سؤال لخبراء الميكانيكا

[ahmedsamir5edr]

السلام عليكم.. دارت مناقشه بيني و بين صديق عن :

هل فيه فرق لما أكون واقف بالعربيه و ممورها و دايس بنزين و ال ار بي ام عل تلاته ,و لما أكون ماشي مثلا عل سرعه 100 و ال ار بي ام علي تلاته من حيث أستهلاك السياره و أيهما أكثر ضررا علي الموتور ؟؟

يعني لما ال ار بي ام علي تلاته يفوت الموتور وانا واقف مكاني انما مش يعمل حاجه و انا ماشي ؟

[ahmedsamir5edr]

8 مشاهدات و محدش رد ؟

هوا صعب و لا مش مفهوم و لا ايه ؟

[samirayad]

هل فيه فرق لما أكون واقف بالعربيه و ممورها و دايس بنزين و ال ار بي ام عل تلاته

نعم فيه فرق ....وده أسم وضع تشغيل أى محرك بدون حمل

و لما أكون ماشي مثلا عل سرعه 100 و ال ار بي ام علي تلاته

وده أسمه وضع تشغيل المحرك مع وجود حمل مأخوذ منه
ولو فصلت الفتيس ....مع الحفاظ على نفس وضع دواسة البنزين
حتلاقى ال rpm رفع معاك عن 3000 .....وطبيعى الشغل بتاع أى مكنه مع الحمل بيزود أستهلاك البنزين عن عدم وجود حمل عند نفس السرعه

و أيهما أكثر ضررا علي الموتور ؟؟

بما أن الموتور بيعتبر آله منتجه للطاقه الميكانيكيه ( بتحويل الحريق الى حركه على الكرنك ) يبقى تشغيله بدون حمل هو اللى ضرر عليه
ببساطه كده حيليس من الكربون .......لأنه مش متفوق
عمال يحرق فى بنزين ومفيش طاقه ميكانيكيه مسحوبه منه (لأن العربيه واقفه )

يعني لما ال ار بي ام علي تلاته يفوت الموتور وانا واقف مكاني انما مش يعمل حاجه و انا ماشي ؟

فى الحالتين مش حيفوت ....طالما بيشتغل فى حدود سرعته التصميميه ....بس طبعا عرفنا وضع التشغيل الصح ووضع التشغيل الخاطىء وأثره على مكونات المحرك

[ahlawy2oo8]

معلش يعنى ايه ال ار بى ام ؟

[samirayad]

يعنى عدد لفات الماكينه كمقياس للسرعه بكذا لفه فى الدقيقه
ببساطه برضه ....الكرنك بيعمل كام لفه فى الدقيقه
ودى بتتوقف على وضع الضغط على الأكسراتير
كل ماتزود الضغط بالقدم على الأكسراتير
بيزيد عدد لفات الكرنك فى الدقيقه الواحده ...ليه
لأن دوسك على الأكسراتير ....يعنى بتخللى هواء وبنزين كتير
فى نفس حجم غرفة الحريق يزيد ....يعنى بتزود قوة أنفجار الحريق
اللى بتزق البساتم ....فبتروح مزوده عدد لفات الكرنك
وطبعا كلمة ال آر بى أم .....قادمه من المعنى ده
revolution per minuite
أخدنا الحرف الأول من كل كلمه من الشمال .....

[ahmedsamir5edr]

نعم فيه فرق ....وده أسم وضع تشغيل أى محرك بدون حمل وده أسمه وضع تشغيل المحرك مع وجود حمل مأخوذ منه
ولو فصلت الفتيس ....مع الحفاظ على نفس وضع دواسة البنزين
حتلاقى ال rpm رفع معاك عن 3000 .....وطبيعى الشغل بتاع أى مكنه مع الحمل بيزود أستهلاك البنزين عن عدم وجود حمل عند نفس السرعه
بما أن الموتور بيعتبر آله منتجه للطاقه الميكانيكيه ( بتحويل الحريق الى حركه على الكرنك ) يبقى تشغيله بدون حمل هو اللى ضرر عليه
ببساطه كده حيليس من الكربون .......لأنه مش متفوق
عمال يحرق فى بنزين ومفيش طاقه ميكانيكيه مسحوبه منه (لأن العربيه واقفه )
فى الحالتين مش حيفوت ....طالما بيشتغل فى حدود سرعته التصميميه ....بس طبعا عرفنا وضع التشغيل الصح ووضع التشغيل الخاطىء وأثره على مكونات المحرك

ألف شكر و جزاك الله خيرا

معلش عندي سؤال تاني..

لو انا ماشي في شارع متكسر خالص ف مددي العربيه الغيار الأول و سايبها ماشيه بدون الضغط علي البنزين بالأنجيكشن.. يعني علي سرعه حوالي 5 كم/س .. هل ده فيه خطر علي الوتور ؟؟

وهل الأحسن أجيب الغيار التاني ؟
ملحوظه : السياره فيرنا

[samirayad]

لا مفيش أى مشاكل
وكل ماكانت سرعة العربيه قليله وأنت فى حتت مكسره فده أفضل على العفشه وخصوصا جلب المقصات
فطالما ماشيه ....فدها عادى ومش شرط تضغط على الأكسراتير
طاالما السرعه اللى خارجه من المكنه قادره على سحب العربيه
وأنت لما تحس العربيه حتقف منك
أوتوماتيك حدوس على البنزين (الأكسراتير ) لتزويد حمل المكنه الخارج منها

[ahmedsamir5edr]

لا مفيش أى مشاكل
وكل ماكانت سرعة العربيه قليله وأنت فى حتت مكسره فده أفضل على العفشه وخصوصا جلب المقصات
فطالما ماشيه ....فدها عادى ومش شرط تضغط على الأكسراتير
طاالما السرعه اللى خارجه من المكنه قادره على سحب العربيه
وأنت لما تحس العربيه حتقف منك
أوتوماتيك حدوس على البنزين (الأكسراتير ) لتزويد حمل المكنه الخارج منها

شكراااااااااا جداااااااااااا

أنا مش عارف اعملك شكرا.. تقريبا اتشالت من المنتدي

[samirayad]

الله يخليك يا أستاذ : أحمد

[ahmedsamir5edr]

معلش سؤال تاني اذا أمكن
ايه هوا تفتيح الموتور و هل ليه لزمه ؟؟

[samirayad]

لاحظ معنى الكلام كده يا أستاذ : أحمد
تفتيح .......يعنى أيه تفتيح
وحتجول معاك كده .....لما بنيجىء نقول لواحد غشيم شويه
خليك مفتح ....يا أخينا .......
أذا الموتور بعد أنتاجه وتليينه على الاحمل فى مصانع الأنتاج لتطبيع الشنابر....................... فقط بيتم بدون حمل .....
ماينفعش أجىء بأه وأنا مستلم العربيه زيرو ....ودايما بأنقل على سرعات بطيئه ......لأن الموتور لسه غشيم مع الحمل
هو مفتح مع الاحمل فى المصنع بتاعه .....بس محتاج شوية تفتيح على الطرق علشان الموتور حيبقى مسئول عن شد العربيه بمكوناتها.وكل الأحمال اللى حتحط فيها من ركاب وشنط وخلافه ............
الموضوع ده بيتناول المعنى ده ....وليه العربيه الزيرو بتبقى محتاجه معامله خاصه بعد أستلامها من المعارض وخلافه
دوس للأطلاع

[ahmedsamir5edr]

شكراااا علي تعاونك الشديد معايااااااااااااااااااااااااااااااا

[samirayad]

الله يخليك يا أستاذ : أحمد