر لحضراتكم
بس ايه سبب دخول الهوا فى دورة الزيت

انتوا نسيتونى ولا ايه:b4_592:

:b4_592:

[samirayad]

ياباشا .....هو فيه حد يقدر ينساك ...........هههههههههههه
- بص ياسيدى .....الهواء ده حيدخل دورة الفرامل أمتى .....ومنين
- بالطبع حيدخل من تنك الزيت أو من أى مكان بتنزل منه الزيت أو فاصل خرطوم لأنزال الزيت لأنه هواء وبيتخلل أى مكان قدامه فاضى .....وده لما نكون بنغير زيت الفرامل......طيب أزاى
- لما بنفضى الزيت من دورة الفرامل .....كل الخطوط بيبقى فيها هواء ....لأن أما مستوى الزيت بيقل فى التنك وأنت بتفضى ....على طول الهواء بيحل محل الزيت
- لما بتيجى بقه تحط الزيت الجديد .....بتكون قافل كل الخطوط .....بس الخطوط فيها هواء محجوز
- الزيت بيروح زاقق الهواء قدامه وحاجزه جوه الخطوط ....
- أدى الموضوع ببساطه شديده

[A.Saad]

باشمهندس سمير

انت استاذ كبير
زادك الله علماً

[samirayad]

الله يخليك يا أستاذ : أحمد

[ahmedfra]

الف شكر يا باشمهندس

[samirayad]

أى خدمه يا أبو حميد