سؤال لمحترفى القيادة، الحركة دى ازاى بتتعمل ؟؟؟

[A.Roushdy]

طبعا اكيد كتير مننا شاف الاعلان التحفة اللى نزلته فولكس عن احتفال بلادها بالفوز بكاس العالم

https://www.youtube.com/watch?v=xwiOorAMQEo

وبخلاف ان حلم حياتى انى اسوق الجولف اللى فى الاعلان قبل اى عربية تانية، بصراحة عربية مجرمة

فى كذا حركة اتعملت فى الاعلان مش فاهم اصلا ازاى ممكن تتعمل

لكن فى حركة واحدة معلقة معايا نفسى بجد اعرف بتتعمل ازاى

وهل محتاجة عربية مانيوال ولا اوتوماتيك ولا مش بتفرق

وطبعا انا عاوز اعرفها للعلم بالشى مش اكتر اكيد مش هكون ناوى اعملها بالاوطوموبيل اللى انا بسوقه
الحركة فى الفيديو من الثانية 9 للثانية 11 تقريبا

اللى هى بتكون فىيها العربية ماشية بضهرها وجايبة غيار مارش، وفى اقل من ثانية بتقلب وشها الناحية التانية عشان تمشى مستقيم بنفس السرعة ويمكن بسرعة اعلى

هموت واعرف ازاى اتعملت حاجة زى دى

[Adnfalcon]

تشد الهاند وتكسر الدركسيون فنفس الوقت وانت راجع بس محتاجه سرعه عاليه عشان القصور الذاتي يسعفك و تنجح الحركه دي و تعدل الدركسيون من تاني فجزء من الثانيه . دا حوار صعب ومحتاج تمرين
please don't try this at home ! هههه

[kokowasfy]

عملتها مرة و مكرتهاش تانى ابدا بس اوعدنى متجربهاش الحركة خطيرة جدااا و فى ثوانى كدا تفقد السيطرة تماما على العربية اول حاجة تمشى 80 الى 100 ارفع الهاند و اكسر سنة صغيرة يمين هتلاقى العربية عومت بعد كدا اكسر كلو شمال النحية التانية و لم بسرعة كبييير الدركسيون و هية بتلف هتلاقى العربية كدا مشيت بضهرها بل دفع الذاتى و بسرعة اكسر اى اتجاة انتا عاوزة هتلاقية ردت الناحية التانية و عدلت نفسها انا عملتها و كنت هموت متجربهاش و الحركات دى ادمان انا كنت مدمنها و محسوبك قلبو ميت يعنى انت لو بتعملها و فى لحظة خفت او دوست فرامل هتتقلب يا كبير

[A.Roushdy]

تشد الهاند وتكسر الدركسيون فنفس الوقت وانت راجع بس محتاجه سرعه عاليه عشان القصور الذاتي يسعفك و تنجح الحركه دي و تعدل الدركسيون من تاني فجزء من الثانيه . دا حوار صعب ومحتاج تمرين
please don't try this at home ! هههه

لا مش فاهم معلش
انا لو طبقت كلامك و شديت الهاند وكسرت الدكسيون كله العربية هتغير اتجاهها فعلا وهتمشى العكس بقوة القصور الذاتى لما كانت راجعا لورا
لكن ازاى هيفضل ماشى كدة من غير ما يقلب على اول او تانى لانه هيكون لسه ماشى على المارش

ولو هيجيب اول او تانى بعد لما يعدل العربية، ازاى هيلحق يكسر الدركسيون كله ويرجعه تانى ويشد الهاند وينزلها تانى ويغير الفتيس على نقله مختلفة عن المارش فى اقل من ثانيتين ؟

ازى هيلحق يعمل كل دة اصلا فى الوقت دة

[A.Roushdy]

عملتها مرة و مكرتهاش تانى ابدا بس اوعدنى متجربهاش الحركة خطيرة جدااا و فى ثوانى كدا تفقد السيطرة تماما على العربية اول حاجة تمشى 80 الى 100 ارفع الهاند و اكسر سنة صغيرة يمين هتلاقى العربية عومت بعد كدا اكسر كلو شمال النحية التانية و لم بسرعة كبييير الدركسيون و هية بتلف هتلاقى العربية كدا مشيت بضهرها بل دفع الذاتى و بسرعة اكسر اى اتجاة انتا عاوزة هتلاقية ردت الناحية التانية و عدلت نفسها انا عملتها و كنت هموت متجربهاش و الحركات دى ادمان انا كنت مدمنها و محسوبك قلبو ميت يعنى انت لو بتعملها و فى لحظة خفت او دوست فرامل هتتقلب يا كبير

