مشكلة عويصة اعمل ايه

[drmona]

عندي مشكلة عويصة محتاجة تقترحوا علي حلول ليها انا اتعلمت السواقة على خفيف كده في مدرسة خاصة يعني بعرف اطلع بالعربية و اقف و ارجع مارشدير و مشيت شوية في الشوارع بس ده كان من فترة طويلة المشكلة اني معنديش فرصة لممارسة القيادة لان مش عندي عربية و الاهل رافضين اني اجيب عربية غير لما اخد الرخصة ... حاولت اروح مدرسة المرور و اتعلم عشان اخد الرخصة و خلصت الكورس بس لسه مش عارفة اعدي الاقماع و لسه بحاول بس مش واضح ان فيه اي تقدم . المدرب بيقول لي ان مشكلتي التوتر و اني بتلخم و افقد التركيز و اعتقد كده انه مش هينفع ادخل امتحان و لا اطلع رخصة و في نفس الوقت معنديش حد ممكن يظبطني و بصراحة مستحرمة اخدها بالواسطة او الرشوة و انا مش بعرف اسوق .. و عموما انا ناوية اني اسوق اتوماتيك مش مانوال بس مش عارفة هل كده اصلا ينفع اسوق من اساسه و لا محاولش تاني و هل في حد كان زيي كده و اتعلم و بقى يسوق كويس بعد كده ؟؟؟ انا اتبهدلت بما فيه الكفاية في المواصلات و التكاسي و مش متخيلة افضل طول عمري اركب مواصلات او اعتمد على غيري عشان يوصلني ... افيدوني افادكم الله

[Adnfalcon]

في مدارس تعليم علي عربيات اوتو هتكون مناسبه ليكي عشان الأوتو مش هيلخبطك و هيخليكي مركزه مع الطريق . . أعتقد دا حل مناسب وربنا يرحمك من المواصلات

[ibrahimahmed]

متهيالى افضل حل المدارس الخاصة لان هايبقى بالهم طويل لانهم بياخدو فلوس .... وبخصوص الاوتوماتيك فهو اكيد افضل من المانيوال بالنسبالك

[gem]

عندي مشكلة عويصة محتاجة تقترحوا علي حلول ليها انا اتعلمت السواقة على خفيف كده في مدرسة خاصة يعني بعرف اطلع بالعربية و اقف و ارجع مارشدير و مشيت شوية في الشوارع بس ده كان من فترة طويلة المشكلة اني معنديش فرصة لممارسة القيادة لان مش عندي عربية و الاهل رافضين اني اجيب عربية غير لما اخد الرخصة ... حاولت اروح مدرسة المرور و اتعلم عشان اخد الرخصة و خلصت الكورس بس لسه مش عارفة اعدي الاقماع و لسه بحاول بس مش واضح ان فيه اي تقدم . المدرب بيقول لي ان مشكلتي التوتر و اني بتلخم و افقد التركيز و اعتقد كده انه مش هينفع ادخل امتحان و لا اطلع رخصة و في نفس الوقت معنديش حد ممكن يظبطني و بصراحة مستحرمة اخدها بالواسطة او الرشوة و انا مش بعرف اسوق .. و عموما انا ناوية اني اسوق اتوماتيك مش مانوال بس مش عارفة هل كده اصلا ينفع اسوق من اساسه و لا محاولش تاني و هل في حد كان زيي كده و اتعلم و بقى يسوق كويس بعد كده ؟؟؟ انا اتبهدلت بما فيه الكفاية في المواصلات و التكاسي و مش متخيلة افضل طول عمري اركب مواصلات او اعتمد على غيري عشان يوصلني ... افيدوني افادكم الله

اولا مفيش حاجة اسمها انك مش هتعرفي تسوقي
ثانيا المشكلة تتلخص في انك عايزة تتعلمي بسرعة و او بالمعني الاصح بتمشي بالعربية بسرعة وبالتالي مش هتعرفي تعدي من الاقماع فلازم المشي بالعربية يكون بطئ جدا في الاول لحد لما تتعلمي

[drmona]

اولا مفيش حاجة اسمها انك مش هتعرفي تسوقي
ثانيا المشكلة تتلخص في انك عايزة تتعلمي بسرعة و او بالمعني الاصح بتمشي بالعربية بسرعة وبالتالي مش هتعرفي تعدي من الاقماع فلازم المشي بالعربية يكون بطئ جدا في الاول لحد لما تتعلمي

فعلا هي دي المشكلة مكنتش بعرف اتحكم في سرعة العربية فكانت بتجري مني و معرفش اوجهها صح بين الاقماع بحاول حاليا اتدرب تاني و امشي بالراحة و ببطء

