بخاف اسوق لوحدى اعمل ايه ؟؟

[never mind]

السلام عليكم ياجماعه
دلوقتى ياجماعه انا كنت بسوق من اربع سنين واخدت الرخصة وانا 18 سنة بس مسقتش ساعتها عشان العربية 127 مكنتش مساعدانى خاالص ومكنتش كويسة دلوقتى بعد ماربنا كرمنا وجبنا عربية جبناها مستعملة سكودا موديل 98 المهم دلوقتى انا واخده ع العربيات الصغيرة وبالنسبة لعربيتى الجديده اخويا اللى اصغر منى بقى يعرف يسوق ماشاء الله وبقى يخرج لوحده كمان انا بقى لسة اول مرة اسوقها خبطها وحكيت العربية واقعدت 3 شهور مبسوقش ولما نزلت النهارده مع السواق حسيت انى خايفه اسيب الدبرياش او ادوس بنزين لدرجه انه قالى انتى عايزة تثبتى مكانك اهو اللى جنبك اخد مكانك وبقى ادامك انا معنديش لسة الجراة الكافيه انى اخرج بيها لوحدى والشوارع الضيقة بالنسبة لى والاشارات الكتيرة دمار ليا لدرجه ان العربية بتقف منى كتير جدا واللى ورايا يزمرلى بيوترنى اكتر انا دلوقتى مش عارفه امتى حتجرا ان شاء الله واصحابي اللى اتعلموا بعدى بقى معاهم عربيات وبيسوقوا ماشاء الله عليهم بليز حد يقولى اعمل ايه بعد ما اخلص كورسات مدرسة السواقه وايه الحاجات اللى لازم اتاكد انى بعملها وانا ف الكورس ده عشان اطلع العربية لوحدى ؟؟؟

[eng.salama93]

أنا اللي علمني السواقه صاحب والدي .. قعد معايا مرتين بس ف العربية و ف أخر مره فيهم ضربني بالقلم عشان العربية كانت بتبطل مني ... و من ساعتها الحمد لله بطلت الموضوع دا
و اتعلمت السواقه لوجدي .. كنت حافظ الغيارات و بقيت باخد العربية ع الأول او التاني الف بيها حوالين بيتنا بليل
و مره ف مره قولت اطلع ع الشارع العمومي و بعدين طرق السفر .. كنت بقول هي موته ولا أكتر .. و ربنا كاتبلي اموت هموت وانا ف بيتنا و لو كاتب للعربية تتخبط هتتخبط و هي تحت البيت
و الحمد لله اتعلمت ازاي اقفل الأمبير و الغرز و الأمريكاني و الخمسات :d كل دا لوحدي بدون مساعدة :d

[lidosasa]

لازم تجمدى قلبك وخدى العربية جمب البيت ولفى بيها شوية فى أوقات الشوارع تكون فاضية وواحدة واحدة حتلاقى الرهبة راحت وحتى لو العربية أتخبطت مش لازم تسيبى السواقة لمدة 3 شهور طبعاً حترجعى على الأبيض تانى وتتعقدى . أهم حاجة بقى فى الشارع خلى عندك لامبالاة وعلى مهلك وراحتك والعربية لو بطلت منك دورى على مهلك وفيه ناس كتير ولاد حلال بيرعوا إنك لسه بتتعلمى

[never mind]

يا جماعه ادعولى بجد عشان اتخنقت من الراجل اللى بيعلمنى عشان مواعيد شغل حضرته عايزة ابقى لوحدى بقى يارب يامسهل

[ابو لؤى]

أنا اللي علمني السواقه صاحب والدي .. قعد معايا مرتين بس ف العربية و ف أخر مره فيهم ضربني بالقلم عشان العربية كانت بتبطل مني ... و من ساعتها الحمد لله بطلت الموضوع دا
و اتعلمت السواقه لوجدي .. كنت حافظ الغيارات و بقيت باخد العربية ع الأول او التاني الف بيها حوالين بيتنا بليل
و مره ف مره قولت اطلع ع الشارع العمومي و بعدين طرق السفر .. كنت بقول هي موته ولا أكتر .. و ربنا كاتبلي اموت هموت وانا ف بيتنا و لو كاتب للعربية تتخبط هتتخبط و هي تحت البيت
و الحمد لله اتعلمت ازاي اقفل الأمبير و الغرز و الأمريكاني و الخمسات :d كل دا لوحدي بدون مساعدة :d

