نفسي اتعلم السواقة و مش عارف خالص (ارجوكم ساعدوني)

[santaa]

ياريت يا جماعة حد يقولي ازاي اتعلم السواقة لاني حاولت اكثر من مرة علي مدار 3 سنين (علي فترات ) و كل مرة بفشل نتيجة الخوف و عدم الثقة بالنفس و بجد تعبت و انا الايام دي في اشد الحاجة لتعلم السواقة علشان زوجتي حامل و هي مش هتقدر تسوق و انتم عارفين المشواير خلال هذة الفترة


انا اول مركب العربية علشان اتعلم اخاف و لما ابتدي اطلع العربية تكركر و تبطل (لان العربية مانيوال ) يعني السواقة عليها حاجة صعبة و مستحيلة دة بالنسبة لي انا فقط طبعاً
و حكاية رفع الرجل من علي الديبرياج واحدة واحدة مع الضغط علي البنزين مش بعرف اظبتها بتاخد وقت يعني لو انا علي الطريق الناس اللي ورايا مش هاتيستحمل كدة بالاضافة ان الايام دية البلد زحمة و محدش بيدي فرصة علي الطريق لحد الا لو كان متمكن في السواقة

فارجوكم انصحوني و ساعدوني ازاي اتصرف لاني خالص انا فعلا زهقت و مليت من الموضوع دة

و حزين جداااا

[amr011111]

موضوع تعليم السواقه بسيط ان شاء الله بس اهم حاجه اللى بيعلمك يعلمك صح
انت اول حاجه تعملها انك تطلع على مكان فاضى وتحاول تطلع بالعربيه بتاع 20 مره لحد ما تتمكن من انك تطلع بالعربيه من غير ما تفصل منك وتتمكن من كده تماما وطبعا كل ما تطلع بالعربيه تقف بيها برضه فى نقطه انت محددها لنفسك طوبه مثلا او قمع
الموضوع ده هيخليك متمكن من انك تطلع فى وقت قليل جدا وتقف وقت ما انت عاوز.

طريقه ان انت تطلع بقى والعربيه متفصلش منك
انت هتدور العربيه وتتأكد قبل ما تدور العربيه ان العربيه مموره او ممكن تدور العربيه وانت دايس دبرياج بحيث لو العربيه واخده غيار وانت دايس دبرياج يبقى كأنك ممورها

ازاى بقى تطلع
انت دلوقتى رجلك الشمال على الدبرياج هتدوس برجلك اليمين على البنزين سنه بسيطه وتثبت رجلك لما تيجى بقى تشيل رجلك من على الدبرياج سيبك من موضوع انك تدوس بنزين وترفع دبرياج
لأ اللى انت هتعمله انك هترفع رجلك سنه بسيطه من على الدبرياج وتثبتها على الوضع ده هتلاقى العربيه اتحركت لما العربيه تمشى ساعتها بقى هتاخد حساسية انك تدورس بنزين وتشيل دبرياج وهكذا

موضوع بسيط بإذن الله بس محتاج تدريب وبالتوفيق

[santaa]

موضوع تعليم السواقه بسيط ان شاء الله بس اهم حاجه اللى بيعلمك يعلمك صح
انت اول حاجه تعملها انك تطلع على مكان فاضى وتحاول تطلع بالعربيه بتاع 20 مره لحد ما تتمكن من انك تطلع بالعربيه من غير ما تفصل منك وتتمكن من كده تماما وطبعا كل ما تطلع بالعربيه تقف بيها برضه فى نقطه انت محددها لنفسك طوبه مثلا او قمع
الموضوع ده هيخليك متمكن من انك تطلع فى وقت قليل جدا وتقف وقت ما انت عاوز.

طريقه ان انت تطلع بقى والعربيه متفصلش منك
انت هتدور العربيه وتتأكد قبل ما تدور العربيه ان العربيه مموره او ممكن تدور العربيه وانت دايس دبرياج بحيث لو العربيه واخده غيار وانت دايس دبرياج يبقى كأنك ممورها

ازاى بقى تطلع
انت دلوقتى رجلك الشمال على الدبرياج هتدوس برجلك اليمين على البنزين سنه بسيطه وتثبت رجلك لما تيجى بقى تشيل رجلك من على الدبرياج سيبك من موضوع انك تدوس بنزين وترفع دبرياج
لأ اللى انت هتعمله انك هترفع رجلك سنه بسيطه من على الدبرياج وتثبتها على الوضع ده هتلاقى العربيه اتحركت لما العربيه تمشى ساعتها بقى هتاخد حساسية انك تدورس بنزين وتشيل دبرياج وهكذا

