سقطت والحمد لله في الامتحان النظري

[وليــد]

احكي الحكاية من الأول .. بعد ما اتعلمت السواقة وبقيت تمام والحمد لله قلت يلا بقى الواحد يطلع رخصة سواقة ، أصحابي قالولي يا عم شوف واسطة وناس تانية قالت يا عم كل حاجة تتحل بالفلوس شوف واحد يخلصها ب500 ولا حتى ألف ، أنا عملت فيها خضرة الشريفة وقلت لأ من غير واسطة ولا فلوس أنا هتشاهد وأروح أطلع الرخصة بمجهودي ، المهم يا حضرات عشان ما اطولش عليكم بعد ما طلع عيني في حفظ الإشـارات والعلامات وفي التدريب العملي على حرف إس رحت ويا ريتني ما رحت ، أولاً كنت هناك الساعة 8 قبل الموظفين وقدمت ورقي تمام ، اختبرت بقى النظري امتى بعد تلات ساعات انتظار أخيرا دخلت سيادة الأمين قالي اتفضل على الكومبيوتر هيجيلك 12 سؤال مدة كل سؤال 30 ثانية بدأت الأسئلة هو سؤال يتيم في الإشـارات والباقي في الميكانيكا والمشي بالعربية والشبورة إلخ .. أسئلة شبيهة بالأسئلة اللي على موقع سائق المستقبل المهم في الآخر ألاقي الدرجة 75 في المية وكانت الصدمة ( حضرتك تيجي تمتحن تاني كمان تلات شهور ) .. طبعا خدوا عندكم بقى كلام أصدقاء اسوء ما قلنالك كله بالفلوس أو الواسطة .. أنا قلت أحكي لحضراتكم يمكن اللي يشوف بلاوي الناس تهون عليه بلوته ..

[MOTOR HEAD]

هو النجاح من كام

و بعدين ده امتحان ملهوش عازه اصلن

[وليــد]

هو النجاح من كام

و بعدين ده امتحان ملهوش عازه اصلن

النجاح من 80 % الأسئلة سهلة وكل حاجة بس الارتباك بييجي من إن فيه أسئلة طويلة ومحتاجة تركيز وانت ما عندكش غير 30 ثانية بس دي المشكلة

[MOTOR HEAD]

معلش بقى الحمد لله

انا ساعت مطلعت الرخصه كان برضو من غير واسطه و لا غيره

لقيت الراجل اللى قاعد جنب الجهاز بيحل لكل الناس الاسئله عشان مش عايز يستنى مش اكتر

[ahmed_elshafey]

أنا نفس الحكاية حصلت معايا بالضبط من أقل من شهر. رحت امتحن فى 13 أبريل بعد تمرين طويل على النظرى و حتى كنت جايب 3 كروت و خلصتهم كلهم ماكانش فاضل غير 23 دقيقة فى واحد منهم دا غير الامتحانات اللى من غير ما أدخل بالكارت و تعب طويل.

http://www.nilemotors.net/Nile/416194-a.html

لو أنت مرور غير الأقسام الكبيرة ممكن تحلها بالوسطة زى ما أنا عملت كده, غير كده تتضطر تستنى بقى.
و لو ما قدرتش على موضوع الوسطة يبقى تروح تحجز مدرسة فى المرور عشان المدرسة بتضمنلك الموضوع. نحجزها قبل امتحانك بشهر عشان هى بتاخد شهر, بس عشان تحجز مثلا فى شهر 6 بيكون الحجز دلوقتى, فتشوف أنت هتحجز فى شهر كام و تلاوح تسأل تجيلهم امتى عشان الحجز.
أو ممكن طبعا تشوف حد يعملها بفلوس بس هتدبس جامد و مالهاش لازمة. هى المدرسة برضه بتنقط الراجل كل مرة 20 جنيه فى السواقة بس على الأقل بتدفعهم راضى نسبيا و مش هيحصلوا كله على بعضه 500 جنيه.

http://www.nilemotors.net/Nile/409193-a.html

معلش هى هتضايقك جامد و تقفلك أسبوع أو أكتر شوية بس هتنسى الموضوع كمان أسبوعين بالكتير أوى. عارف احساسك مخنوق و مضايق و عاوز تفجر المرور بس معلش هتعدى.

[J A G U A R]

يا باشا شوف اى واسطه بالفلوس وهاتعدى من غير وجع دماغ

[exelence]

مدرسة السواقه اللى فى المرور و ريح دماغك