سؤال: الطلعة الاولي بالسيارة

[n_light]

انا عارف انه سؤالي بدائي جدا

بس لو حد لسه بيتعلم السواقة بتكون الطلعة الاولي صعبة

انه يجيب الاول ويسيب الدبرياج واحدة واحدة لحد ما العربية تتحرك فيثبت

او يدوس بنزين خفيف ويسيب الدبرياج بشويش لحد ما تمشي

بس كتير العربية بتبطل مش كتير بس ده كتيييييييييييييييييييييير

وطبعا لو الشارع بيقف التوتر بيزيد والمشكلة بتكبر

وبالاحظ ان كل السواقين الموضوع بيتم معاهم بسلاسة وعمرها ما بتبطل

فيا ريت اعرف ازاي الحكاية دي بتتم صح بالتفصيل

وبكل المهارات المفروض تكون موجودة

[Mohammmed]

تتم صح انه يبدأ فى بارك فاضى او منطقة مفيش فيها عربيات
وبالتدريج هتضبط معاه

[samirayad]

أهم حاجه تخلى كعب رجلك الشمال متمسمر كده بالبلدى على دواسة الأرضيه .....بحيث يعمل محور أرتكاز لحركة مشط الرجل على دواسة الدبرياش ..............
أول مارتفع مشط الرجل بسلاسه والعربيه تتحرك .....سيب الدبرياش بهدوء ...........بس كعب رجلك مكانه على ماتتعود
لو حسيت أنها حتبطل منك .....أكبس دبرياش تانى بسرعه بمشط رجلك .......علشان تفصل الفتيس ..........
ومع التعود والتدريب .....فى الأماكن الغير مذدحمه ....
حتفتكر أن دى حاجه بسيطه جدا ...........
كلنا كنا كده الأول ..........
ومفيش حد مولود متعلم ....وكل شىء بالتعود بيبقى سهل وبسيط جدا
لأن المخ خلاص بيبقى أترجم على وضع العلام الجديد .......
زى برامج السوفت وير تماما .....اللى بتتعمل لأى وحدة تحكم ألكترونى

[n_light]

شكرا ليكم

يكن يمكن انا مش كنت واضح

هو انا كنت باسال عن افضل اسلوب

يعني انا سمعت اربع اساليب في الموضوع ده

1- الطلوع بالدبرياش بس

2-الثبات علي بنزين خفيف وبعده دبرياش

3- الدوس علي البنزين مع الطلوع من علي الدبرياش

4- الطلوع من علي الدبرياش واول ما احس انها هتبطل اثبت وادوس بنزين

ولو فيه اساليب تانية يا ريت الافادة

وكمان ايه الاسلوب الاسرع والافضل والاقل في ان العربية تبطل وخصوصا في الطلوع في الاشارات او التقاطعات اللي لازم تحصل باسرع وقت

[Ahmed_Ramadan]

أولا مينفعش تسوق على الطريق الا لما تظبط الموضوع ده علشان كده هتخنق نفسك
و زى الاخوه ما قالوا كل حاجة بالتعود و لازم تبطل منك فى الاول بعد كده هتلاقيها سهلة جدا
انتا معاك عربيه ايه ؟؟؟

[moh_taia]

شكرا ليكم

يكن يمكن انا مش كنت واضح

هو انا كنت باسال عن افضل اسلوب

يعني انا سمعت اربع اساليب في الموضوع ده

1- الطلوع بالدبرياش بس

2-الثبات علي بنزين خفيف وبعده دبرياش

3- الدوس علي البنزين مع الطلوع من علي الدبرياش

4- الطلوع من علي الدبرياش واول ما احس انها هتبطل اثبت وادوس بنزين

ولو فيه اساليب تانية يا ريت الافادة

وكمان ايه الاسلوب الاسرع والافضل والاقل في ان العربية تبطل وخصوصا في الطلوع في الاشارات او التقاطعات اللي لازم تحصل باسرع وقت

الموضوع بيختلف بعض الشىء من سياره لأخرى
مثلا أنا كان عندى 128 موديل قديم وكان صعب جدا انك تطلعها بالدبرياش فقط - دايما كنت بحس ان العربيه هتبطل قبل ما تتحرك - لذلك كنت بستخدمالإسلوب رقم 2 دايما ( سنة بنزين وبعدين أسيب الدبرياج )

