عايز اعرف حركة الثبات بتتعمل ازاى ؟؟؟؟

[MohaMed_Refaat]

عايز اعرف حركة الثبات(Burnout) بتتعمل ازاى علشان دية الحركة الوحيدة اللى مش بعرف اعملها فى الدريفتات (وعندى فرح واحد اكتر من اخويا فكنت حابب اجربها تغييير بس )
انا عارف انها بتبوظ الكاوتش والتيل والاسطوانة وكل الحجات دية بس انا مش ححرق جامد هما لفتيين او تلاتة :)))

وللى مش عارف اية الثبات فزى اللى فى الفيديو دة
[youtube]http://www.youtube.com/watch?v=pzAF3GY_9n8&feature=related[/youtube]

[SeiffoZ]

فى الغالب فرامل للأخر و بنزين ... ده لو أوتو .. (إستنتاج مش أكتر)

طب إفرض لو مانوال؟

[mostafabakry]

انت عاوز رأيي بلاش الحكاية دي
حفاظا علي العربية و ارواح الناس اللي معاك اللي ممكن تتعرض لخطر من الحكاية دي اللي ممكن لو انتعملتها صح حد تاني يحب يقلدي و يعملها غلط و يحدث ما لا تحمد عقباة و دا فرح مش سباق
انا من معارضي استعراض اي مهارات في القيادة في الزفة و الأفراح بصراحة كم الحوادث اللي حصل بسبب الكلام دا كتير و النتايج فظيعة الله لا يقدر و ان شاء الله يتمم علي خير
أما بقا لو عاوز تجامله يا باشا بجد ففيه الف طريقة تجامله بيها غير انك تعمله شوية دخان وما حدش يشوف حد و تبوظ الكاوتش بتاعك
يعني مثلا تبعت تشتري له كام حتة بطارخ ولا عشوة جمبري علي كبوريا علي استاكوزا ( من الآخر شوية فسفور من اللي يحبهم قلبك) او مثلا كام جرام غذاء ملكات النحل و غيرها كتير
اهو دا الكلام يا باشا و الراجل هيدعيلك بجد
دا مجرد رأي شخصي مش اكتر و تقبل تحياتي

كل سنة و انت طيب

[Abo.Omar]

العربيه لازم دفع خلفى
دبرياش للاخر
كعب رجلك ع الفرامل للاخر
مشط رجلك ع البنزين وابدا اضغ وتسيب سنه سنه دبرياش وما تشيلش خالص عشان العربيه ما تبطلش منك.. دا كله وانت دايس فرامل طبعا

[mostafabakry]

العربيه لازم دفع خلفى
دبرياش للاخر
كعب رجلك ع الفرامل للاخر
مشط رجلك ع البنزين وابدا اضغ وتسيب سنه سنه دبرياش وما تشيلش خالص عشان العربيه ما تبطلش منك.. دا كله وانت دايس فرامل طبعا

طيب يحط توبه في سنانه و لا ايه بالظبط
ههههههه بهزر يا جماعة بس بصراحة مش عارف ليه الكلام دا بيفكرني بالجماعة بتوع السيرك

طبعا انا رأيي دا خطر جدا جدا جدا
وما فيش اي فايدة من بتاتا بالعكس دا غير انه خطر علي الناس داخل و خارج العربية دا كمان بيبهدل التيل و الطنابيرة و الكاوتش و العربية عموما موتور و فتيس
ايه الداعي يا جماعة بس

لو لازم يعني ممن اي حاجة كدا خفيفة عالماشي
لكن نصيحتي لك بلاش تعمل كدا الله يكرمك

انا مش عايزك تضايق مني او تعتبر دا تدخل مني لا سمح الله بس و الله انا من منطلق النصيحة و الحب لوجه اللح تعالي لكل اعضاء المنتدي بقول رأيي

يا ريت ما تضايقش مني

[modiabbas]

