احتياطات صعود ونزور الكباري؟

[falcon191]

ما هي الاحتياطات الواجب اتخاذها عند صعود أو نزول أية مرتفعات؟

[ahmedsrs]

الحرص على اعطاء السيارة عزم مناسب للطلوع يعنى لو ماشى على الخامس ادى الرابع وهاكذا.
عدم اعطاء السيارة وضع المور فى المنازل.
عدم الوقوف المفاجى فى المطالع والمنازل .
النظر فى مراة الصالون لمعرفة السيارات المندفعة خلفك.
الحذر من المشاة الى الكماكازىالى بيعدوا من الكبارى .
عدم ارباك السائقين الأخرين بالزمامير والأنوار المبهرة.

[كابوس الليل]

ان لو الكبرى زحمة جدا جدا جدا وواقف مش بيمشى وجيه حظك انك تقف فى المطلع او المنزل....
انك تمسك الهاند بريك وتكون مركز عشان لما العربية الى قدامك تطلع تقوم منزل الهند بريك بسرعة وتمشى وتدى العربية عزم قوى عشان تقدر تطلع
كمان فى دعاء وانت بتطلع الكبرى وانت بتنزل من عليه اتعود انك تقوله
حضورلك عليه

[كابوس الليل]

سُـنـَّة مفقودة أو مهجورة عند الكثيرين
نبدأ بسم الله ، والصلاة والسلام على أفضل النبيين سيدنا محمد خاتم المرسلين
عند صعودك على السُـلـَّم / الدّرج،.
أو نزولك مِن السُـلـَّم / الدّرج .. ، ماذا تفعل؟
أو صعودك في المِـصعد ..أو نزولك فيه


أتعرف أنّ حبيبك محمد صلى الله عليه وسلم


إذا صعد أو نزل هضبة أو جبلاً ماذا كان يقول ؟؟ !!



عند صعوده كان يُـكـَـبِّـر ' الله اكبر'

وعند نزوله كان يُسَـبِّـح ' سبحان الله'



اقرؤوا معي هذه الأحاديث..

عن جابر رضي الله عنه قال:
[ كـُـنـّا إذا صعدنا كبـَّرنا، وإذا نزلنا سبَّحْـنا] ((رواه البخاري)).

وعن ابن عمر رضي الله عنهما قال:

[..وكان النبي صلى الله عليه وسلم وجيوشـُه إذا عـَـلـَوْا الثــّـنايا كبَّـروا وإذا هـَـبَـطوا سبَّـحوا]((رواه أبو داود بإسناد صحيح))

[sayedafandy]

اخى العزيز هذا الموضوع سهل خالص بس محتاج تقرأه بعناية وتجربه بهدوء وبدون عصبية اوشدة اعصاب وبحبة تركيز زيادة عن السواقة فى الارض المستوية وهو كالتالى :-

اولا بالنسبة لصعود المطالع او الكبارى وسوف نقسمه الى جزئين :

الجزء الاول لو الكوبرى فاضى والطريق ماشى وده مفهوش مشكلة كل اللى عليك انك تحاول تشد شوية قبل الكوبرى علشان تطلع الكوبرى والعربية مستريحة ومتريحش او تنخع منك ولو حسيت ان عزمها ضعف شوية فى المطلع ووصلت لاقل سرعة للغيار اللى انت عليه انزل للغيار التالى مباشرة وبسرعة ومتحاولش تدوس بنزين للغيار السابق لانها موش هتشد معاك طالما نوت تريح او تنخع مع انى كنت اسمع للامانة انك لو فى مطلع او كوبرى متحاولش تغيير للعربية لانها ممكن تفصل منك او تبطل وتريح على اللى وراك وانا شخصيا بغيير عادى خالص ومحصلش معايا اى مشكلة بس بخطف الغيار بسرعة شوية ولو لاقدر الله بطلت منك تماما تشد فرامل اليد ( ولو فرامل اليد ضعيفة ممكن تديها غيار ) علشان متريحش على اللى وراك لحد متدورها وتطلع بالسلامة

الجزء الثانى لو الكوبرى واقف والطريق زحمة وده علاجه انك تسيب مسافة امنه بينك وبين العربية التى امامك علشان ما يريحش عليك لو نسى او سهى عليه ولما تيجى تقف تربط العربية كويس بمعنى انك تفرملها كويس ودي ليها طريقتين كالتالى :

