توعية اعضاء المنتدى باهمية ضبط الزوايا والاتزان

[حسام كرم]

ارجو من السادة ذوى الخبرة فى هذا المنتدى ايضاح الاتى :-
- الفرق بين ضبط الزوايا وضبط الاتزان وما المقصود بكل منهم
- ما هى اعراض احتياج السيارة لعملية ضبط الزوايا والاتزان
- هل تتم عملية الضبط فى مواعيد محددة بصورة دورية او عند ظهور اعراض عدم الضبط
- كيف يتم المحافظة على ضبط الزوايا والاتزان لاطول فترة ممكنة
- هل تختلف عملية ضبط الزوايا والاتزان من سيارة الى اخرى ام لا
- ما هى الاضرار التى تنتج للسيارة نتيجة عدم ضبط الزوايا والاتزان

وذلك نظراً لجهل العديد من مالكى السيارات بعملية ضبط الزوايا والاتزان وشكرا لكم جميعاً

[hanyfarrag]

1-الزوايا هى نوعين زاوية الكامبر وزاوية الكاستر
وهى بإختصار شديد عبارة عن زاوية محاور العجلات
أما الإتزان فهو عبارة عن الترصيص عشان العجل ما ينطش على الأرض مع السرعة العالية
2- الأعراض
الزوايا : تآكل العجل من جهة معينة
الإتزان : التنطيط
3-الضبط عند ظهور الأعراض
4- تجنب المطبات الشديدة للحفاظ على أطول فترة
5- الإتزان لا يختلف من سيارة لأخرى ولكن الزوايا تختلف من سيارة لأخرى
6- عدم ضبط الزوايا يؤدى إلى تآكل العجل وعدم ضبط الإتزان يؤدى الى تفكيك العفشة

[درش]

Re: توعية اعضاء المنتدى باهمية ضبط الزوايا والاتزان

"حسام كرم"][u]ارجو من السادة ذوى الخبرة فى هذا المنتدى ايضاح الاتى :-[/u]
- الفرق بين ضبط الزوايا وضبط الاتزان وما المقصود بكل منهم
- ما هى اعراض احتياج السيارة لعملية ضبط الزوايا والاتزان
- هل تتم عملية الضبط فى مواعيد محددة بصورة دورية او عند ظهور اعراض عدم الضبط
- كيف يتم المحافظة على ضبط الزوايا والاتزان لاطول فترة ممكنة
- هل تختلف عملية ضبط الزوايا والاتزان من سيارة الى اخرى ام لا
- ما هى الاضرار التى تنتج للسيارة نتيجة عدم ضبط الزوايا والاتزان

وذلك نظراً لجهل العديد من مالكى السيارات بعملية ضبط الزوايا والاتزان وشكرا لكم جميعاً

السلام عليكم ورحمة الله وبركاته بخصوص موضوع مستر حسام كرم مضمونه ضبط الزوايا والاتزان

يتم ضبط الزوايا فى الحالة الاتيه

1 عند فك اوتركيب اى من اجزاء العفشه

2 عند سماع اى اصوات عند الملفات يمين او شمال

3 عند الاحساس بعومان او عدم سيطره على السياره فى السرعه العاليه بعد السبعين واخر الامبير

4 عند ملحظة تاكل فى الكاوتش من الداخل او الخارج

5 عند وجود حدفه جهة اليمين او الشمال

اما الاتزان فهو فى حاله واحده عندما يكون فى اهتزاز فى الطاره او جسم السياره من بعد سرعة 60الى 80 يكون الترصيص فى العجلتين الاماميتان ومن 80 الى اخر الامبير يكون فى العجل الخلفى

مع مراعة ان يكون الكاوتش فى حاله جيده والاجنوط


يوجد كثير من السيارات بها جنوط اسبور ومش بتاعت السياره وممكن تكون بها شكل جميل بس مش سفتى كويس او تكون صناعه صينى ولذلك تحتاج إلى أورينج وهو عباره عن فيبر زى الورده ودى بييعمل عمليةاحكام للجنط مع التنبوره ومهمه جدا