لو دفغ امامى ارفع الهاند بيريك على الاخر و دوس بنزيييييييييييييييييييييييييييييييييييييييين

[Salamonti]

مع احترامي لجميع الناس اللي ردت عليك
لكن الكلام اللي اتقال كله ناقص
وهو ان العربيات اللي بتعمل الحركة دي لازم يكون صاحبها معدل نظام الفرامل بتاعها ويخليه قدام بس

[original]

مع احترامي لجميع الناس اللي ردت عليك
لكن الكلام اللي اتقال كله ناقص
وهو ان العربيات اللي بتعمل الحركة دي لازم يكون صاحبها معدل نظام الفرامل بتاعها ويخليه قدام بس

الله ينور عليك الموضوع تعديل فى نظام الفرامل بس اللى هتعمله إنك تعمل نظام تحكم داخلى فى الفوامل ومنه تحول بين الفرملة الرباعية والأمامية فقط أو الخلفية فقط ودى حاجة مش صعبة لأى متخصص فى هندسة الضواغط والهيدروليك..

[youtube]http://www.youtube.com/watch?v=gkqP0smO4H4[/youtube]

[original]

[youtube]http://www.youtube.com/watch?v=ghynaoVNwZc[/youtube]

[Ahmed Nouh]

مع احترامي لجميع الناس اللي ردت عليك
لكن الكلام اللي اتقال كله ناقص
وهو ان العربيات اللي بتعمل الحركة دي لازم يكون صاحبها معدل نظام الفرامل بتاعها ويخليه قدام بس

ازيك يا اسلام ؟ يارب تكون بخير

مش عارف هتفتكرنى ولا لا :) ما علينا

بص الموضوع مش محتاج تعديل فى الفرامل ولا حاجه والناس اللى بتعمل التعديل ده هو الناس اللى بتمارس الحركه دى كتير جدا سواء بأشتراكهم فى دراج ريس كتير او خلافه

فى الحاله العاديه بيكون الفرامل شغاله تمام لكن قوه الموتور بتمنع الفرامل الخلفيه من ايقاف العجله علشان كدا الحركه دى مبتنفعش فى العربيات ال 1600 ولا حتى ال 2000 اللى على قدها

فى حاله عدم قدره الموتور على مقاومه الفرمله كل اللى هيقابلك دايما هو تبطيل العربيه او الاسطوانه تفوت او لو دايره الفرامل فيها اى نقاط ضعف هيتنقل الخساير ليها

علشان العربيه متمشيش محتاج فرامل ثابته وفعاله علشان توقف العجل اللى قدام تماما وطبعا لازم عربيه خلفى , بتدوس بنزين لقدر معين اللى هو هتعرفه بعد التجربه انه كافى وبعدين بمجرد ما تسيب الدبرياج هتبدا تدوس فرامل وتوزنها بحيث انها متكونش قويه اوى فتوقف العجل اللى ورا ومتكونش ضعيفه والعربيه كلها تمشى لكن مش زى ما الناس فاكره تدوس بنزين وفرامل للاخر هى ليها ميزان معين زى الدبرياج وانت طالع بالعربيه وبالتدريب رجلك هتاخد عليه

ده اللى الناس بتعمله فى حاله ان العربيه تتحرك الاول وبعدين تعمل بيرن اوت , لكن علشان تعملها من غير ما العربيه تمشى اساسا اما انك تتحكم فى الفرامل والبنزين برجل واحده ( وش رجلك على الفرامل والكعب على البنزين ) ودى عايزه تعود وتدريب كتير او تكون العربيه أوتو بشرط طبعا تكون على الاولانى بس

من حقك تعمل اللى انت عايزه بيرن دونات دريفت , ده مالك وانت حر فيه

المهم لا تتعدى على حق ولا سلامه غيرك فى الشارع اعمل اللى انت عايزه فى طريق فاضى محدش بيمشى فيه ولا يكون فيه سكان وتزعج راحتهم وخلى بالك من نفسك العربيه فى التجارب الاولى هتفلت منك كتير وهتتلغفن ولو المكان ضيق ممكن تدخل فى حاجه قصادك , مكان فاضى بعيد عن تعريض اى حد للخطر اهم حاجه