فى العربيات الأحدث زى الانسر و الفيرنا وحتى الأكسنت بتاعتى ممكن ببساطه تطلعها بالدبرياج فقط لو الأرض مستويه
لكن لو فى مطلع مثلا ومحتاج تطلع من الثبات أو اشاره مرور وانت فى أول الصف أو محتاج تطلع بسرعه شويه لأى سبب من الأسباب يبقى لازم تانى ترجع للإسلوب رقم 2 وطبعا مع بنزين يتناسب مع المطلع مش اكتر من كده ( انت هتحس الدوسه المناسبه مع الوقت )

طبعا الكلام ده هو الى أنا بعمله وأكيد لو فيه تصحيح أو تعليق من أى زميل لينا فى المنتدى فأهلا بيه

وتقبل تحياتى

[faron525]

ليه كده فكرتني باصعب حاجة في حياتي اول ما اتعلمت السواقة كنت طالع كوبري و الطريق كان واقف و العربية بطلت مني في مطلع الكوبري وكانت ليلة الله لا يعودها والعربية بالمناسبة كانت 127

[n_light]

الموضوع مش ماساة بالنسبة لي علي فكرة

انا باطلع بالعربية كتير وبالف بيها كتير

لكن في الزحمة والاشارات والتقاطعات الدنيا بتبوظ

اظن السبب الاغلب هو التوتر

نوع العربية لادا وانا عارف انها صعبة

وانا مختارها للسبب ده علي فكرة

لانه قالولي زمان اللي يسوق اللادا يسوق اي حاجة بعد كده


شكرا للمشاركات

ولو فيه اي معلومات تكون مفيدة اكتر هاكون سعيد بيها

[mucho]

انا عندي نفس الموشكله وقربت اتعقد بيجد البدايه دايما نفس الموشكله الاحساس بالدبرياج والبنزين لسه ما اتظبطش والعربيه تقعد تنط

والرجوع للخلف بيخاليني ابص ورا وزي ما تقول كده اتمطع او استرتش جسمي فابضغط على البنزيين اكتر وارجع بسرعه جدا واروح اقف بسرعه ودي اجدع حاجه انها فيها شاطر الوقوف بسرعه والدوس ع الفرامل وبتبقى حته نطه الله يعين عمي عليا بحس ان معدته بتتشقلب معايا
هههههههه

بس اديني واحده واحده بتعلم اصل الموضوع ممارسه وكتر اختبارات مع نفسك عشان تفهم عربيتك وتحسها وطبعا في مكان فاضي

موضوع رائع لكل المبتدئيين

[abo_lamar]

والله كله بالتمرين والتعود انا فاكر لما كنت بتعلم كنت بعمل مصايب بس الحمد لله ربنا كان بيستر

[ahmedsamir5edr]

أسمع من واجد بيتعلم .. الطريقه رقم 4 هي أنسب طريقه لانها سريعه و مش هتخلي العربيه تبطل منك ..

1. رجلك الشمال علي الدبرياج للاخر
2. اليمين علي الفرامل 0عشان ما تريحش منك
3. سيب دبرياج سنه ب سنه لحد مل تحس ان السياره هتبطل .. و انقل رجلك بسرعه علي البنزين
4. يفضل أنك تعلي الدبرياج عشان العربيه مش تبطل منك
5. لو في مطلع .. شد الهند لحد ما العربيه تبدأ تتحرك و نزلها

[shery103]

انا فاكرة اول ما اتعلمت السواقة كانت العربية بتبطل منى ساعات
و فضلت كده شوية مش متمكنة منها ( فيرنا ) ، لحد ما جبت عربيتى ، و اتعودت عليها و مبقتش تبطل منى خالص و بقيت كويسة جدا فى السواقة
بالنسبة للطلعة انا من ايام الفيرنا و حاليا مع عربيتى بطلع بالدبرياج بس ، و لو مطلع بثبت العربية بالدبرياج برضو ، مش بستعمل البنزين خالص ، و الموضوع مش صعب بس محتاج ممارسة مش اكتر .