إعـــــــلان

Collapse

.

,
See more
See less

ما هى أفضل طريقه لتلميع السياره ؟؟

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    ما هى أفضل طريقه لتلميع السياره ؟؟

    كل عام وانتم بخير :D :D ...
    انا عاوز اعرف ما هى افضل طريقه لتلميع السياره فى ظل وجود هذا التراب الفظيع اللى احنا عايشين فيه :shock: ..
    دلوقتى اذا الواحد لمع العربيه بفوطه ناشفه التراب اللى فيها هيجرح الزجاج ويعمل دواير كده خرابيش فى الدهان ...
    واذا امع بفوطه فيها زيت .. بتلمع اه .. لكن بتجمع التراب تانى اسرع من الاول :x ...
    واذا بل الفوطه شويه ميه وعسرها .. بتشيل التراب من على العربيه ... لكن بتكون العربيه ما بتلمعش وشكلها وحش :? ...
    واذا الواحد حط على الفوطه جاز .. بتبقى ريحه ايديه وهدومه جاز :mrgreen: :mrgreen: .. وبيقولوا ان الجاز بيبوظ دهان العربيه ...
    واذا الواحد غطى العربيه ... عمايه التغطيه دى ممله جدا 8) ...
    واذا سابها من غير غطاء .. بلاقيها مردومه تراب ....
    فياريت اذا كان فى حد عنده طريقه او فكره ما يبخلش علينا بيها .. بصراحده الواحد زهق
    [size=7] عن أبي هريرة أن رسول الله صلى الله عليه وسلم قال: " ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر فيقول من يدعوني فأستجيب له ومن يسألني فأعطيه ومن يستغفرني فأغفر له" رواه مسلم. [/size].
    الكلمات الدلالية (Tags): 40, abs, bmw, ؟؟, أفضل, احنا, السياره, بيع, تكييف, تنظيف, دى, زيت, طريقة, طريقه, عربية, عربيه, عن, غطاء, فوانيس, في, كل, لتلميع, ما, متوسطة, مرسيدس, مركز, مشاكل, مصر, مع, من, نوبيرا, هي
  • #2
    قلبى معاك ... مشكله فظيعه قوى فعلا ..كوفى عنان مشى و للاسف مستر كى موون مش مهتم حاليا الا بمشكلة
    دارفور .. ... طب يعنى لا عاجبك فوطه .. و لا زيت .. و لا جاز .. و لا ميه .. و لا غطاء .. و خايف من ريحه الجاز
    و من الملل ... انا عندى فكره : بيع العربيه و اشترى توك توك سواقته كلها اثاره و متعه و كمان محدش بيهتم
    عليه تراب و الا لا .. 8) 8) 8)

    Comment

    • #3
      طول ما معاك عربية هتفضل تلمعها وترجع تترب تانى حتى لو فى أفضل جراج..
      وفى رأيى تنظيف العربية بالفرشة (بعد تزفيرها بقليل من الزيت) أسرع وأنظف طريقة ، ومن حين لآخر وش بولش أو أى حاجة زيه ..
      وما تقلقش من انها ممكن تلم تراب أكتر.. بالعكس.. حتى لو لمّت أكتر هيكون تنظيفه أسهل من لو كان على سطح غير ناعم..

      بس فهمنى: مكتوب فى بياناتك ان معندكش عربية.. يبقى تاعب نفسك بالموضوع دا ليه؟؟؟
      [CENTER][aldl]http://www.jewelsf.com/up/uploads/542f6eee3a.gif[/aldl]
      [/CENTER]
      [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
      [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
      [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
      [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

      Comment

      • #4
        انا مش فاهم الاخ ابو على زعلان من ايه ؟؟؟ وداخل كده زى ما يكون بيتريق ؟؟؟؟
        اولا انا طرحت الموضوع علشان نفيد بعض ... واللى انا بفكر فيه اكيد فيه 1000 غيرى بيفكروا فيه ...
        ثانيا انا لما عددت وسائل وطرق تلميع ومسح العربيه وقلت مشاكل كل واحده فيهم .. كان بقصد ان مايطلعش علينا واحد عبقرى يقول عندكم الفوطه الجاز مثلا ايه رأيكم فيها .. وكأنه جاب التايهه .. نقوم احنا نقوله مشاكلها دور على حاجه تانيه .. وكان مافيش غيره اللى عارف الوسيله دى ...
        انا متأكد ان كل الناس عارفه الوسائل اللى انا كتبها دى وعارفه كمان المشاكل اللى فيها .. علشان كده انا كنت بعمل الموضوع ده وكأنى بقول للناس تعالوا نفكر بصوت عالى ....
        ثالثا احب اقول حاجه ... بزمتك با اخى ... مش التوك توك احسن من الادا بردو ؟؟؟ :lol: :lol:
        د / احمد ... انا بس لم اقم بتحديث بياناتى .. فانا معى نوبيرا .. وقبلها كان معايا عربيتين ... شكرا على ردك وعلى فكرتك ..
        [size=7] عن أبي هريرة أن رسول الله صلى الله عليه وسلم قال: " ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر فيقول من يدعوني فأستجيب له ومن يسألني فأعطيه ومن يستغفرني فأغفر له" رواه مسلم. [/size].

