خايفه اسوق عربيتي

[Dr-walaa]

السلام عليكم ورحمة الله وبركاته


انا جبت لانوس زيرو والمفروض انزل امشي بيها عشان اتعود عليها وعلى السواقه قبل ما اطلع الرخصه


بس انا خايفه امشي بيها تتخبط او تتجرح



العربيه بتاعتي وبفلوسي وصممت ان بابا ميدفعش فيها فلوس بالرغم انه كان مصمم بس عشان لو لا قدر الله اتخبطت مزعلش على فلوس بابا


بس بردوا خايفه عليها

انا اتدربت على السواقه على عربية اختى فيات

لكن مش معقول بعد ما جبت عربيه جديده انزل اكمل تدريب على عربيتها

هى مش هتمانع بس ميصحش طبعا

مش عارفه اعمل ايه بقول ياريتني ما جبت جديد

بس انا مكنش حل قدامي غير الجديد لان المستعمل اللي شفته مكنش كويس



اعمل ايه انزل وخلاص

ممنوع إستخدام اللون الأحمر حيث أنه مخصص للمداخلات الإدارية
م ب 3

[Sameh samy]

انزلي بسها واختاري مواعيد رايقة والشوارع فاضية وابتدي بفترات سواقة ثليلة وهانزيد معاكي كل يوم بالتدريج
مبروك علي العربية وربنا يكفيكي شرها

[Dr-walaa]

انزلي بسها واختاري مواعيد رايقة والشوارع فاضية وابتدي بفترات سواقة ثليلة وهانزيد معاكي كل يوم بالتدريج
مبروك علي العربية وربنا يكفيكي شرها

الله يبارك فيك

المشكله ان مفيش مكان في مصر فاضي او رايق انزل اتعلم عليها :(

[Mecha]

طلعي رخصه تعليم الاول
وبعدين مع اختك ف الانوس تدربي
المفروض اختك معاها رخصه كامله
ابداي بمناطق هاديه مفيهاش مشاه و اشغالات واتحكمي ف العربيه كويس ,وثبتي المهارات الاساسيه
المرحله التاليه قياده ف المدينه والتعامل مع الاشارات و المشاه والاشغالات وفيها مجهود
المرحله الاخيره قياده في ىسرعات عاليه ١٠٠ كم/س
ودي سرعات خطر ,الخطأ ممكن يؤدي للوفاه
دايما اتذكري القياده مهارات وتعليم مش فهلوه

[Sameh samy]

ياريت حرصك علي العربية مايوصلش لدرجة الخوف وانك تلبخي نفسك عشان اللي بيخاف من العفريت بيطلعلو

[Mecha]

الاماكن الفاضيه زي المدن الجديده والاحياء تحت الانشاء
الحمد لله العربيه زيرو مفيش اعطال
ولازم التعليم يكون بالنهار

[Sameh samy]

بصي انا معرفش حضرتك ساكنة فين بس ممكن تلاقي اماكن رايقة كتير كمان المواعيد معينة وخصوصا لو يالليل متاخر وخدي بابا معاكي
سوقي العربية ببساطة ومن غير شد ولا تنشنة خالصه
لو قريبة من التجمع او اكتوبر جربي في كمبوند واسع

[Dr-walaa]

طلعي رخصه تعليم الاول
وبعدين مع اختك ف الانوس تدربي
المفروض اختك معاها رخصه كامله
ابداي بمناطق هاديه مفيهاش مشاه و اشغالات واتحكمي ف العربيه كويس ,وثبتي المهارات الاساسيه
المرحله التاليه قياده ف المدينه والتعامل مع الاشارات و المشاه والاشغالات وفيها مجهود
المرحله الاخيره قياده في ىسرعات عاليه ١٠٠ كم/س
ودي سرعات خطر ,الخطأ ممكن يؤدي للوفاه
دايما اتذكري القياده مهارات وتعليم مش فهلوه

الحمد لله اختي معاها رخصه وبقت تمشي بعربيتها

يعني اخلي اختي تنزل معايا في اللانوس صح


نفسي الاقي مناطق هاديه في مصر مش لاقيه خالص للاسف

[Dr-walaa]

ياريت حرصك علي العربية مايوصلش لدرجة الخوف وانك تلبخي نفسك عشان اللي بيخاف من العفريت بيطلعلو

ربنا يستر

[Dr-walaa]

الاماكن الفاضيه زي المدن الجديده والاحياء تحت الانشاء
الحمد لله العربيه زيرو مفيش اعطال
ولازم التعليم يكون بالنهار

اوك وربنا يسهل

[ENG.MaRk]

جمدي قلبك و انزلي و ماتخافيش لو اتجرحت أو حصل حاجة مش مشكلة ... الكلام ده كله وارد يحصل و هي مركونة تحت البيت ... الله الموفق و المستعان

[Dr-walaa]

بصي انا معرفش حضرتك ساكنة فين بس ممكن تلاقي اماكن رايقة كتير كمان المواعيد معينة وخصوصا لو يالليل متاخر وخدي بابا معاكي
سوقي العربية ببساطة ومن غير شد ولا تنشنة خالصه
لو قريبة من التجمع او اكتوبر جربي في كمبوند واسع

انا في فيصل ومشفتش مكان فاضي فيه

مقدرش بصراحه اخد بابا لانه بيوترني جامد وهو قاللي كده

بيبقى خايف عليا بشكل فظيع

ومره ركبت معاه عربيته وقلت اسوقها قدامه مكملتش الطريق ونزلت منها وحلفت مش ركباها تاني بسبب توتره

[Dr-walaa]

جمدي قلبك و انزلي و ماتخافيش لو اتجرحت أو حصل حاجة مش مشكلة ... الكلام ده كله وارد يحصل و هي مركونة تحت البيت ... الله الموفق و المستعان

يارب يا مسهل

[Sameh samy]

السواقة مع الاب فعلا صعبة
طالما ساكنة في فيصل يبقي الحقي اركبي العربية لان العربية هاتتجرح لوحدها وهي واقفة وبصراحة مانصحكيش تجربي سواقة في فيصل في الوقت الحالي وممكن تجربي في حدايق الاهرام وممكن صحراوي وممكن اكتوبر وزايد

[Dr-walaa]

السواقة مع الاب فعلا صعبة
طالما ساكنة في فيصل يبقي الحقي اركبي العربية لان العربية هاتتجرح لوحدها وهي واقفة وبصراحة مانصحكيش تجربي سواقة في فيصل في الوقت الحالي وممكن تجربي في حدايق الاهرام وممكن صحراوي وممكن اكتوبر وزايد

انا حطاها في جراج من اول ما جبتها

انا على فكره سقت بعربية اختى وسط الشوارع وطلعت ونزلت كباري وسط الزحمه

بس لسه مسقتش بتاعتي

اكتوبر وزايد مناطق بعيده اوي مش هعرف اروحها