النقل بدري

[Ignition-Kid]

ياجماعه لأى نوع من انوع العربيات فيه 2 Ranges

1-ال Economic Range وده مش بيدى افضل اداء بس بيوفر جدا فى البنزين

2- ال Performance Range وهنا بتاخد افضل اداء على حساب استهلاك بنزين اكثر

المفروض لازم فى اى User Manual لاى عربيه توضيح للموضوع ده

يعنى نهايه ال Economic Range عند كام Rpm وبالتالى مع نهايته بدايه ال Performance Range

[MeSho_Evo]

زي ما الاخ اجنيشن بيقول

فية نوعين من القيادة أسمها

1- القيادة الاقتصادية

ودي بتنقل بدري يعني بالكتير اوي على 3000 rpm
ومش بتسمع صوت الموتور ودي بيكون استهلاك البنزين فيها اقتصادي بس سحب العربية و تسارعها بيبقى بطئ نوعا ما

2 - قيادة رياضية

ودي بتهدف الى الاستفادة القصوى من قوة الموتور
يعني مثلا بتنقل قبل العلامة الحمراء بتاعت الـ rpm بحوالي 1000 rpm
يعني مثلا بتنقل عند 5000 او 6000 لو قلبك جامد وطبعا بتسمع صوت الموتور بيصووووووووت حتى لو مشغل السي دي على الاخر
ودي بيبقى سحب العربية اقصاها واستهلاك البنزين اقصاها

يعني من الاخر هيا علاقة طردية بين توقيت النقلة و سحب العربية واستهلاك البنزين بالمختصر المفيد
نقلة بدري >>> اقتصاد في البنزين و بطئ في السحب
نقلة متأخرة >>> استهلاك اقصى للبنزين و اقصى سحب

أتمنى أكون أفدتك بس اوعى تسهى,, مرة اخدت يو ترن على الاول وجبت اخر البنزين الـ rpm ضرب ع الـ 6500 وتقربا كان في المنطقة الحمراء

[monmonmon]

ياجماعه لأى نوع من انوع العربيات فيه 2 Ranges

1-ال Economic Range وده مش بيدى افضل اداء بس بيوفر جدا فى البنزين

2- ال Performance Range وهنا بتاخد افضل اداء على حساب استهلاك بنزين اكثر

المفروض لازم فى اى User Manual لاى عربيه توضيح للموضوع ده

يعنى نهايه ال Economic Range عند كام Rpm وبالتالى مع نهايته بدايه ال Performance Range

و فى كمان compromise between economy and performance لأن المدى الاقتصادى ده خلاله بيكون العزم لسه موصلش للاخر و ليكن مثلا 2000 لفه و المكنة اقصى عزم ليها عند 3500 لفه بالتالى لو نقلت عند 3000 هاخد عزم معقول جداااا و فى نفس الوقت الاستهلاك معقول.

بس بما ان المكنة بنزين مش ديزل الاهم هو وضع الاكسلاتير throttle valve مش ال rpm وسرعة المكنة لان ظروف الطريق متغيره دايما و دا بيستدعى ان الحمل يكون متغير يعنى دوسة البنزين على حسب.

سرعة المكنة rpm فى الديزل معناها جريدة الجاز لان مسار الهواء غير معاق بخانق.. بالتالى فى الديزل مهم جدااا ال rpm و وضع الجريدة لتغيير الحمل لان سرعة المكنة فى الديزل بتعبر عن الحمل لان الجاز بيتحقن على حسب سرعة طلمبة الجاز مع سرعة المكنة

لكن فى البنزين الامر يختلف شويه ممكن اكون دايس اكتر ما المكنة محتاجه و بالتالى ال rpm ملوش لزمه لو نقلت بدرى ما انا كده كده اللى وفرته خسرته

من الاخر الحمل على المكنة (دوسة البنزين) يا جماعه هى اللى بتحدد استهلاكك و بتأثر فى ظاهرة الصفع كمان بجانب سرعة المكنه. يعنى حاولوا تاخدوا اللى عايزينه من المكنة بأقل دوسة بنزين.
يعنى لو واحد ماشى على rpm قليل ميدوسش بنزين جامد لانه كده هيساعد على حدوث الكركره او التسقيف او الصفع زى ما تحبوا تقولوا.