ونصيحه لوجه الله خلى بالك وانت بتجامل حد لما بيحصل حاجه لا قدر الله الزفه بتمشى وتسيب اللى عطل او لبس يعنى متضعيش فلوسك وتهين عربيتك ونفسك علشان خاطر حد

[MohaMed_Refaat]

فى الغالب فرامل للأخر و بنزين ... ده لو أوتو .. (إستنتاج مش أكتر)

طب إفرض لو مانوال؟

شكرا لمرورك بس الثبات حركة للمانوال فقط

[MohaMed_Refaat]

انت عاوز رأيي بلاش الحكاية دي
حفاظا علي العربية و ارواح الناس اللي معاك اللي ممكن تتعرض لخطر من الحكاية دي اللي ممكن لو انتعملتها صح حد تاني يحب يقلدي و يعملها غلط و يحدث ما لا تحمد عقباة و دا فرح مش سباق
انا من معارضي استعراض اي مهارات في القيادة في الزفة و الأفراح بصراحة كم الحوادث اللي حصل بسبب الكلام دا كتير و النتايج فظيعة الله لا يقدر و ان شاء الله يتمم علي خير
أما بقا لو عاوز تجامله يا باشا بجد ففيه الف طريقة تجامله بيها غير انك تعمله شوية دخان وما حدش يشوف حد و تبوظ الكاوتش بتاعك
يعني مثلا تبعت تشتري له كام حتة بطارخ ولا عشوة جمبري علي كبوريا علي استاكوزا ( من الآخر شوية فسفور من اللي يحبهم قلبك) او مثلا كام جرام غذاء ملكات النحل و غيرها كتير
اهو دا الكلام يا باشا و الراجل هيدعيلك بجد
دا مجرد رأي شخصي مش اكتر و تقبل تحياتي

كل سنة و انت طيب

شكرا لمرورك انا برضوة ضد اللعب بالعربيات فى الزفة فى الشوارع العامة انما فى المناطق الفاضية مفيش مشكلة وبيكون فى واحد منظم مين اللى حيخش فى النص هو دة اللى بنعملة واصحابى النظام مهم جدااا فى كل حاجة انما الهرجلة واللعب والسباق فى الزفات وفى وسط الشارع دة اسمة همجية.

[MohaMed_Refaat]

العربيه لازم دفع خلفى
دبرياش للاخر
كعب رجلك ع الفرامل للاخر
مشط رجلك ع البنزين وابدا اضغ وتسيب سنه سنه دبرياش وما تشيلش خالص عشان العربيه ما تبطلش منك.. دا كله وانت دايس فرامل طبعا

كلام منطقى
بس مش لازم خلفى الامامى بيعمل الثبات برضوة بس مع وضع زيت موتور تحت العجل الامامى.

[MohaMed_Refaat]

الحركه دى مبتنفعش فى العربيات ال 1600 ولا حتى ال 2000 اللى على قدها

اى عربية ممكن تعمل الثبات بس مع وضع زيت موتور تحت العجل مش مهم قوة المكنة
طبعا الكلام اللى انت بتقولة دة صح للى عايز يعملة على الناشف من غير زيت اقلة مكنة 2500 سىسى وتكون عفية جامد مش على قد حالها

[original]

فى أغلب الأحيان اللى بيعمل كده بيكون مأجر العربية ويهمه أوى إنه يولع فيها عشان مش تعبان فيها ويجامل العريس بس الأحسن إنك تفجر العربية عشان العريس يحس بالأخوة اللى بينكم..
ماتزعلش منى بس الواحد بيشوف الحاجات دى كتير ومش عارف الناس بتعمل كده ليه وإزاى!! ماشفتش حد تعبان فى عربيته وممكن يعمل كده!!