حد يفهمنى الفروقات بين الsegments بتاعت العربيات ؟؟!!

[kareemhisham]

السلام عليكم ,,

انا بسأل عن الفروقات بين الsegments .. يعنى الc-segment و الb-segment و هكذا .....

و ياريت لو تدونى امثال عشان افهم اكتر

و شكرا مقدما

[Ahmed Nouh]

بص حسب معلوماتى انها تصنيف اوروبى لفئات العربيات , بس يختلف عن التصميم المعترف بيه لجسم العربيه فى ان التصنيف ده بيقسم العربيات حسب فئتها السعريه و الفئه المستهلكه لها اكثر من النظر للتصميم او الحجم زى نظام السيدان والهاتش وال SUV الشهير

a-segment دى فئه السيتى كار اللى هى غالبا عربيات صغيره اقتصاديه للأستخدام داخل المدينه
b-segment دى فئه السوبر مينى اللى هى العربيات الهاتشباك الصغيره يعنى مثلا اكبر من الالتو واقل من الجولف زى البولو والفيستا والابيزا
c-segment دى فئه الكومباكت ودى الفئه الغالبه من السيدان والهاتشباك العائلى المدمج اللى هى باقى الهاتشباك كله وكل العربيات السيدان من اول اللانسر مثلا لحد السى كلاس اكبر من كدا مش كومباكت واصغر من كدا سيتى كار
d-segment دى فئه السيدان العائلى الكبير زى الباسات والكامرى والاكورد وكل عربيه سيدان فى الحجم ده او اكبر طالما لا تندرج تحت الفئه الفخمه
e-segment دى فئه ال Excutive وهى العربيات السيدان اللى ما بين السيدان العائلى الكبير والسيدان الفخم زى الفئه الخامسه و الجاجوار ال X-Type والمرسيدس E-Class
f-segment واخيرا دى فئه السيدان الفخمه زى المرسيدس S-Class و الفئه السابعه و جاجوار XJ

ملحوظه اخيره : ان اخر فئتين فى منهم تصنيف داخلى للحجم يعنى هتلاقى فخم وسط وكبير وهكذا

دا كل اللى اعرفه عن الموضوع ده وكنت زيك كدا عمال ادور لغايه ما عرفت الكلام ده من ويكبيديا فلو حد يعرف عنه معلومات اكتر ياريت يفيدنا

[kareemhisham]

الف شكر يا احمد باشا ,, ايوا كدة نورتنى :)