ودي صور للأورينج بتاع الجنط
---------------------------------------------------------------------------------------
- كيف يتم المحافظة على ضبط الزوايا والاتزان لاطول فترة ممكنة

تتم عملية الضبط كل 5 الاف كم وبهذا المعدل هنحافظ على العفشه والكاوتش والزوايا او كل ثلاث شهور

- هل تختلف عملية ضبط الزوايا والاتزان من سيارة الى اخرى ام لا

طبعا فى سيارات دفع رباعى وفيه سيارات جر امامى وفيه دفع خلفى
وفى سيارات تحتاج الى ظبط امامى وخلفى مثلا كل السيارات الجر الامامى تحتاج ظبط امامى وخلفى




سبحان من سخر لنا هذه





]

[memo_hefnawy]

الله ينور يا أبو درش :)
منور المنتدى و قريب إن شاء الله هاجيلك (أعتقد مش أنا بس) بس أنا الناس هاتجرب فيا :) عشان أنا دوخت مع بتوع الزوايا كتيير أوى قبل كده

يعنى ممكن على الجمعه أو السبة أجيلك بعون الله يا رييت لو تكتب فى التوقيع بتاعك تليفوناتك كمان :)

[درش]

الله ينور يا أبو درش :)
منور المنتدى و قريب إن شاء الله هاجيلك (أعتقد مش أنا بس) بس أنا الناس هاتجرب فيا :) عشان أنا دوخت مع بتوع الزوايا كتيير أوى قبل كده

يعنى ممكن على الجمعه أو السبة أجيلك بعون الله يا رييت لو تكتب فى التوقيع بتاعك تليفوناتك كمان :)

ماحبتش يكون في أي أتصال بيني وبين أي حد إلا من خلال الموقع أحتراما للموقع والقائمين عليه
وبما أنك أحد القائمين على الموقع إذن سوف أضع التيليفونات

[Abonora]

يا درش انت منورنا بجد ولينا قعدة مع بعض عشان نشوف ازاي نقدر ننقل خبراتك ديه بشكل لائق ووضعها في القسم التعليمي

[درش]

يا درش انت منورنا بجد ولينا قعدة مع بعض عشان نشوف ازاي نقدر ننقل خبراتك ديه بشكل لائق ووضعها في القسم التعليمي

تنور يا باشا ويارب نيجى عند حس ظنك

[PAYOO]

من فضلك

يا ريت يا درش من فضلك تكتب لنا بعض المواضيع المتخصصه عن العفشه والمقصات والمساعدين والكبالن و.... و .... وكل ما تراه مفيد لاعضائنا

[marq=down:1cd0b38d6a]

وأحنا عارفين كويس قوي أنك مش هاتبخل علينا بخبرتك

[/marq:1cd0b38d6a]

[Abdallah]

نورت المنتدى يا سيد مصطفى وان شاء الله نستفيد من خبراتك وبما انى من المنصورة فمش هقدر اجيلك كتير بس لازم ان شاء الله هنتقابل فى اى تجمع للاعضاء:).
كان ليا اضافة بسيطة على كلام الاخ مصطفى وهيا ان الاورينج بيختلف من عربية لعربية حسب مقاس الطنبورة الخاصة بها.
وايضا يجب ضبط الاتزان اذا تم حل فردة الكاوتش من الجنط وتركيبها مرة اخرى خاصة اذا كانت تيوبليس وهذا كل ما اذكره حاليا.

[matrix_rashed_8]

انا عندى استفسار يا جماعة
انا عندى كورسا سيدان و لما بوصل لسرعة 150
بحس برعشة بسيطة فى جسم العربية ده يبقى ايه
و شكرا

[درش]

انا عندى استفسار يا جماعة
انا عندى كورسا سيدان و لما بوصل لسرعة 150
بحس برعشة بسيطة فى جسم العربية ده يبقى ايه
و شكرا

السلام عليكم حضريتك لازم ترصص العجلتين خلفى وراجع موضوع توعية اعضاء المنتدى باهمية ضبط الزوايا والاتزان

[درش]

نورت المنتدى يا سيد مصطفى وان شاء الله نستفيد من خبراتك وبما انى من المنصورة فمش هقدر اجيلك كتير بس لازم ان شاء الله هنتقابل فى اى تجمع للاعضاء:).
كان ليا اضافة بسيطة على كلام الاخ مصطفى وهيا ان الاورينج بيختلف من عربية لعربية حسب مقاس الطنبورة الخاصة بها.
وايضا يجب ضبط الاتزان اذا تم حل فردة الكاوتش من الجنط وتركيبها مرة اخرى خاصة اذا كانت تيوبليس وهذا كل ما اذكره حاليا.