طريقة عادية وهى انك لما تيجى تقف تروح ممور العربية وشادد فرامل اليد - فرامل اليد وليس بدال الفرامل لانك لو اعتمدت على بدال الفرامل ففى لحظة ما ترفع رجلك من بدال الفرامل الى اكسلاتير البنزين عندما يمشى الكوبرى هتلاقى نفسك ريحت على اللى وراك وخبطته وممكن تكون خبطه جامدة لاقدر الله لو المطلع عالى شوية - يبقى الاعتماد على فرامل اليد ولما الطريق يمشى بتاخد الغيار الاول ثم تضع ايدك على فرامل اليد وتعمل الثلاث حاجات التالية مع بعض تدوس بنزين و ترفع رجلك من على الدبرياش و تنزل فرامل اليد وهكذا لما الكوبرى يقف تانى والبراعة انك لما تعمل الثلاث حاجات دول بدون ما تريح على اللى وراك 1 سم

طريقة روشة وجامدة شوية بس عاوزة تركيز اعلى عن الطريقة السابقة وهى انك تكون عارف نقطة الفصل بتاع الدبرياش بتاعك بمعنى انك وانت ماشى وشايف الكوبرى هيقف تروح ممور العربية وتدوس فرامل عادية علشان تقف برجلك اليمين عادى خالص لحد ما تقف وانت لسه دايس فرامل وتروح دايس دبرياش وتاخد الغيار الاول ورجلك لسه على الدبرياش وتسيب الفرامل بسرعة وتدوس بنزين سنه سنه وترفع رجلك من على الدبرياش سنه سنه لحد متوصل للحظة اللى تحس فيها ان العربية هتمشى للامام ( تحس فقط مش تمشى ) فى هذه اللحظة يجب تثبيت الوضع على ما هو عليه تفضل دايس دبرياش وبنزين عند نقطة الفصل هذه لحد ما الكوبرى يمشى تروح ماشى عادى وهكذا

وكلتا الطريقتين محتاجين منك تجربة فى مطلع كوبرى يكون فاضى تماما او حتى مطلع طريق لحد ما تتقنهم تماماً وهما على فكرة فى منتهى السهولة بس تجربهم كذا مرة وبصفة خاصة الطريقة الثانية محتاجة تجربة زيادة وتركيز زيادة

ثانيا بالنسبة للهبوط من المطالع او الكبارى وسوف نقسمه لجزئين ايضا :

الجزء الاول لو الكوبرى فاضى والطريق ماشى ودى سواقة عادية خالص كل اللى تاخده فى حسبانك ان قوة اندفاع السيارة فى النزول بتزيد من سرعتها وبالتالى لو عاوز تنزل على سرعة 60 كم مثلا تدوس بنزين يمشيك على سرعة 30 كم فى الارض المستوية وقوة اندفاع العربية هتوصلك لسرعة 60 كم وهكذا وبمعنى اخر يفضل انك تاخد يمينك وتنزل بالراحة وبشويش كده لحد ما تتعود على النزول الصح واصح نزول فى رأى الشخصى هو النزول على سرعة واطية لان سرعة العربية بتزيد طبيعى من المنحدر كما وضحت لسيادتك ومع هذه الزيادة بتضعف الفرامل فلو فوجئت بأى عارض بعد ما تنزل لاقدر الله ممكن متقدرش تفاديه من سرعة العربية وقوة اندفاعها

الجزء الثانى لو الكوبرى واقف والطريق زحمة ودى سواقة عادية خالص ايضا واسهل كمان وباستخدام الفرامل العادية او باستخدام فرامل اليد زى ما تحب كل اللى عليك انك تسيب مسافه امنه بينك وبين السيارة التى امامك ومتقفش على غفلة لان ممكن اللى وراك يلبس فيك وتكون ملاحظه كويس ده حتى فيه ناس مبتخدش غيار وهى نازلة وتسيب العربية تتدحرج بس ده غلط لان الغيار بيحكم العربية من الانحدار القوى الغير محسوب بمعنى انه بيحجم سرعتها لو مشى الطريق مرة واحدة .