انا لو حد كان ضربنى بالقلم كده وهو بيعلمنى كنت دخلت فى مقطوره علشان يحرم يعمل كده تانى

[amr011111]

طريقه تعليم السواقه ليكى غلط مينفعش تدخلى فى شوارع ضيقه والعربيه بتفصل منك
انت مطلوب منك الخطوات التاليه
تاخدى العربيه فى مكان فاضى طوله 10 متر ليس اكتر
وتتعلمى تطلعى بالعربيه بحيث انها متفصلش منك وتقفى فى نقطه محدداها مسبقا لان اهم حاجه انك تتقنى الطلوع بالعربيه من غير ما تفصل وتقفى بالعربيه فى المكان اللى انت عاوزاه كأن حد هيعدى فجأه او كده ومضطره تقفى

تانى خطوه
بعد ما تتمكنى من الخطوه اللى فوق
كل يوم الصبح الساعه 6 ولا حاجه تطلعى فى شوارع فاضيه وواسعه وتمشى بالعربيه وتعتمدى على المرايات وساعتها حجم العربيه مش هيفرق معاكى وتظبطى مرايات الجنب انها تجيب اخر جزء بس من العربيه
وقبل ما تلفى الدركسيون يمين تبصى على المرايه اليمين
وهكذا بالنسبه للشمال
وهتلاقى ثقتك زادتك بنفسك وعرفت ابعاد عربيتك وازاى تمشى بيها
بعد كده تجربى مطالع الكبارى والمنازل والركنه
وفى الاخر تمشى بيها فى اى شارع زحمه وهتلاقى نفسك بعد فتره متمكنه جدا من السواقه
وبالتوفيق

[salma hossam]

انا بردو خايفه جدا جدا بصراحة وكل مااشوف التكاتيك في الشوارع والعربيات اللي ماشيه مخالف وعربيات الحصان اللي بتظهر فجأة اترعب ,,,,,,,,,,بس جبت عربية بردو وربنا يستر ونفسي مصر كلها تبقي ال 20 متر اللي بتعلم فيهم هههههههههههههه

[J A G U A R]

طريقه تعليم السواقه ليكى غلط مينفعش تدخلى فى شوارع ضيقه والعربيه بتفصل منك
انت مطلوب منك الخطوات التاليه
تاخدى العربيه فى مكان فاضى طوله 10 متر ليس اكتر
وتتعلمى تطلعى بالعربيه بحيث انها متفصلش منك وتقفى فى نقطه محدداها مسبقا لان اهم حاجه انك تتقنى الطلوع بالعربيه من غير ما تفصل وتقفى بالعربيه فى المكان اللى انت عاوزاه كأن حد هيعدى فجأه او كده ومضطره تقفى

تانى خطوه
بعد ما تتمكنى من الخطوه اللى فوق
كل يوم الصبح الساعه 6 ولا حاجه تطلعى فى شوارع فاضيه وواسعه وتمشى بالعربيه وتعتمدى على المرايات وساعتها حجم العربيه مش هيفرق معاكى وتظبطى مرايات الجنب انها تجيب اخر جزء بس من العربيه
وقبل ما تلفى الدركسيون يمين تبصى على المرايه اليمين
وهكذا بالنسبه للشمال
وهتلاقى ثقتك زادتك بنفسك وعرفت ابعاد عربيتك وازاى تمشى بيها
بعد كده تجربى مطالع الكبارى والمنازل والركنه
وفى الاخر تمشى بيها فى اى شارع زحمه وهتلاقى نفسك بعد فتره متمكنه جدا من السواقه
وبالتوفيق

+111111111

[carrier]

الخوف هيعقدك من السواقة
انا علمت كتير من صحابى
وبخليهم يسوقوا فى الزحمة وقت خروج الموظفين
لكسر حاجز الخوف وكمان بتكون خبرة مكتسبه بدرى ممتازة جدا
وبالتوفيق

[samihanwar]