استاذ عبدالله مع احترامى لحضريتك الاسطى بليه بتاع الكاوتش لو راجع العلامه الموجوده على فردة الكاوتش ولونها اصفر او احمر على شكل نقه وركبها مع البلف مش هتحتاج ترصيص ولو الفرده مستعمله ممكن نضع علامه بتبشير لونه ابيض مثلا على الكاوتش والجنط وبعد التصليح يركب العلامه مكنها وكده الرصاصه هتكون مكنها ونحافظ على الترصيص القديم

[megane_man]

منور ياستاذ مصطفي أنا عندي فولفو 740 العجلة اليمين بتصفر في الملفات ظبط زوايا مرتين كل مرة تظبط من 4 ألي 5 أيام وترجع الصفارة تاني رأيك ده من أيه
وياتري لو في مشكلة في عفشة العربية تقدر تعملها

[PAYOO]

نورت المنتدى يا سيد مصطفى وان شاء الله نستفيد من خبراتك وبما انى من المنصورة فمش هقدر اجيلك كتير بس لازم ان شاء الله هنتقابل فى اى تجمع للاعضاء:).
كان ليا اضافة بسيطة على كلام الاخ مصطفى وهيا ان الاورينج بيختلف من عربية لعربية حسب مقاس الطنبورة الخاصة بها.
وايضا يجب ضبط الاتزان اذا تم حل فردة الكاوتش من الجنط وتركيبها مرة اخرى خاصة اذا كانت تيوبليس وهذا كل ما اذكره حاليا.

استاذ عبدالله مع احترامى لحضريتك الاسطى بليه بتاع الكاوتش لو راجع العلامه الموجوده على فردة الكاوتش ولونها اصفر او احمر على شكل نقطه وركبها مع البلف مش هتحتاج ترصيص ولو الفرده مستعمله ممكن نضع علامه بتبشير لونه ابيض مثلا على الكاوتش والجنط وبعد التصليح يركب العلامه مكنها وكده الرصاصه هتكون مكنها ونحافظ على الترصيص القديم

المعلومه دي صحيحه 100% وعن تجربه

فعلا إذا حرص فني أصلاح الكاوتش قبل الفك على أن يقوم بتعليم مكان الكاوتش والجنط بخط واحد بطباشير فانه سوف يوفر عليك الترصيص

ولو الفرده جديده نوعا ما هاتلاقي فيها دائرتين ملونتين عند البلف بالضبط وإذا تم إرجاعهم مره أخرى فسوف يوفر عليك الترصيص




على فكره بقى يا "درش" أنت كده بناصيحك دي الشغل هايقل عندك مش هايزيد ههههههههههه عشان لو كل واحد نبه فني أصلاح الكاوتش للموضوع ده يبقى الزبون مش هايحتاج يرصص ههههههههههه

[درش]

منور ياستاذ مصطفي أنا عندي فولفو 740 العجلة اليمين بتصفر في الملفات ظبط زوايا مرتين كل مرة تظبط من 4 ألي 5 أيام وترجع الصفارة تاني رأيك ده من أيه
وياتري لو في مشكلة في عفشة العربية تقدر تعملها

استاذ محمود شكرا على الترحيب ومن ناحاية السياره الفولفو لابد قبل ضبط الزوايا مراجعة العفشه عند المختص وبعدين الزوايا مبدئين راجع على جلب المقصات وعلبة الدريكسون
ملاحوظه يجب ضبط مقاس الهواء للكاوتش لان عند تريح الهواء تسمع الصرخه للكاوتش وعادتن بيكون الكاوتش التيل 28 والسلك 30
وانا متخصص زوايا واتزان فقط