Tweet
السلام عليكم ورحمه الله وبركاته
الحمدلله جبت العربيه اول امبارح
انا كنت اتعلمت السواقه في شهر واحد وطلعت الرخصه اول شهر فبراير ولاني عاوزه عربيه يوزد بقالي 5 شهور بدور من قبل ما اتعلم السواقه
ومن ساعه ما عملت الرخصه لحد امبارح مسوقتش اي عربيه خالص
في الكورس الحمدلله كنت ممتازه جدااااااا والمدرب كان مبسوط مني لاني سوقت من اول حصه ومشيت في جسر السويس هو بصراحه مدرس شاطر لانه ضحك عليا وخلاني كسرت حاجز الخوف الي جوايه من غير ما اشعر
ومشيت في جسر السويس وصلاح سالم وطريق اسماعليه الصحراوي وطلعت كباري بس وهي رايقه
مكنتش بخاف خالص وفي ثقه لدرجه اني كنت بمشي علي الرابع وهو الي كان يقولي هدي شويه
المهم جبت العربيه الحمد لله وفجاءه بقيت بطه بلدي
فعلا والله
من ساعه ما جبت العربيه وهي مركونه حتي اول يوم جبتها مركبتهاش بابا هو الي جبهالي من الشهر العقاري وكان عندي مشوار روحت بتاكسي
امبارح الحمدلله نزلت بيها ومشيت شوايه تقريبا نص ساعه كنت خايفه جدااااااا
اولا خوف علي العربيه ثانيا خوف من الناس والزكاء الخارق الي بنقابله
بس برضو دورت العربيه ومشيت تمام ودخلت شارع ضيق رجعت بظهري الحمدلله وطلعت مطبات وهديت واخدتها بالراحه وغيرت اول وثاني ومش اكثر من كدا مقدرتش امشي علي الثالث بس كل دا داخله المنطقه الي ساكنه فيها مخرجتش علي طرق خالص
وبليل نزلت مع بابا برضو جمب البيت مع العلم ان الكورس كان كله بليل ماعدا حصه الركنه فامتعوده علي سواقه بليل
بس وانا ماشيه مع بابا دخلت في حته النور كان قاطع وكمان لاقيت الكشافات فجاءه فصلت
كنت في منتهي الرعب وحاسه اني مش شايفه حاجه مع ان نظري كويس جدا
لاقيت نفسي بتلخبط في الغيارات مع اني عارفه المور امته والاول امته والثاني امته
بحس كمان ان العربيه سريعه يعني ببقي عاوزه امشي حته صغيره بلاقي نفسي ماشيه حتي كبيره
بشوف ناس في الزحمه ماشيه تاته تاته حاسه اني مش هقدر اعمل كدا ياريت تقولولي بتتعمل ازاي
كمان باخد وقت علي ما اطلع بالعربيه زي ما المدرب قالي
ادي الاولاني وبعدين احط رجلي بسيط علي البنزين واشيل من علي الدبرياج سنه سنه لحد ما العربيه تتحرك اشيل رجلي واخد سرعتي اغير للثاني
طبعا اشيل سنه سنه دي بحسن اني اخدت وقت حتي بابا قالي ماتطلعي يابنتي كل دا علشان تطلعي
كمان لما جيت اركن حاسه اني قريبه جدااااااااا من الرصيف نزلت ببص لاقيت اني راكنه بعيد عن الرصيف حوالي 40 سم او 50 سم
وطبعا مسافه كبيره جدا
**عاوزه شويه تعليمات منكم علشان اقدر اخرج بالعربيه لحد دلوقتي مركونه تحت البيت مش معقوله اجيب عربيه واسيبها تحت البيت واروح الشغل بتاكسي
من فضلكم قولولي اعمل ايه علشان اكسر حاجز الخوف جوايه من تاني واقدر امشي علي طرق
وعيب بخاف مقدما لحد يكسر عليا او يعمل اي حركه غبيه تخليني البس في اي حاجه
كمان عيبي ببص في المرايات كتير اووووي بركز في الي ورايه اكثر مع اني عارفه ان دا غلط
بجد خايفه ومرعوبه جدااااااااااااا بالله عليكم تفودوني
**العربيه الي جبتها نظيفه جداااااااااا الحمدلله بس الشاب الي اشترتها منه كان مهمل شويه في حاجات مكنش بيهتم بيها بما انه بيسوق كويس بس بما اني جديده لازم كل حاجه تبقي شغاله مظبوط
زي الانوار والاشارات والموضوع كله فيوزات جبتها ب 6 حنيه مش قصه يعني
وطلع حاجه اسمها كتاوت محتاجه تتغير لانه اصرت علي اللمض والفيوزات جبتها وهغيرها انهارده ان شاء الله
عاوزه اعرف ايه الحاجات الي لازم تتغير او تتظبط قبل ما اخرج علي الطرق
اصحابي قالولي سريعا كدا الفلاتر بس عاوزه اعرف فلاتر ايه وبتتعمل عند الكهربائي ولا الميكانيكي
وياريت تقولولي علي بتاع تكييف كويس يكون في جسر السويس او مصر الجديده
