سؤال بالنسبة للاسكندرية

[remomemo]

السلام عليكم
انا بقالى حوالى شهر بس باسوق وطبعا فى الاول كانت العربيات بتدى كلكس من وراييا عشان البطء وكده
بس برضه دلوقت لما بسرع العربيات بتتخطانى على الكورنيش انا عايزة اعرف هما بيسوقو على كام يعنى انا موش ممكن ازود بصراحة عن 70 ابدا وابويا كمان بيسوق ابطأ بس ماحدش بيعمل كده معاه هل انا كده معطلة الطريق ؟؟؟؟؟؟؟



شكرا

[aymansaad]

دول طيارين مش سواقين يا عم انا بحس ان الواحد لازم يمشى بسرعة وخلاصدون النظر الى امكانيات الطريق واداب وقانون المرور انا لسه قارى فى المندى واح بيشد مع عربية يرنا وفرحان انها وقفت عند175 وهو عدى 190 والله دى حاجة تنرفز

[Bob2009]

مش شرط فى الاسكندريه وبس ده فى كل مكان فى مصر

بص عموما هنا الناس بتمشى على حسب سرعه الطريق مش بالسرعه المحدده

يعنى انت لو مره مسافر خصوصا على الصحراوى بليل وماشى اقل من 120 مش هتعرف تمشى على شان الناس هتيجى من وراك وتعمل سيرك.

عموما انت ماشى صح بس انت فى مصر لازم يكون فيه ردار على شان الناس تمشى براحه غير كده لايمكن

عارف لما بيكون فيه ردار مثلا على سرعه 100 كيلو الناس دى بتمشى على 80 معرفش ليه

[remomemo]

على فكرة فيه رادار فى الاماكن اللى باشتكى منها وكان انا ماشيية فى الحارة اللى فى النص اللى يعرف اسكندرية كورنيش مصطفى كامل لغاية الشاطبى كبير جدا 5 حارات تقريبا وبرضه بيكسروا عليا ويزمروا

[A.Saad]

علشان هما ................

[remomemo]

طيب سؤال تانى انا لما بلف فى الملفات الكبيرة موش اليوتيرن دورانات الكورنيش دى باحس ان العربية موش ثابتة شوية هى ماروتى مع ان سرعتى موش عالية بس انا بكون على الرابع هو المفروض انزل غيار ولا اهدى شوية وخلاص ؟؟؟؟؟؟

[Khalid_Mostafa]

طيب سؤال تانى انا لما بلف فى الملفات الكبيرة موش اليوتيرن دورانات الكورنيش دى باحس ان العربية موش ثابتة شوية هى ماروتى مع ان سرعتى موش عالية بس انا بكون على الرابع هو المفروض انزل غيار ولا اهدى شوية وخلاص ؟؟؟؟؟؟

الموضوع مش موضوع غيار...الموضوع انك لازم تهدي العربية شويه عشان تعرفي تتحكمي فيها و ده ضمناً بيعني انك تنزلي بالغيار لتحت لأن سرعتك وطيت يعني التالت كويس اوي و هو يعادل سرعة 40 مثلاً

اما موضوع الكلكسات ففي بعض الحالات هما بيبقوا معاهم حق لو عملتي احد الحالات التالية :

1- مشيه بين حارتين (يعني الخط المنقط بيمر من منتصف السيارة و في الحالة دي الراجل بيبقي مش عارف يعدي من يمينك و لا شمالك
2- سرعتك منخفضة و توجد سيارة اخري بسرعة منخفض ايضاً و كلاً منكم يشغل حارة بمفرده
3- نسيتي الإشارة شغاله و الراجل عايز يعدي فبينبهك
4- واحد مستعجل لأي ظرف (بتحصل اكيد معانا كلنا كأن يكون هناك مريض مثلاً )

وفي النهاية ان اردتي التخلص من هذه الظاهرة عليكي بأن تمشي بالسرعة التي ترتاحي لها و لكن علي اقصي اليمين ايضاً راقبي مرايات الأجناب و الصالون بشكل مستمر

[remomemo]

الموضوع مش موضوع غيار...الموضوع انك لازم تهدي العربية شويه عشان تعرفي تتحكمي فيها و ده ضمناً بيعني انك تنزلي بالغيار لتحت لأن سرعتك وطيت يعني التالت كويس اوي و هو يعادل سرعة 40 مثلاً

اما موضوع الكلكسات ففي بعض الحالات هما بيبقوا معاهم حق لو عملتي احد الحالات التالية :

1- مشيه بين حارتين (يعني الخط المنقط بيمر من منتصف السيارة و في الحالة دي الراجل بيبقي مش عارف يعدي من يمينك و لا شمالك
2- سرعتك منخفضة و توجد سيارة اخري بسرعة منخفض ايضاً و كلاً منكم يشغل حارة بمفرده
3- نسيتي الإشارة شغاله و الراجل عايز يعدي فبينبهك
4- واحد مستعجل لأي ظرف (بتحصل اكيد معانا كلنا كأن يكون هناك مريض مثلاً )