موضوع بسيط بإذن الله بس محتاج تدريب وبالتوفيق

نفسي انفذ اللي قولتة بس انا شايف الموضوع برضوا صعب و مش عارف اقبلة لاني حاولت
و لكن مش راضية تظبط معايا

[ابو لؤى]

هوصفلك استاذ عمرو يقصد انك تدور العربيه وتدوس دبرياج للاخر ووبعدين تدوس سنه بنزين وتخليك دايس بنزين وترفع رجلك سنه بسيطه اوى من على الدبرياج هتلاقيها بتمشى ماترفعش رجلك من على الدبرياج بردو خليك دايس اى نعم هو غلط على الاسطوانه بس مش مشكله لحد مايجيلك الجرائه بس فى الاول

[amr011111]

نفسي انفذ اللي قولتة بس انا شايف الموضوع برضوا صعب و مش عارف اقبلة لاني حاولت
و لكن مش راضية تظبط معايا

كل شىء صعب فى بدايته. محدش اتولد بيسوق جرب وحاول وان شاء الله بعد كده مش هتعلم ناس كتير

[mesaharaty]

لا تيأس أبدا يا صديقى
الموضوع محتاج منك تكرار للتجربة لغاية ما حتلاقيها اتظبطت إن شاء الله وده شىء مش مستحيل ... بس كرر وجرب
أنصحك بالتجربة فى مكان فاضى أولا .
فى الأول ستشعر بالإحباط لعدم تمكنك من التعامل مع العربية .... برضه لا تيأس أبدا .... حتتعلم تسوق وماتخافش .
بعد تمكنك من المشى بالعربية إبدا اتعلم مهارات الغيار (برضه فى حتة فاضية) .
ثق فى الله تعالى وثق فى نفسك وإبدا انزل فى حتت مش زحمة قوى يعنى نص نص ... من هنا حتبدأ التعامل الفعلى مع المواقف ... وخليك ثابت ولا يهمك من أى حد يخلى ثقتك تتزعزع .
من أهم المهارات بقى فى الموضوع مهارات التعامل مع المرايات ودى حتيجى برضه واحدة واحدة وماتقلقش .
وبالتوفيق

[أحمد جودة]

السلام عليكم ورحمة الله وبركاته


أنا مش هقدر ازيد على كلام السادة الافاضل اللى شاركو قبلي وكلامهم سليم 100%

بس اللى هقولو حاجة مختلفة ((( أهم شيئ تكون حابب انك تتعلم مش مجبر انك تتعلم )))

علشان تقدر تكمل وتستمر لازم تكون حابب السواقة وانا بطمن حضرتك كلنا زي حضرتك فى الاول الخوف والرهبة ويااااااااااااااااة لو طالع كوبري والطريق وقف كنت بفرج الدنيا عليا والعربية ترجع لورا وتبطل واللى ورايا يلطم على وشه واوقف الطريق والناس تقريبا كانت بتشتم وددة كان بيبان من طريقة كلامهم انا بكون قافل الازاز علشان مسمعش الشتيمة ........... لالالالالالالاء اطمن بعد كدة انا عندي استعداد اني اقف على مطلع كوبري منغير مادوس فرامل او اشد الهاند بريك ((( فقط حساسية رجلي بقت تمام على الدواسات مزود سنة بنزين ومكتف العربية بالدبرياج والعربية ثابتة )))

أنا بحكيلك الحدوتة دي علشان اهم شيئ ثقتك فى نفسك تبقي موجودة وواحدة واحدة هتلاقي نفسك بتجري وبتعمل غرز وبتزنق علينا كمان واحنا مش عارفين نروح منك فين

تقبل تحياتي ومتنساش الاستعانة بالله قبل اى شيئ

[Hunting_Eagle]

الناس اللي بتسوق مش احسن منك في حاجة

و الموضوع بسيط اوي و لو ركزت فيه كل يوم لمده اسبوع متواصل هتلاقي نفسك بقيت استاذ

و المواظبة على السواقة اهم من التعلم يعني لو اخدت العربية كل يوم وروحت بيها شغلك او مشاويرك هتلاقي نفسك اتعلمت من غير ما تحس

بالنسبة ان العربية بتفصل منك انت ممكن تعمل زي انا ما اتعلمت على عربية لانوس و كانت زيرو

