Tweet
تحياتي لك يا ابو احمد
ورمضان كريم
-
كل سنه وأنت طيب
ورمضان كريم -
نكمل بأه آخر نقطتين فى دورة تبريد المحرك
4- المروحه fan
تستخدم مروحة أو مراوح دايرة تبريد السيارات بهدف زيادة شدة التيار الهوائى المار عبر الردياتير وخاصة والسياره متوقفه عن الحركه والمحرك دائر طبعا
تتكون المروحه من سره تزود بعدد من الريش (4- 6 ) ريشه مبرشمه بالسره
تركب السره على عمود طلمبة المياه فى بعض التصاميم
وأحيانا تدور المروحه بمحرك كهربى ( موتور ) منفصل وتحاط المروحه عادة بقميص
لأحكام الهواء ومنع هروبه وتشتته بعيدا للأجناب وتركيز أتجاه سحب وشفط الهواء على المساحه السطحيه للردياتير.....وبالتالى تحسين ورفع كفاءة دورة التبريد
ودى صوره لأيضاح أتجاه سريان الهواء الذى تقوم المروحه بسحبه من خارج السياره فى أتجاه المحرك
قد تركب المروحه
أمام الردياتير كالآتى
أو خلف الردياتير كالآتى
ولكن يظل أتجاه مرور وسحب الهواء فى نفس الأتجاه ( من الخارج الى داخل السياره وفى أتجاه المحرك ) بغض النظر عن مكان تواجد المروحه (أمام أو خلف الردياتير )
5- الثرموثتات thermostat
يركب الثرموثتات فى الماسوره العلويه برأس الأسطوانات (رأس السلندر ) المؤديه الى الردياتير
يقوم الثرموثتات بتعجيل تسخين المحرك فى بداية الدواره
حيث يقوم برفع حرارة المكنه فى الحدود من 80 -90 درجه مئويه
ويحد من درجة الحراره أثناء عمل المحرك بالتحكم فى سريان الماء الى الردياتير
حيث يقوم بالتحكم وتحديد كمية المياه الماره الى الردياتير
وعلى هذا فأن الثرموثتات هو القطعه الميكانيكيه فى دورة التبريد التى تحدد ظروف تشغيل حراريه مناسبه من أجل الوصول الى آداء مثالى من المحرك
للثرموثتات تصميمات عديده والشائع منها
أنه يتكون من جسم وأنتفاخ نحاسى يملأ بسائل ( عجينه من بودرة النحاس المختلطه بمادة الكريزين وهو نوع من أنواع الشموع )
يغلى هذا النوع من الشموع عند درجة حراره تتراوح من 70- 75 درجه مئويه
ويوجد ساق وصمام ثنائى داخل الثرموثتات
فعندما يكون المحرك باردا فأن صمام الثرموثتات يكون مغلقا ويدور الماء فى دورة تبريد قصيره كالآتى
طلمبة المياه - أقمصة التبريد - الثرموثتات - خرطوم تحويل - فطلمبة المياه مره ثانيه
يعنى فى الحاله دى الميه مابتروحش للردياتير....لأننا مش عاوزينها تتبرد دلوقتى ولسه بنسخن علشان نهيىء المكنه لأخذ أحمال منها
عندما يسخن الماء مابين 70- 75 درجه مئويه فأن السائل ( أو الماده العجينيه الصلبه داخل الثرموثتات ) والموجوده داخل الأنتفاخ النحاسى للثرموثتات تتبخر ( شمع وبيسيح ).....فيزداذ الضغط داخل الثرموثتات ويتمدد الأنتفاخ محركا الساق مما يعمل على فتح الصمام وهذا يؤدى لمرور المياه الى الردياتير ........
وعندما تصل درجة الحراره الى 90 درجه مئويه كمثال .....