وفي النهاية ان اردتي التخلص من هذه الظاهرة عليكي بأن تمشي بالسرعة التي ترتاحي لها و لكن علي اقصي اليمين ايضاً راقبي مرايات الأجناب و الصالون بشكل مستمر

شكرا جدا اخ خالد
انا فعلا ساعات موش بلاحظ انى باعمل الاخطاء دى بس بصراحة فى الطرق الواسعة زى لوران مثلا (يا ريت حد من اسكندرية هنا هايفهمنى ) كل الناس موش ملتزمة بالحارات بتاعتها والخطوط ولا كانها موجودة اصلا

[Khalid_Mostafa]

شكرا جدا اخ خالد
انا فعلا ساعات موش بلاحظ انى باعمل الاخطاء دى بس بصراحة فى الطرق الواسعة زى لوران مثلا (يا ريت حد من اسكندرية هنا هايفهمنى ) كل الناس موش ملتزمة بالحارات بتاعتها والخطوط ولا كانها موجودة اصلا

مادام الشخص ماشي بسرعه مش معطله الي وراه ..فغالياً مبيكونش فيه مشكله و مش حتلاقي حد بيمر و لكن لأنك علي سرعه منخفضة فبيبان المشكله

علي فكره انا من اسكندرية و بعلق من المنطق ده

لو كل الناس التزمت بموضوع الحارات المرورية حتقل الحوادث و حيكون فيه سيولة مرورية اكتر

[remomemo]

[QUOTE=Khalid_Mostafa;3871950530]مادام الشخص ماشي بسرعه مش معطله الي وراه ..فغالياً مبيكونش فيه مشكله و مش حتلاقي حد بيمر و لكن لأنك علي سرعه منخفضة فبيبان المشكله

ايوه السرعة دى كام بقى؟؟؟؟؟ فى المناطق دى افيدونى يفيدكم الله مهما اسرع يزمروا وانا بصراحة موش حاسة ان العربية تستحمل السرعة دى وبخاف

[SHNORY]

1: حضرتك امشي في الحاره بتاعتك بعيدا عن اليمين علشان الميكروباصات والتاكسيات اللي بتركت
2: ابعدي عن اقصي الشمال علشان العربيات اللي بتجري و اللي بيلفوا
3: طول ما انتي في حارتك متشغليش بالك بحد اللي عاوز يتخطاكي يبقي يتخطي براحته ولا تجري علشان تعدي حد ولا تغيري حارتك
الا لو كانت عربيه اسعاف
4: اليوتيرن او الملفات تكون علي اقل سرعه الاول لو من وضع الثبات او التاني لو داخله اليوتيرن وهو فاضي
5: ودي اهم حاجه نتعلمها قبل ما نسوق ان انك تقفلي ودانك
علشان كل واحد مستعجل فكره انه راكب قطر ولازم احنا اللي نوسعله
وسواء الطريق واسع ولا ضيق متزوديش عن حدود السرعه القانونيه
بس بصراحه الطريق ده مغري جداااااااااا للجري

[SHNORY]

شكرا جدا اخ خالد
انا فعلا ساعات موش بلاحظ انى باعمل الاخطاء دى بس بصراحة فى الطرق الواسعة زى لوران مثلا (يا ريت حد من اسكندرية هنا هايفهمنى ) كل الناس موش ملتزمة بالحارات بتاعتها والخطوط ولا كانها موجودة اصلا

مش علشان الناس مش ملتزمه احنا كمان منلتزمش
انا بمشي زي ما يعجبني واللي مش عاجبه يعديني

[Khalid_Mostafa]

فعلاً...الراجل بيزمرلك عشان تخدي جنب مش عشان تجري ...والمفروض ان احنا نلتزم فعلاً بغض النظر عن الناس التانيه بتعمل ايه .

[SHNORY]

فعلاً...الراجل بيزمرلك عشان تخدي جنب مش عشان تجري ...والمفروض ان احنا نلتزم فعلاً بغض النظر عن الناس التانيه بتعمل ايه .

يا باشا الطريق ده 7 حارات تقريبا
وفعلا تلاقي واحد لازق فيك وعمال يزمر ويرعش
وفيه ناس ظريفه لما بيلاقوا واحده هي اللي سايقه تبتدي قله الادب في السواقه
انا مره شوفت واحد كان حيدخل واحده في الجزيره علشان بيعاكسها
منتهي الغباوه

[remomemo]

فعلاً...الراجل بيزمرلك عشان تخدي جنب مش عشان تجري ...والمفروض ان احنا نلتزم فعلاً بغض النظر عن الناس التانيه بتعمل ايه .

انت عندك حق بس بكل صراحة انا بخاف اتحرك لانى كنت هاوسعله فعلا جه ورايا ناس بتعمل غرز وتشد جامد مع انى دايما فى وسط الطريق انا موش باسوق شمال الا فى الطرق اللى اقدر اواكب سرعة الناس فيها زى ميامى لكن الاماكن اللى بسال عليها الشباب بيجرو فى النص كمان رايحين شمااااااال ليمييييييييين ولا هاممهم
انا بسال الاسألة المملة دى لانى عايزة اسوق كويس ومضرش غيرى فارجو الصبر معلش
وشكرا على ردودكم الكريمة دى