و افضل نقلات على الاطلاق هى 20-40-60-80 و ممكن اقل بس اهم حاجه ميكونش فى تسقيف فى النقلة.. و لو العزم الاقصى عندك على عدد لفات rpm قليله مثلا 2500-3000 او 3200 تقدر توفر جامد فى البنزين لو نقلت عند اقصى عزم او اقل منه.


انا بعمل بعربية هيونداى ماتريكس 1600 سى سى فوق ال 300 كم فى الصفيحة و كل الناس بتقول اخرها 250 و استحاله تعملها كمان.

[wessampo]

انا عندى فى الماروتى النقل بدرى بيخلى صندوق التروس بيتكتك

[dr_abooody]

و فى كمان compromise between economy and performance لأن المدى الاقتصادى ده خلاله بيكون العزم لسه موصلش للاخر و ليكن مثلا 2000 لفه و المكنة اقصى عزم ليها عند 3500 لفه بالتالى لو نقلت عند 3000 هاخد عزم معقول جداااا و فى نفس الوقت الاستهلاك معقول.

بس بما ان المكنة بنزين مش ديزل الاهم هو وضع الاكسلاتير throttle valve مش ال rpm وسرعة المكنة لان ظروف الطريق متغيره دايما و دا بيستدعى ان الحمل يكون متغير يعنى دوسة البنزين على حسب.

سرعة المكنة rpm فى الديزل معناها جريدة الجاز لان مسار الهواء غير معاق بخانق.. بالتالى فى الديزل مهم جدااا ال rpm و وضع الجريدة لتغيير الحمل لان سرعة المكنة فى الديزل بتعبر عن الحمل لان الجاز بيتحقن على حسب سرعة طلمبة الجاز مع سرعة المكنة

لكن فى البنزين الامر يختلف شويه ممكن اكون دايس اكتر ما المكنة محتاجه و بالتالى ال rpm ملوش لزمه لو نقلت بدرى ما انا كده كده اللى وفرته خسرته

من الاخر الحمل على المكنة (دوسة البنزين) يا جماعه هى اللى بتحدد استهلاكك و بتأثر فى ظاهرة الصفع كمان بجانب سرعة المكنه. يعنى حاولوا تاخدوا اللى عايزينه من المكنة بأقل دوسة بنزين.
يعنى لو واحد ماشى على rpm قليل ميدوسش بنزين جامد لانه كده هيساعد على حدوث الكركره او التسقيف او الصفع زى ما تحبوا تقولوا.

و افضل نقلات على الاطلاق هى 20-40-60-80 و ممكن اقل بس اهم حاجه ميكونش فى تسقيف فى النقلة.. و لو العزم الاقصى عندك على عدد لفات rpm قليله مثلا 2500-3000 او 3200 تقدر توفر جامد فى البنزين لو نقلت عند اقصى عزم او اقل منه.


انا بعمل بعربية هيونداى ماتريكس 1600 سى سى فوق ال 300 كم فى الصفيحة و كل الناس بتقول اخرها 250 و استحاله تعملها كمان.

كلامك مظبوط 100 % و انا بعمل زي ما بتقول بالظبط في الالنترا و الحمد لله ال الصفيحة بتعمل في حدود ال 270 كيلو بالتكييف

[monmonmon]

انا عندى فى الماروتى النقل بدرى بيخلى صندوق التروس بيتكتك

غريبه يا باشا اعتقد لو صوت زى تخبيط او تكتكه (زى صوت تصادم معادن) ده بيسمى التسقيف او الصفع (الاسم العلمى) و ده بينتج من المكنة نفسها.
و اعتقد ان الماروتى 4 نقلات و بالتالى حاول تلتزم بالنتقلات المحددة و متنقلش بدرى غير لما تكون على منزل مثلا و حافظ على دوسة بنزين خفيفة

[monmonmon]