لو انت واقف على ارض مستوية ما تدوسش بنزين .. ارفع رجلك بالراحة من على الدبرياج هتلاقي العربية بتتحرك .. لما تبدأ العربيىة تتحرك شيلك رجلك من الدبرياج و دوس بنزين لحد ما تتعلم تطلع بنزين و دبرياج .. بس بصراحة مش عارف بينفع مع العربيات القديمة ولا لأ .. طبعا الموضوع ده مش هينفع على المطالع علشان كده حاول تتجنب توقف على مطلع او تطلع كوبري مثلا و انت شايفه زحمة لحد ما تاخد ثقة في نفسك

[santaa]

شكرا

متشكر جدا جدا لردودكم و تحفيزكم لي و ادعولي ربنا يوفقني و اتعلم بقي .......
انا بس محتاج مساعدتكم حد يعرف مركز تعليم القيادة بس يكون كويس بجد و في ناس متخصصة و يكون في منطقة القاهرة الجديدة ان امكن
و لو مش هينفع في القاهرة الجديدة ممكن يكون في منطقة مصر الجديدة

منتظر ردود خبراء القيادة و متشكر مرة تانية

[mesaharaty]

صديقى العزيز Santaa
كما سبق وقلت لحضرتك أحب أضيف الآتى :
1- البداية دايما فى مكان فاضى علشان تتعلم من الأخطاء بدون أى اضرار ليك أو لغيرك .
2- موضوع المطالع ده برضه حييجى مع التجربة والتدريب ، وهو مش محتاج أكتر من جلستين أو تلاتة وحيتظبط معاك ، أنا لما كنت باتعلم المطالع مارحتش على طول طلعت كوبرى ...لأ ولكن فيه جنب البيت حتة مطلع كدة وكمان فاضية وكنت باروح اتعلم فيها مع نفسى لغاية ما عرفت أظبطها والحمد لله .
3- أما الجراءة فحتيجى من موقف يخليك تنزل بعربيتك وتمشى غصب عنك ، وهنا انت بتستحضر كل مهارات السواقة وتنفذها صح لأنك فعلا مستوعبها من ذى قبل .
4- فيما بعد حتة الركنة بقى برضه محتاجة تدريب وبرضه فى حتة فاضية الأول وتكون مشغل عينيك فى جميع الإتجاهات .
5- أنا كانت مشكلتى فى أول تعليم السواقة مش إزاى أمشى العربية وإنما : أعمل إيه لما أقرب على إشارة مثلا أو لما العربيات اللى قدامى تهدى ومابقاش عارف أكمل على أى غيار ولا موضوع المور ده بييجى فى بالى اصلا .

إطمئن يا سيدى أنت حتعرف تسوق بأمر الله وحافكرك بعد شهر أو شهرين مثلا .

بالتوفيق

[santaa]

متشكر جدا جدا لردودكم و تحفيزكم لي و ادعولي ربنا يوفقني و اتعلم بقي .......
انا بس محتاج مساعدتكم حد يعرف مركز تعليم القيادة بس يكون كويس بجد و في ناس متخصصة و يكون في منطقة القاهرة الجديدة ان امكن
و لو مش هينفع في القاهرة الجديدة ممكن يكون في منطقة مصر الجديدة

منتظر ردود خبراء القيادة و متشكر مرة تانية

[Esraa_tarek]

السلام عليكم

أنا كمان عندي نفس المشكلة بالنسبة للتعليم
مشكلتي اني أطلع كوبري زحمة امتى أهدي وأما الطريق يتحرك أكبر مشاكلي اني أطلع بالغيار الأول
بيحصل حاجة من اتنين يا إما العربية تبطل حتى و أنا برفع دبرياج بالراحة
يا إما أدوس بنزين أجي أرفع دبرياج العربية تجري و أبقى هاخبط اللي قدامي لأن مهما كانت دوسة البنزين خفيفة بتخلي العربية تتحرك جامد و ده مينفعش في الزحمة وقدامي 3 متر بس فاضيين
حاجة كمان أنا المراية اليمين مش بلحق أركز فيها بالنسبة لي مش واضح اللي جاي من اليمين

أتمنى لو حد يساعدني في الموضوع ده و حابة كمان أسأل على مدرسة تعليم قيادة كويسة في مصر الجديدة أو مدينة نصر و لو حد عنده معلومات بخصوص إدارة المرور في مجمع التحرير أتمنى الإفادة

جازاكم الله كل خير

[amr011111]