ارجو ان اكون افدتك بخبراتى المتواضعة والموضوع متروك للتعليق لمن هم اجدر منى طبعا والله اعلى واعلم

[A.Saad]

الافضل تشيل رجلك من الدبرياج الاول سنة بسيطة كالاتى

وانا لسه على الفارمل اخف دبرياج سنة السنة دى انت بتحس فيها ان فيه رعشة بسيطة فى الدبرياج او صوت الموتور اتغير
ساعتها اشيل رجلى من الفرامل وادوس بنزين
والطريقة دى انا رحت مساكن الرماية فى الهرم لانها مطالع وقعدت مع السواق اللى بيعلمنى - الله يبارك له - بتاع 3 ساعات فى الحر لحد ما عرفتها
بس هيا اسهل من فرامل اليد

بس ساعات اما اكون مش مركز برجع لطريقة فرامل اليد

[Mohamed.Raafat]

شكررررااااااااااااااا ليكم كلكم على المعلومات الجامدة ديه

[falcon191]

والله متشكر جداً يا جماعة على الاهتمام الشديد بالرد، وربنا يوفقنا جميعاً
وكل سنة وانتم طيبين

[john_samy]

الحرص على اعطاء السيارة عزم مناسب للطلوع يعنى لو ماشى على الخامس ادى الرابع وهاكذا.
عدم اعطاء السيارة وضع المور فى المنازل.
عدم الوقوف المفاجى فى المطالع والمنازل .
النظر فى مراة الصالون لمعرفة السيارات المندفعة خلفك.
الحذر من المشاة الى الكماكازىالى بيعدوا من الكبارى .
عدم ارباك السائقين الأخرين بالزمامير والأنوار المبهرة.

ممكن يا استذ احمد تقولى ليه مجبش المور وانا نازل من على الكبرى؟
بالرغم من انى بسوق بقالى 11 سنة ودايما بجيب المور وانا نازل من على اى كبرى..

[john_samy]

الحرص على اعطاء السيارة عزم مناسب للطلوع يعنى لو ماشى على الخامس ادى الرابع وهاكذا.
عدم اعطاء السيارة وضع المور فى المنازل.
عدم الوقوف المفاجى فى المطالع والمنازل .
النظر فى مراة الصالون لمعرفة السيارات المندفعة خلفك.
الحذر من المشاة الى الكماكازىالى بيعدوا من الكبارى .
عدم ارباك السائقين الأخرين بالزمامير والأنوار المبهرة.

معلش انا ليا تعليق اخر على كلام حضرتك بخصوص اول نقطة وهى انى لازم اعطى السيارة عزم مناسب.

السيارة ممكن تصعد اى مرتفع ليس بقوة العزم بل بقوة الاندفاع. ودة معناه انى لو ماشى على سرعة 100 وطالع كبرى انا ممكن ساعتها مدوسش بنزين وبردو العربية هتطلع الكبرى بس طبعا سرعتها هتقل بسرعة لكن فى الاخر هتطلع.وهو دة قوة الدفع.

[john_samy]

الحرص على اعطاء السيارة عزم مناسب للطلوع يعنى لو ماشى على الخامس ادى الرابع وهاكذا.
عدم اعطاء السيارة وضع المور فى المنازل.
عدم الوقوف المفاجى فى المطالع والمنازل .
النظر فى مراة الصالون لمعرفة السيارات المندفعة خلفك.
الحذر من المشاة الى الكماكازىالى بيعدوا من الكبارى .
عدم ارباك السائقين الأخرين بالزمامير والأنوار المبهرة.

تعديل للمشاركة السابقة........

معلش انا ليا تعليق اخر على كلام حضرتك بخصوص اول نقطة وهى انى لازم اعطى السيارة عزم مناسب.

السيارة ممكن تصعد اى مرتفع ليس بقوة العزم بل بقوة الدفع. ودة معناه انى لو ماشى على سرعة 100 وطالع كبرى انا ممكن ساعتها مدوسش بنزين وبردو العربية هتطلع الكبرى بس طبعا سرعتها هتقل بسرعة لكن فى الاخر هتطلع.وهو دة قوة الدفع.

بخصوص المثال انى لو ماشى على الخامس ادى الرابع وانا طالع الكبرى, الكلام دة سليم لو انا مش ماشى على سرعة الخامس لكن انا لو كنت على سرعت الخامس اطلع الكبرى عادى على نفس الغيار.لكن لو لاحظت انى سرعتى نزلت بسرعة وانا لسة مخلصتش المطلع يبقى انقل على الغيار الاقل لان كل معليت بالغيار كل ما العزم آقل. ودة سبب ان احنا بنبدأ نتحرك بالأولانى لانه اقوى عزم بعد المرشدير.

