مناقشات حول ثبات السيارة

[كابوس الليل]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين

كل الى فاهم موضوع الثبات بتاع العربية... يشرحلنا ايه هوا بلظبط
انا الى عارفه ان عرض العربية بياثر و برضوا عرض الكوتش .. والعفشة..
وايه تانى؟
بمعنى امتى العربية تكون ثابتة على الارض اوى لما ايه يبقا متوفر العربية تبقا ثابتة اوى؟؟
كمان يعنى ايه كلمة "العربية ديه بتعوم"
هل كمان العربية الى عالية عن الارض تكون ثابتة اكتر من الواطية ولا العكس؟
كمان فى حاجة مش فاهمها حد يقول ان العربية ديه مثلا عفشتها ناشفة اوى ده شئ كويس ولا وحش
طب كدة العفشة مش مريحة فلركوب طب كدة تبقا كويسة مع المطبات والنقر والبلاعات؟
طب لو العكس بمعنى ان العربية عفشتها مريحة فلركوب تبقا مش كويسة ومش مريحة مع المطبات ؟
افتكر مرة كنت راكب عربية نيسان صنى الشكل الخليجى الجديدة موديل 2008 زيرو لما جبنا التسعين كيلو العربية كانت بتعمل زى الحصان من ورا بتعد تطلع وتنزل من ورا كانها بتنط على المساعدين ده شئ كويس ولا وحش؟؟ حتى لو وحش ايه سببه وايه علاجه؟؟
مستنى اراء وردود كتير عن الموضوع ده وعن اسئلتى؟
ديه صورة للعربية النسيان صنى الى انا قصدى عليها :

[tarekabosdera]

والله انا معلوماتي تنحصر في الآتي بالنسبة للثبات:

الثبات له عدة عوامل ولكن تتفاوت العوامل في اهميتها :
يعني مثلا من اهم عوامل الثبات تصميم الايرودينامكس بتاع العربية والايرودينامكس بيشمل تصميم الهيكل وارتفاع العربية والمسافة بين العربية والارض والمساحة الجانبية للعربية والمساحة المعرضه لتصادم الهواء في السرعات العالية .

وطبعا مش معنى ان العربية عالية تبقى مش ثابتة. بس لازم يكون مع علو العربية عوامل تانية تعوض الثبات المفقود بسبب الارتفاع. وده طبعا شغل مصممين العربيات بيحولوا بقدر الامكان يخلوا تصميم العربية متوازن من ناحية الارتفاع والعرض .
وكل الحاجات ده بيختبروها في اختبارات الامان للسيارات وعلى هذا الاساس بتأخذ النجوم.

يليه في الاهمية عفشة العربية هل هي متعددة الاذرع ولا ثنائية. طبعاا المتعددة افضل لانها بتفرش في السرعات العالية.
وبرضه وضع جنوط عريضة بيزود ثبات العربية ولكن بيعمل اجهاد زيادة للماتور.

الوزن برضه له دور في الثبات لكن مش هو رقم واحد في الاهمية.

وبرضه ضغط الهواء في الاطارات لازم يكون مظبوط حسب الموصي بيه في دليل العربية لان لو في زيادة في الضغط بيقلل الثبات وده عن تجربة.

وفي العربيات ذات التكنولوجيا العالية فيها انظمة الكترونية تساعد على ثبات العربية على الاسطح غير المستوية او الغير ممهدة بشكل جيد عن طريق توزيع قوة الضغط بالتساوي على العجلات الأربعة .

والله اعلم...

[zidaneelwaly]

تمام و الله كلام 100 %
بس ساعات احس ان الافيو مقاومتها للهواء كبيره و بحس بكده لما بمور و اسيبها تجري علي منزل مش بحس انها بتجري اوي

[magazy93]

معنى ان العربية بتعوم انها بتلعب على الأربع مساعدين بطريقة متتالية وسريعة ودا بيحصل لما بيتغير مسار العربية فجأة أو بانحراف كبير ودا بيحصل فى العربيات العالية أكتر والعربيات الى فيها هيدروليك ودى حاجة كويسة نسبيا لأن لو ما حصلش كدة العربية حتفحط والعربيات الخفيفة لو عامت ممكن تتقلب فى الغالب
وبالنسبة لموضوع خشونة العربية فدا بيعتمد اذا كانت العربية كبالم ولا سوست

[Sharaf2009]

لو فترضنا ان فى ثلاث محاور متعامده تمر بنقطة مركز الثقل للمركبه . المحور الاول فى الاتجاه الطولى...الثانى فى الاتجاه العرضى...الثالث فى الاتجاه المتعامد على مستوى الارض...فان دوران السياره حول المحور المتعامد (yaw motion) هى المفهوم العلمى لثبات المركبه...يعنى بالبلدى تخيل ان العربيه بتخمس ...وثبات المركبه بيعتمد على عوامل كتيره اهمها توزيع الاحمال على محاور السياره