كلامك مظبوط 100 % و انا بعمل زي ما بتقول بالظبط في الالنترا و الحمد لله ال الصفيحة بتعمل في حدود ال 270 كيلو بالتكييف

طيب الحمد لله انى لقيت حد ينصفنى فى موضوع الاستهلاك ده.. انا بفكر اجيب النترا و كنت بسمع ارقام غريبة 180 و 220 اقصاها فى الصفيحة و حسيت انها غير اقتصادية رغم انها لازم تكون افضل من الماتريكس فى اعتقادى و على الورق.. ربنا يباركلك فيها

[tutankhamoun]

النقل بدري قوي غلط و بيقصر عمر أسطوانة الدبرياج و بيعمل حمل على الموتور جامد
لازم النقل يكون في المنطقة اللي فيها العزم يكون وسط أو آخره .
و زي ما الأخوة قالوا قبلي ما بين 2700 إلى 3000 تقريبا هو ده الرقم اللي هاتلاقيه في أغلب الماركات .

بس يا جماعة الناس اللي بتغير بدري عن 2500 لفة ............ كدا غلط جدا جدا


جرب تسوق عجلة بسرعات
و ُحط الغيار الثاني مثلا و حاول تطلع بالعجلة
هاتلاقي نفسك بتبذل مجهود مُضاعف و تحس أن مفيش عزم خالص و أنت مش قادر تبدل نهائي
أنزل بالترس و حطه على الأول هاتلاقي العجلة طلعت و أنت حاسس أن أنت مش تعبان في التبديل

ده اللي بيحصل في الموتور بالظبط
اللي بيغير بدري بيعمل حمل على الموتور و هو فاكر أن ده كويس و لكن في الحقيقة ده غلط و بيأثر على عمره
خير الأمور الوسط

شوف أقصى نقطة عزم بتطلع عند كام و غير في الوسط أو عندها ( و كان الباشمهندس سبعاوي و الأستاذ محمد ممدوح وضحوا النقطة دي من قبل في مناقشة معاهم )

يعني في الجين 2 على سبيل المثال :
أقصى نقطة عزم هي 4000 لفة - دقيقة
لو غيرت عندها بأخد عزم ممتاز و سحب حلو ......... و أستهلاك بنزين متوسط .
لو غيرت عند 3000 بأخد عزم وسط و أستهلاك بنزين معقول و سحب حلو و معقول .
لو غيرت عند 2000 ........ العربية مش بتمشي أصلا ( بتتحرك آه ..... إنما مفيش أي عزم طالع ) ....... تحس أن الموتور هايعيط و عايز يديك بالبوكس في وشك
لأن حجم الترس مش متساوى مع السرعة اللي أنت ماشي عليها و ده غلط و ده اللي أنا وضحته على مثال الدراجة اللي بتروس سرعات .

لذلك نصيحة لوجه الله
خير الأمور الوسط
متغيرش بدري قوي .......... و لو عايز توفر في البنزين غير في الوسط ما بين 2700 إلى 3000 لفة دقيقة مش أقل من كدا ............

[nab!l]

شوف ياشا انقل كل ما تحس ان صوت الموتور هيبداء يعي شويتين و و نصيحة اخوية انا هقولك علي متوسط سرعات بتريح الموتور و برده مش ئوابت يعني بيختلف من عربية لعربية و هو ان الاول لغاية 20 و التاني لغاية 40 و التالت لغاية 60 و الرابع 80 و الخامس مفتوح و الكلام ده في الاحوال العادية يعني يستئني حالات الطواريء يعني ممكن في الطواري مثلا تجيب بالرابع بدل 80 تجيب 130 و هكذا

تمام قلت المفيد

[nab!l]

انا ماشي زي ما الكتاب بيقول بالنسبة لعربيتي

لكن ساعات الوالد لما يسوق بينقل بدري و بحس سحب العربية بيموت و ساعات بيحصل كركرة و مش عارف اذا كانت الكركرة هي نقسها التسقيف ولا لأ؟؟

بس اعتقد لأ

شكراً لطرح الموضوع

بالظبط الكركرة هى التسقيف