[gem]

فعلا هي دي المشكلة مكنتش بعرف اتحكم في سرعة العربية فكانت بتجري مني و معرفش اوجهها صح بين الاقماع بحاول حاليا اتدرب تاني و امشي بالراحة و ببطء

عشان تعدي الاقماع وتتدعيلي خلي المشي بطئ لدرجة كبيرة وطبعا في الاول هتزهقي من المشي اللي بالراحة بس هوه ده الصح وبعد كده هتلاقي الموضوع بقي سريع لوحده

[drmona]

عشان تعدي الاقماع وتتدعيلي خلي المشي بطئ لدرجة كبيرة وطبعا في الاول هتزهقي من المشي اللي بالراحة بس هوه ده الصح وبعد كده هتلاقي الموضوع بقي سريع لوحده

الحمد لله دخلت الامتحان النهاردة و نجحت و خلاص هطلع الرخصة ان شاء الله

[ام حنين وجودى]

مبرووووووووووووك ادعيلى لاحسن الدبرياج مطلع عينى

[samihanwar]

نصيحه السواقه عاوزه قلب ميت وجامد وهتلاقى نفسك زى السكينه فى البطيخه
وتقبل مرورى
بس خلى بالك لازم تاخد بالك وتكون مركزز ومصحصح

[مش فاكر]

زى باقى الاعضاء ما قالو ان الاوتو هتكون اسهل و بمعنى اوضح تعامل معاها سهل فا دا بيقلل نسبه التوتر و الخوف من كل رد فعل انتا بتعملو طبيعى عند ناس انهم يخافو و يتوترو من حاجا بيعملوها لاول مره بس الصح انك تعرف ايه الحاجات البتخوفك بظبط و تفكر فيها بشكل عقلانى يوصلك ان يكون عندك سبب او دافع تتغلب عليها و حاول لما تركب العربيه حس اكنت بتركب لعبه بسيطه او حاجا بتتمتع بيها و بتلعب روح بيها يمين و شمال و لف لحد ما الخوف يروح و وقتها ابقا اكيد تحط فى دماغك انها اكتر من لعبه :v

[ٍٍSara Khattab]

عندي مشكلة عويصة محتاجة تقترحوا علي حلول ليها انا اتعلمت السواقة على خفيف كده في مدرسة خاصة يعني بعرف اطلع بالعربية و اقف و ارجع مارشدير و مشيت شوية في الشوارع بس ده كان من فترة طويلة المشكلة اني معنديش فرصة لممارسة القيادة لان مش عندي عربية و الاهل رافضين اني اجيب عربية غير لما اخد الرخصة ... حاولت اروح مدرسة المرور و اتعلم عشان اخد الرخصة و خلصت الكورس بس لسه مش عارفة اعدي الاقماع و لسه بحاول بس مش واضح ان فيه اي تقدم . المدرب بيقول لي ان مشكلتي التوتر و اني بتلخم و افقد التركيز و اعتقد كده انه مش هينفع ادخل امتحان و لا اطلع رخصة و في نفس الوقت معنديش حد ممكن يظبطني و بصراحة مستحرمة اخدها بالواسطة او الرشوة و انا مش بعرف اسوق .. و عموما انا ناوية اني اسوق اتوماتيك مش مانوال بس مش عارفة هل كده اصلا ينفع اسوق من اساسه و لا محاولش تاني و هل في حد كان زيي كده و اتعلم و بقى يسوق كويس بعد كده ؟؟؟ انا اتبهدلت بما فيه الكفاية في المواصلات و التكاسي و مش متخيلة افضل طول عمري اركب مواصلات او اعتمد على غيري عشان يوصلني ... افيدوني افادكم الله

لو اتعلمتي على اوتو بس دلوقتي هيطلع عينك بعد كده لو بدأتي تتعلمي مانيوال
الحل يا تشوفي حد تعرفيه عنده عربيه مانيوال وتاخديها منه تسوقيها ساعتين كده في اليوم ولا حاجه اسبوع واحد وتبقي فله وطبعا صاحب العربيه يكون معاكي :d
الحل التاني بقى مكلف شويه لو الاولاني مش متوفر هو انك تأجري عربيه كام يوم و تاخدي حد بيفهم كويس في السواقه معاكي و تمشي بيها بقى على قد ما تقدري لحد ما تلاقي نفسك تمام ادخلي الامتحان
و الحاجه الوحيده اللي لاحظتها في سواقة البنات وكده في مصر الخوف
فعلا نطي ومتخافيش و جمدي قلبك شويه وهتبقي تمام
لو قريبه مني انا ممكن انزل معاكي معنديش مشكله لو قريبه من حلوان او اكتوبر