الحمدلله جبت العربيه اول امبارح
انا كنت اتعلمت السواقه في شهر واحد وطلعت الرخصه اول شهر فبراير ولاني عاوزه عربيه يوزد بقالي 5 شهور بدور من قبل ما اتعلم السواقه
ومن ساعه ما عملت الرخصه لحد امبارح مسوقتش اي عربيه خالص
في الكورس الحمدلله كنت ممتازه جدااااااا والمدرب كان مبسوط مني لاني سوقت من اول حصه ومشيت في جسر السويس هو بصراحه مدرس شاطر لانه ضحك عليا وخلاني كسرت حاجز الخوف الي جوايه من غير ما اشعر
ومشيت في جسر السويس وصلاح سالم وطريق اسماعليه الصحراوي وطلعت كباري بس وهي رايقه
مكنتش بخاف خالص وفي ثقه لدرجه اني كنت بمشي علي الرابع وهو الي كان يقولي هدي شويه
المهم جبت العربيه الحمد لله وفجاءه بقيت بطه بلدي
فعلا والله
من ساعه ما جبت العربيه وهي مركونه حتي اول يوم جبتها مركبتهاش بابا هو الي جبهالي من الشهر العقاري وكان عندي مشوار روحت بتاكسي
امبارح الحمدلله نزلت بيها ومشيت شوايه تقريبا نص ساعه كنت خايفه جدااااااا
اولا خوف علي العربيه ثانيا خوف من الناس والزكاء الخارق الي بنقابله
بس برضو دورت العربيه ومشيت تمام ودخلت شارع ضيق رجعت بظهري الحمدلله وطلعت مطبات وهديت واخدتها بالراحه وغيرت اول وثاني ومش اكثر من كدا مقدرتش امشي علي الثالث بس كل دا داخله المنطقه الي ساكنه فيها مخرجتش علي طرق خالص
وبليل نزلت مع بابا برضو جمب البيت مع العلم ان الكورس كان كله بليل ماعدا حصه الركنه فامتعوده علي سواقه بليل
بس وانا ماشيه مع بابا دخلت في حته النور كان قاطع وكمان لاقيت الكشافات فجاءه فصلت
كنت في منتهي الرعب وحاسه اني مش شايفه حاجه مع ان نظري كويس جدا
لاقيت نفسي بتلخبط في الغيارات مع اني عارفه المور امته والاول امته والثاني امته
بحس كمان ان العربيه سريعه يعني ببقي عاوزه امشي حته صغيره بلاقي نفسي ماشيه حتي كبيره
بشوف ناس في الزحمه ماشيه تاته تاته حاسه اني مش هقدر اعمل كدا ياريت تقولولي بتتعمل ازاي
كمان باخد وقت علي ما اطلع بالعربيه زي ما المدرب قالي
ادي الاولاني وبعدين احط رجلي بسيط علي البنزين واشيل من علي الدبرياج سنه سنه لحد ما العربيه تتحرك اشيل رجلي واخد سرعتي اغير للثاني
طبعا اشيل سنه سنه دي بحسن اني اخدت وقت حتي بابا قالي ماتطلعي يابنتي كل دا علشان تطلعي
كمان لما جيت اركن حاسه اني قريبه جدااااااااا من الرصيف نزلت ببص لاقيت اني راكنه بعيد عن الرصيف حوالي 40 سم او 50 سم
وطبعا مسافه كبيره جدا
**عاوزه شويه تعليمات منكم علشان اقدر اخرج بالعربيه لحد دلوقتي مركونه تحت البيت مش معقوله اجيب عربيه واسيبها تحت البيت واروح الشغل بتاكسي
من فضلكم قولولي اعمل ايه علشان اكسر حاجز الخوف جوايه من تاني واقدر امشي علي طرق
وعيب بخاف مقدما لحد يكسر عليا او يعمل اي حركه غبيه تخليني البس في اي حاجه
كمان عيبي ببص في المرايات كتير اووووي بركز في الي ورايه اكثر مع اني عارفه ان دا غلط
بجد خايفه ومرعوبه جدااااااااااااا بالله عليكم تفودوني
**العربيه الي جبتها نظيفه جداااااااااا الحمدلله بس الشاب الي اشترتها منه كان مهمل شويه في حاجات مكنش بيهتم بيها بما انه بيسوق كويس بس بما اني جديده لازم كل حاجه تبقي شغاله مظبوط
زي الانوار والاشارات والموضوع كله فيوزات جبتها ب 6 حنيه مش قصه يعني
وطلع حاجه اسمها كتاوت محتاجه تتغير لانه اصرت علي اللمض والفيوزات جبتها وهغيرها انهارده ان شاء الله
عاوزه اعرف ايه الحاجات الي لازم تتغير او تتظبط قبل ما اخرج علي الطرق
اصحابي قالولي سريعا كدا الفلاتر بس عاوزه اعرف فلاتر ايه وبتتعمل عند الكهربائي ولا الميكانيكي
وياريت تقولولي علي بتاع تكييف كويس يكون في جسر السويس او مصر الجديده
Comment