السلام عليكم

أنا كمان عندي نفس المشكلة بالنسبة للتعليم
مشكلتي اني أطلع كوبري زحمة امتى أهدي وأما الطريق يتحرك أكبر مشاكلي اني أطلع بالغيار الأول
بيحصل حاجة من اتنين يا إما العربية تبطل حتى و أنا برفع دبرياج بالراحة
يا إما أدوس بنزين أجي أرفع دبرياج العربية تجري و أبقى هاخبط اللي قدامي لأن مهما كانت دوسة البنزين خفيفة بتخلي العربية تتحرك جامد و ده مينفعش في الزحمة وقدامي 3 متر بس فاضيين
حاجة كمان أنا المراية اليمين مش بلحق أركز فيها بالنسبة لي مش واضح اللي جاي من اليمين

أتمنى لو حد يساعدني في الموضوع ده و حابة كمان أسأل على مدرسة تعليم قيادة كويسة في مصر الجديدة أو مدينة نصر و لو حد عنده معلومات بخصوص إدارة المرور في مجمع التحرير أتمنى الإفادة

جازاكم الله كل خير

اول لما الطريق يقف على الكوبرى هتدوسى فرامل ومتشيليش رجلك من على دواسه الفرامل الا بعد ما تشدى فرامل اليد
وبعدها هتمورى العربيه

لما الطريق يبدأ يمشى هتدوسى دبرياج للاخر وتجيبى الاول وتدوسى بنزين زياده سنه بسيطه عن الطبيعى وتنزلى فرامل اليد هتلاقى العربيه مش هتبطل ان شاء الله ولا ترجع لورا
يعنى تنزلى فرامل اليد بعد ما تدوسى بنزين بسيط
كل ده فى وقت ميعديش ثانيه و اتنين

[hopkenz]

بسم الله الرحمن الرحيم
الأخ العزيز - نفس المشكلة كانت بتحصل معايا لحد ما واحد سواق العربيات الكبيرة النقل ركب معايا و قالي علي فكرة بسيطة حلت المشكلة دي كلها بس لازم لازم تخليها ف بالك كل مرة بتركب العربية ف الاول
الحل
بص دور العربية و هيا علي المور .... سهلة طبعا
اضغط دبرياش و ادي اللأول ... سهلة
طبعا لسة رجلك علي الدبرياج .... مفيش جديد
اضغط سنة بسنة بنزين من غير ما ترفع رجلك من علي الدبرياج لحد صوت العربية ما تحس انه يعني شوية عالي تيجي مثبت رجلك علي البنزين و ابدأ سيب الدبرياج سنة بسنة من غير ما تزود بنزين
أول العربية ما تبدأ تتحرك ثبت رجلك علي الدبرياج و زود البنزين شوية
طبعا دة لحد ما تاخد حساسية البنزين
و دمتم

[Marwa Galal]

