اللوجان بتبطل مني

[sarawahdan]

السلام عليكم
انا جديدة في السواقة وعندي عربية نيو لوجان مانيوال انا الحمد لله بقيت بسوق تمام بس لسة عندي مشكلة كبيرة مش عارفة احلها هي ان عربيتي كل شوية لو وقفت بيها في اي حتة واجي اتحرك بيها لازم تبطل مني وارجع اشغلها تاني طبعا بوقف صف ورايا وهاتك يا تزمير وتلقيح كلام وقلة ادب والمصيبة الاكبر بقي لمي اقف بيها علي مطلع كوبري بتبقي الطامة الكبري بعد كل خطوطين تبطل مني وترجع لورا لحد مالورايا دمه ينشف
محدش يقوللي موضوع الهاند بريك ده علشان انا جربته ووترني اكتر انا جربت اني اشيل رجلي من علي الدبرياج واحدة واحدة لحد مالعربية ترعش بعد كدة احط رجلي علي البنزين واتحرك بس برضه لسة مش عارفة اظبط رجلي علي الدبرياج دايما بشيلها زيادة عن اللزوم وتفصل اعمل ايه ؟

[J A G U A R]

التبطيل العادى ده عاوز تعود وممارسه لغايه ما تتمكنى كويس فى الطلعه
يعنى فى يوم بدرى كده ومكان فاضى ومع نفسك لغايه ما تتمكنى ويبقى عندك ثقه ف نفسك فى الطلعه علشان ميحصلش توتر والعربيه تبطل ومتحطيش فى دماغك اى زمامير او شتايم علشان متتوتريش

ومطلع الكوبرى ده برضه عاوز تعود وممارسه
كل الحكايه بتزودى بنزين شويه علشان العربيه متبطلش وتقدر تطلع

ولما العربيه ترجع هو أحسن حل ترفعى الهاند ده لو المطلع جامد والعربيه بترجع جامد للخلف بس هو برضه عاوز تجربه

و فى حل تانى تدوسى فرامل مع الدبرياج والعربيه ماشيه على الاول

بس هو الاساس واهم حاجه تتمكنى فى الطلعه ولو فهمتى الوقت اللى بتدوسى فيه بنزين وترفعى دبرياج هاتبقى المشكله اتحلت خالص

[pepo2011]

الموضوع دا تعود بس وتظبيط حساسية الرجل البنزين مع الدبرياج
هاتتظبط بمرور الوقت