[LORD.ADeL]

سؤال يا شباب
دلوقت وانتا طالع ع كوبري زحمه وواقف وبتمشي سنه سنه
طول هذا الوقت رجالك تكون متعلقه ع الدبرياش وشادد الهندبريك ومدي غيار الاونى علشان اذا الطريق مشي امشي معه سنه سنه
ولا
اشد الهندبريك وامورر وحين سير الطريق ادوس دبرياش وادي غيار اولانى وانزل الهندبريك واطبع عادي
ايهما افضل؟

---
غيران فى شي بخصوص الاخ اللى ذكر انه غير مستحب انك تمور العربيه وانت نازل من ع الكوبري ايه وجهه نظر حضرتك ف كدة
اللى اعرفه انك قبل ما تنزل تمور العربيه وتسبها نازله من غير ما تدي غيار ولا بنزين لانك كدة كدة هتكون منفدع وقريت مرة ان هذة طريقه بتكون من احد طرق حفاظ ع عدم استهلاك بنزين سؤاء كان كوبري ماشي او واقف... ولا كلام دة غلط
تحياتى

[A.Saad]

سؤال يا شباب
دلوقت وانتا طالع ع كوبري زحمه وواقف وبتمشي سنه سنه
طول هذا الوقت رجالك تكون متعلقه ع الدبرياش وشادد الهندبريك ومدي غيار الاونى علشان اذا الطريق مشي امشي معه سنه سنه
ولا
اشد الهندبريك وامورر وحين سير الطريق ادوس دبرياش وادي غيار اولانى وانزل الهندبريك واطبع عادي
ايهما افضل؟

---
غيران فى شي بخصوص الاخ اللى ذكر انه غير مستحب انك تمور العربيه وانت نازل من ع الكوبري ايه وجهه نظر حضرتك ف كدة
اللى اعرفه انك قبل ما تنزل تمور العربيه وتسبها نازله من غير ما تدي غيار ولا بنزين لانك كدة كدة هتكون منفدع وقريت مرة ان هذة طريقه بتكون من احد طرق حفاظ ع عدم استهلاك بنزين سؤاء كان كوبري ماشي او واقف... ولا كلام دة غلط
تحياتى

بص يا لورد
النقطة التانية
فيه حاجة اسمها engine break ده معناه - حسب ما اذكر - انك وانت مدى غيار بيكون فيه ارتباط بين الموتور والعجل
فده بيقللل اندفاع العجل شوية لو مش مدى بنزين

طيب يبقى بالتالى النزول وانا معشق غيار بيساعد على الفرملة
ومش يدى حمل كتير على الفرامل
لو نزلت وانا ممور
بحتاج افرمل
ادوس فرامل بس
لو الفرامل راحت منى او سخنت بتبقى مشكلة

هوة الاسهل
تزق عربية متمورة
ولا عربية معشقة


الطريقة التانية
ممكن تعمل النقطتين اللى فيها
اهم حاجة حاول تدرب عليها فى مكان فيه مطالع ومنازل زى حدائق الاهرام مثلا
علشان تتعود على الاستجابة كويس

[LORD.ADeL]

بص يا لورد
النقطة التانية
فيه حاجة اسمها engine break ده معناه - حسب ما اذكر - انك وانت مدى غيار بيكون فيه ارتباط بين الموتور والعجل
فده بيقللل اندفاع العجل شوية لو مش مدى بنزين

طيب يبقى بالتالى النزول وانا معشق غيار بيساعد على الفرملة
ومش يدى حمل كتير على الفرامل
لو نزلت وانا ممور
بحتاج افرمل
ادوس فرامل بس
لو الفرامل راحت منى او سخنت بتبقى مشكلة

هوة الاسهل
تزق عربية متمورة
ولا عربية معشقة


الطريقة التانية
ممكن تعمل النقطتين اللى فيها
اهم حاجة حاول تدرب عليها فى مكان فيه مطالع ومنازل زى حدائق الاهرام مثلا
علشان تتعود على الاستجابة كويس

تسلم احمد باشا ع الافادة والرد
بخصوص ماقلته ع نزول الكابري او منحدرات اوك يخلاص فهمت
عند النزول اترك الغيار واسيب دبرياش تتدريجياا وافرمل فقط من غيرة لحين وصول السرعه الى 20 مثلا ابدا فى
الضغط ع دبرياش علشان عربيه ماتبطلش تمام الكلام....((: ولا فهمت غلط ((:
--------
اما الامر الاول بتاع الصعود معلش ما وصليش اللى عايز تفهمو لي وانت منين من جيزة يا صحبي ((:

[human]

تجنب تماما بتاتا نهائيا اكيد جدا ان يكون امامك ميكروباس او حد شكله بيتعلم سواقه