        Comment

        • #5
          المشاركة الأصلية كتبت بواسطة mh1982
          انا مش فاهم الاخ ابو على زعلان من ايه ؟؟؟ وداخل كده زى ما يكون بيتريق ؟؟؟؟
          اولا انا طرحت الموضوع علشان نفيد بعض ... واللى انا بفكر فيه اكيد فيه 1000 غيرى بيفكروا فيه ...
          ثانيا انا لما عددت وسائل وطرق تلميع ومسح العربيه وقلت مشاكل كل واحده فيهم .. كان بقصد ان مايطلعش علينا واحد عبقرى يقول عندكم الفوطه الجاز مثلا ايه رأيكم فيها .. وكأنه جاب التايهه .. نقوم احنا نقوله مشاكلها دور على حاجه تانيه .. وكان مافيش غيره اللى عارف الوسيله دى ...
          انا متأكد ان كل الناس عارفه الوسائل اللى انا كتبها دى وعارفه كمان المشاكل اللى فيها .. علشان كده انا كنت بعمل الموضوع ده وكأنى بقول للناس تعالوا نفكر بصوت عالى ....
          قصدك مفهوم و منطقي و فعلا كلنا بنعاني من نفس المشكله... و اكيد ABU ALY بيهزر معاك
          Thanks
          Ahmed Hassan
          [I][SIZE=3][SIZE=2]When all you have is a hammer, everything looks like a nail

          [/SIZE][/SIZE][/I][CENTER][SIGPIC][/SIGPIC][/CENTER]

          Comment

          • #6
            انا مش فاهم الاخ ابو على زعلان من ايه ؟؟؟
            حد قال ان انا زعلان ؟؟؟!!!
            صدقنى انا برضه حاسس بالمشكله .. التراب فى كل حته و على كل حاجه .. حتى جوه البيت مهما قفلت القزاز حتلاقى تراب على الموبيليا و الكومبيوتر اللى قاعد عليه .. و لو مركبتش العربيه و مشيت حتلاقى تراب على الجزمه و حتاج برضه تلمعها .. :D :D
            C est la vie mon cher ami !!

            بتقول انى بتريق .. العفو انا تلميذك !! .. انا شخصيا لما قريت رسالتك الاولى افتكرتك انت نفسك واخد الموضوع بضحك اولا لان اسلوبك ظريف و هو ما جذبنى للتعليق عليه و ثانيا رسالتك مليانه كل انواع الوجوه الضاحكه و الساخره ؟؟

            على العموم زى مابيقولوا الحاجه ام الاختراع و لو واحد المانى او يابانى او صينى قرأ الكلام ده اكيد حيفكروا يخترعوا حاجه مناسبه لبلد متربه زى مصر تغنينا عن الجاز و الفوطه عشان متزعلش ..

            انا شخصيا مريح نفسى و بدى البواب قرشين ينضفها كل يوم الصبح و هو على فكره بيستخدم برضه نفس اسلحة الدمار
            الشامل من فوطه و جاز و خلافه :D :D :D .. لكن حقيقى بجد الجاز بينضف كويس و ماظنش بيبوظ دهان العربيه
            لانه مش مركز قوى - بيخلطوه بالميه -

            اما ان التوك توك افضل من اللادا فهذا شئ لا يقلقننى .. لانه كمان افضل من المرشيدس :mrgreen: :mrgreen:

            Comment

            • #7
              • التوك توك مفيد فى الزحمة والاماكن الضيقة :lol:

                بالنسبة للتنضيف انا زهقت كل ما اغطى العربية دلوقتى

                واجى اشيل الغطا الاقى العربية كلها تراب ولو ماغطيتهاش باردو هتترب :lol:

                فى حاجة بسيطة جدااا ممكن تتعمل انك كل اسبوع مثلا تعمل غسلة

                خارجية متوسطة مكان الايدى والاتساخات اللى بيعملها اللى بيسندو

                على العربية ..الخ وكل ما تيجى تمش يكون معاك فى العربية

                الايد اللى فيها زى الفرو الطويلة شوية بحيث انها تشيل التراب اسرع

                مش هتاخد دقيقتين تشيل التراب على العربية ما تسخن وتمشى :P
              [CENTER]
              [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

              [img2]http://www8.0zz0.com/thumbs/2009/10/06/18/187809311.jpg[/img2]
              [/CENTER]

              Comment

              • #8
                متهيللى لو شركة زى مرسيدس او BMW نزلت موديلات شيك من التوك توك بس يكون مجهز بالكماليات الاتية : اتوماتيك - ABS - فوانيس شبوره- تكييف هوا - CD - MP3 - مرايات كهرب - حامل اكواب - 140 HP .. و بسعر اقتصادى حيبقى افضل حل لمشكلة المرور و الزحام و حينتشر بسرعة البرق :mrgreen: Red_Colorz_PDT_01 :shock: ..

                Comment

                السابق template التالي
                Working...
                X