الاساتذة قالوا كل الكلام فوق ومبقاش في حاجة تتقال بس انا ممكن انقلك خبرتي وجربتي المتواضعة جدا كمبتدءة في الموضوع ده
انا بحب السواقة جدا وحلم حياتي كان اني اجيب عربية واسوقها واعيييييش بقي
قعدت اخطط اني اجيب عربية ومشيت في نفس الوقت في موضوع السواقة ده علشان لما اجيب عربية ما ابقاش ميح
كانت ليا تجربة سابقة من 3 سنين واحدة قريبتي كسبت فيا ثواب وخلتني اسوق عربيتها يومين كده والحمد لله عدت التجربة بسلام من غير خسائر
الاول وانا باطلع الرخصة حاولت اتعلم في مدرسة المرور ( منهم لله) طبعا ما اتعلمتش حاجة خالص وكانت العربية بتبطل مني وكنت بابقي متضايقة لاني مش فاهمة انا باعمل ايه وطبعا الجملة الخالدة " زود بنزين وسيب دبرياج سنة سنة" كانت بتخرب الدنيا والراجل كان بيبقي هو اللي سايق لانه عنده دواسات والموضوع كان زي الزفت
قلت مبدهاش بقي بعد ما طلعت الرخصة ( معرفش ازاي) رحت علي مدرسة تعليم وربنا رزقني بمدرب محترم جدا فهمني الدنيا ماشية ازاي وازاي اظبط البنزين والطلعة الاولانية زي ما اتقالك فوق وبقيت امشي بالعربية لحد ما بقيت كويسة
بعد ما جبت العربية اتحطيت قدام الامر الواقع ( خلاص جبت العربية يا اما اسوقها يا اما اركنها وفلوسي تروح عليا) جبت حد معرفة يقعد جنبي وانا باسوق علشان يجرأني شوية واتعود علي العربية
خد عندك بقي المشاكل والاحباطات اللي قابلتني:
1- في اول مرة حطيت رجلي ع العربية دي سقت ع الصحراوي ومشيت ع الرابع وانا طالعة مبطلتش مني والدنيا كانت تمام..لما روحت رحت في حتة فاضية جنب البيت اجي اطلع بيها بتبطل وتكركب وتقف وكل المصايب اللي ممكن تتخيلها وطبعا جالي احباط فظيع وكنت حاعيط ( انا كنت باسوق كويس حصل اييييه :'( )بعديها رحت تاني وركبت العربية وواحدة واحدة طلعت ومبطلتش مني وعرفت ان المشكلة عندي كانت اني مش بادوس بنزين كويس فلما اجي اسيب دبرياج العربية تبطل مني وكمان ساعات مش باخد الغيار الاول صح فالعربية بتبطل...وواحدة بواحدة الدنيا اتظبطت معايا والمشكلة دي مبقتش بتحصل كتير
2- المطبات وما ادراك ما المطبااااااات :'( في الاول كنت اخد المطب زي ما اهو والعربية تترفع لفووووووووووق وتنزل تاااااااني وتتهبد (وطبعا مش حاقولك علي المطبات اللطيفة بتاعتنا) ومكنتش بابقي عارفة اعمل ايه وانا داخلة علي مطب اهدي ولا ادوس بنزين وبعد تجارب عديدة ومطبات كتير مش باشوفها لا بالنهار ولا بالليل استنتجت اني لما ابقي داخلة علي مطب يبقي دبرياج وفرامل واهدي العربية لحد ما اول عجلتين يعدوا المطب وارجعع امشي تاني وبالنسبة للغيار اللي حتأخده علي حسب في ناس تقولك انها بتأخد المطب علي التاني وناس بتأخده علي الثالث بس دول متمكنين وبيأخدوا المطب علي سرعتهم (حدث بالفعل وشفت بعيني محدش قالي ) وناس بتأخده علي الاول...اللي استنتجته برضو اني لو ماشية علي الثالث او الرابع ولقيت نفسي داخلة علي مطب اهدي العربية وانزل بالغيار الاقل يعني لو ع الثالث اجيب تاني واخده براحة وربك بيسهلها برضو
3- بعد ما مشيت في حتة فاضية ولفيت كتير ابتديت اطلع ع الشارع الرئيسي..الكارثة الكبري اللي اكتشفتها في نفسي اني مش باركز خالص التركيز عندي شبه ضايع واستجابتي بطيئة شوية ومش باشوف كبوت العربية ولسة مش متعودة علي ابعادها ومش باهدي ومش بادوس فرامل وانا داخلة علي مفارق او تقاطعات اوي اي حاجة :D طبعا دي مصيبة ولحد دلوقتي باحاول اعالج المشاكل دي اركز في الطريق قدامي وفي المرايات اظبط عربيتي وامشي مظبوطة علشان ما احدفش علي اللي جنبي وكده يعني وربنا يستر..اللي بيرعبني بقي حاليا اني امشي في شوارع زحمة واني اخبط حد وطبعا مشكلة المشاكل اني اطلع علي كوبري ويبقي واقف
حتصدقني لو قلتلك ان كل ده حصل في شهر ونص تقريبا ؟ الحمد لله انا باطلع بالعربية دلوقتي والنهاردة كانت اول مرة اطلع بيها 6 الصبح لوحدي تماما علشان اتعود علي الموضوع ده لان محدش حيركب معايا ولفيت حوالين البيت ورجعت تاني وطلعت علي صلاح سالم والعربية مبطلتش مني غير مرة واحدة بس ^_^ وناوية بكرة اروح بيها الجامعة وارجع الصبح بدري برضو
اسفة لو كنت رغاية وصدعت الناس كلها بس انا عايزة اقولك انك لو حطيت الموضوع في دماغك وحبيته حتسوق وحتبقي كويس ان شاء الله خليك شجاع بس ومتخافش والممارسة اهم حاااااجة سوق كل يوم وواحدة بواحدة حتلاقي نفسك بقيت جرئ وطلعت ع الشارع لوحدك وسقت في الزحمة كمان
ربنا يوفقك ان شاء الله