سؤال الي الاساتذه

[ahmdmagdy]

ليه في محركات علي شكل حرف v و ايه الفرق بينه و المحركات العاديه
و شكرا

[samirayad]

الهدف الأساسى هو تقليل الحجم الذى تشغله المكنه الى حد ما وفى نفس الوقت تقليل طول عمود الكرنك الى حد ما
لأن طول عمود الكرنك غير مستحب فنيا لعدم تعرضه لأنحناء عندما يكون عمود الكرنك طويل زياده عن الازم

وطبعا الهدف من التصميم برضه الحصول على قدره أكبر من محرك ذو حجم أصغر نسبيا بتزويد عدد الغرف وجعلها مرتبه على شكل حرف v
غرف الحريق فى البلوك الحرف v بتكون عباره عن صفين متقابلين
فى منها 6و 8 و 12 سلندر
أقسم على 2
يديك عددالغرف اللى قبال بعضها على كل صف
يعنى المحرك السته سلندر منها حيبقى أاقصر فى الطول من الأربعه العادى ولكنه أتخن شويه فى العرض
والنوع العادى معروف
بترتب غرف الحريق على صف واحد
والمنتشر فى مجال السيارات هو أربع أسطوانات على خط واحد

[ahmdmagdy]

الله ينور عليك يا باشمهندس سمير

[samirayad]

الله يخليك يا أستاذ : أحمد
ورمضان كريم