لا اكيد مش هعملها اخاف بصراحة على نفسى وعلى العربية
وخصوصا ان مصر مفهاش شوارع يتعمل فيها الحوارات دى
بس على كدة الموضوع دة مينفعش انه يتعمل الا فى عربية مانيوال عشان تمور قبل ما تقلب اتجاه العربية، لان الاوتوماتيك يتطلب منك تدوس فرامل قبل ما تحرك عصاية الفتيس لاى نقله غير الى انت عليها

[Sameh samy]

العربيات بتاعة الدرفت بيتجهز ليها هاند بريك عصاية طويلة جنب الدركسيون والزرار ملغي لسرعة شد الهاند بريك ورجوعها وسرعة العربية بتحدد كبر وصغر اللفة والدركسيون بيحدد الاتجاة واي حد يعملها بالهاند بريك العادية بس الزرار هيعاكسو شوية وموش هايعرق يعمل 4 او همس حركات ورا بعض

[Sameh samy]

وعلي فكرة بتتعمل في الانوماتيك عادي

[Adnfalcon]

لا مش فاهم معلش
انا لو طبقت كلامك و شديت الهاند وكسرت الدكسيون كله العربية هتغير اتجاهها فعلا وهتمشى العكس بقوة القصور الذاتى لما كانت راجعا لورا
لكن ازاى هيفضل ماشى كدة من غير ما يقلب على اول او تانى لانه هيكون لسه ماشى على المارش

ولو هيجيب اول او تانى بعد لما يعدل العربية، ازاى هيلحق يكسر الدركسيون كله ويرجعه تانى ويشد الهاند وينزلها تانى ويغير الفتيس على نقله مختلفة عن المارش فى اقل من ثانيتين ؟

ازى هيلحق يعمل كل دة اصلا فى الوقت دة

اكيد وانت بتعدلها هتجيب اول

[iNjECTOR]

انظمة التعليق للعربية كمان ليها دور كبير فى الموضوع ده
النيسان عربية محترمة ومتهيقلى انها ممكن تعمل كده بس انا شايف ان ده حرام
ربنا يحافظلك عليها

[mahmoud_ali]

كلها مسئلة تمارين وامكانيات عربيه

[A.Roushdy]

انظمة التعليق للعربية كمان ليها دور كبير فى الموضوع ده
النيسان عربية محترمة ومتهيقلى انها ممكن تعمل كده بس انا شايف ان ده حرام
ربنا يحافظلك عليها

لا انا استحالة اعمل كدة، دة ان ابويا ينفوخنى
وميجليش قلب بصراحة :d

[A.Roushdy]

العربيات بتاعة الدرفت بيتجهز ليها هاند بريك عصاية طويلة جنب الدركسيون والزرار ملغي لسرعة شد الهاند بريك ورجوعها وسرعة العربية بتحدد كبر وصغر اللفة والدركسيون بيحدد الاتجاة واي حد يعملها بالهاند بريك العادية بس الزرار هيعاكسو شوية وموش هايعرق يعمل 4 او همس حركات ورا بعض

انا فعلا بشوفها فى عربيات السباقات بتكون الهاند طويلة اوى كدة جنب السواق
وكمان بتكون عصاية الفتيس برضو طويلة علشان يقدر يوصلها بسهولة

[amrelsaqqa]

هى بتمشى مرشدير بسرعة وبعدين تشد هاند عادى جدا الفكرة في انك تعرف السرعة المناسبة وتوقيتات ودرجة كسر الدركسيون ولحظة ما تجيب الغيار الامامى اللى تخلى العربية تلف 180 درجة بالظبط وبعدين تبطل لف وتكمل مشى

[تامر.محمد]

بعيدا عن الحركة , الاعلان تحفة :))))

[MohammedAladel]

العربية فى الحالة دى بتكون مش واخدة غيار