فأن صمام الثرموثتات يفتح كاملا ويسرى الماء فى دورة تبريد أطول فى هذه الحاله
طلمبة المياه - أقمصة التبريد - الثرموثتات - خزان الردياتير الساخن - السربنتينه أو قلب الردياتير - خزان الردياتير البارد - طلمبة المياه وهكذا
وده شكل لثرموثتات حقيقى
وده شكل آخر لرسم هندسى لثرموثتات لأظهار أقصى وضع فتح للثرموثتات
وبكده تم تكملة موضوع دورة تبريد المحرك
شكرا على المرور بهذا الموضوعComment
-
لا مؤاخذه يا أبو حميدالمشاركة الأصلية كتبت بواسطة mohamed777 مشاهدة المشاركة
لسه ملاحظ سؤالك ده دلوقتى
والوش اللى فى الصوره بتاع عربيه لانوسComment
-
شكرا على المعلومة الجميلة بس لى استفسار بالنسبة لدورة تبريد اللانوس :
انا لما بفك خرطوم الراديتر العلوى ال جاى من الترموستات والعربية باردة بلاحظ ان المياه ال فى القربة كلها بتنزل من الخرطوم ده و القربة بتفضى ؟ فهل معنى كده ان الترموستات مش شغال كويس ؟ وياريت لو حضرتك توضحلى مسار سريان الماء فى اللانوس ابتداء من قربة المياهمهندس / وليدComment
-
دورة التبريد فى أى محرك واحده زى الشرح اللى فى الموضوع
والقربه عامة تسمى تنك التعويض
لتعويض النقص الحادث فى دورة التبريد عامة نتيجة البخر الحادث من بلف التنفيس بتاع غطاء القربه أو مع وجود أى تسريب
وأدى رسمة لدورة تبريد الانوس بجميع الخطوط
( خطوط تبريد رئيسى - خطوط تعويض ومنع تجمد قرص البوابه - خطوط دفاية التكييف )
شوف الرسمه ونتكلم حسب الرسمه على ملا حظاتك عندك
Comment
-
مشكور
على الجهد الكبير والمعلومات الرائعةComment
-
الله يخليكComment
-
السلام عليكم ورحمه الله وبركاته
الف شكر يا بشمهندس على المعلومات القيمه[OVERLINE][CENTER]عن أبي حميد الساعد رضى الله عنه قال: قالوا يا رسول الله كيف نصلي عليك؟ قال: { قولوا اللهم صل على محمد وعلى أزواجه وذريته كما صليت على إبراهيم، وبارك على محمد وعلى أزواجه كما باركت على إبراهيم، إنك حميد مجيد } [متفق عليه].[/CENTER][/OVERLINE]Comment
-
وعليكم السلام ورحمة الله وبركاته
ومشكور أخى الفاضل
على المرور الطيب بهذا الموضوعComment
-
لو سمحتلى يا بشمهندس حضرتك عارف ان فيه انواع من السيارات الموتور بتعها بيسخن بسرعه زى السيات133 ممكن اعرف السبب و هل فيه علاج للسخونه الشديده دى ....[OVERLINE][CENTER]عن أبي حميد الساعد رضى الله عنه قال: قالوا يا رسول الله كيف نصلي عليك؟ قال: { قولوا اللهم صل على محمد وعلى أزواجه وذريته كما صليت على إبراهيم، وبارك على محمد وعلى أزواجه كما باركت على إبراهيم، إنك حميد مجيد } [متفق عليه].[/CENTER][/OVERLINE]Comment
-
شرح رائع من مهندس متمكن بارك الله فيك يا بشمهندسComment
-
تصميم دايرة التبريد بيختلف من طراز لطرازالمشاركة الأصلية كتبت بواسطة fargood مشاهدة المشاركة
وكل اللى ممكن تعمله أنك تكون مطمن لكل مكونات دايرة التبريد عندك
وقارن برضه وضع الحراره عندك بعربيه من نفس الطراز
لو طلع هناك فروق كبيره
هنا بأه نقدر نفكر فى أسباب الخللComment
-
Comment