أهم حاجه فى السواقه القلب الميت وتتوكلى على الله
وتكونو واخده بالك أوى وشايفه كويس .بصى لازم تكونو رادار عشان تعرفى تتعاملى وشويه شويه هتكتسبى الخبرات وتكونو كمان قطاعت طرق
بس تكونو أنت حبه الموضوع
وقبلى مرورى

[تامر.محمد]

تاخدي العربية الصبح بدري اوي , تطلعي بيها و تركني تاني , اول يومين مثلا
بعد كده تاخديها و تلفي في الشوارع الفاضية (او عربيات قليلة) لمدة اسبوع مثلا كل يوم , او حتى اسبوعين او اكتر
لحد ما تحسي انك تمكنتي من الطلوع و الوقوف على البطيء و ابعاد العربية تمام و الركنةو الطلوع منها تمام

تخشي على المرحلة اللي بعدها , الحركة في الشوارع الخارجية بقى , اول مرتين تلاتة خلي حد معاكي بس لازم يكون حد مش من النوع اللي بيخاف و يتوتر و يتعصب و يعصبك

بعد كده خدي العربية لوحدك اي مشوار و التزمي بقواعد القيادة الوقائية و ان شاء الله خير

[Hosam_fouad]

أنا اللي علمني السواقه صاحب والدي .. قعد معايا مرتين بس ف العربية و ف أخر مره فيهم ضربني بالقلم عشان العربية كانت بتبطل مني ... و من ساعتها الحمد لله بطلت الموضوع دا
و اتعلمت السواقه لوجدي .. كنت حافظ الغيارات و بقيت باخد العربية ع الأول او التاني الف بيها حوالين بيتنا بليل
و مره ف مره قولت اطلع ع الشارع العمومي و بعدين طرق السفر .. كنت بقول هي موته ولا أكتر .. و ربنا كاتبلي اموت هموت وانا ف بيتنا و لو كاتب للعربية تتخبط هتتخبط و هي تحت البيت
و الحمد لله اتعلمت ازاي اقفل الأمبير و الغرز و الأمريكاني و الخمسات :d كل دا لوحدي بدون مساعدة :d

وانا نفس الكلام :d بس كان مع ابويا عملني مره واحده دي الفرامل ودا الدبرياج ودا البنزين ودي الغيارات اعمل كذا كذا كذا

بعدين كملت المسيره لوحدي :d

منساش تاني مره كنت اشوق فيها العربيه كان عندي 17 سنه اخدت العربيه وروحت اوصل واحد صاحبي بقا قولتوا تعالي انا بعرف اسوق . . . وكل ما اجي اطلع بيها العربيه تبطل روحت بيها مشوار 10 كم في عز الزحمه الحمد لله مخبطش حد ولا لبست في حاجه ورجعت سليم :d

[never mind]

الحمدلله سوقت لوحدى امبارح
ياجماعه بجد ربنا يكرمكم ع النصايح انا عملت بيها ...ف الاول كنت رجلى ع الفرامل علطول بس بعد كده بقيت امشي عادى ورحت مصر الجديده عن طريق الخليفة المامون وروحت من اشارة روكسي ...لفيت بيها شوية وبعد كده ركنتها ف الجراش ...انا مشكلتى دلوقتى فى مشاوير مدينة نصر ...لو الطرق مقفولة كده حتضطر مدينة نصر بالذات مروحش بيها ...بس اخرى مصر الجديده شيراتون مثلا وكمان انا لما بحول من الاول للتانى واجى ارجعه اول تانى بمورها الاول عشان بخاف اجيب الثالث بدل الاول لسة السرعات مش بجيبها اخر حاجه جبتها الثالث ...

[draboeyad]

ماشاءالله ده انتى كدهالحمد لله تمام ..............
اعمل انا ايه بقى انا لسه جايب عربيه بروتون جين 2 اتوماتك من يومين بالظبط شوفى اتوماتك والله حاسس برضه برهبه
شديده لان لسه مااخدتش على ابعاد العربيه وبخاف ماحسبهاش صح اخبط او احك فى اي حاجه ..............حاليا بلف الصبح بدرى فى الطرق حوالين البيت وطلعت مرتين على طريق رئيسي بس الدنيا كانت هاديه شويه .......
نفسى ربنا يكرمنى واسوقها بجد