خايف اسوق العربيات الحديثة

[الشاوري]

ممكن حد يفهمني ، يشجعني ... خايف من سواقة العربيات الحديثة مش شايف ابعاد السيارة الامامي ..هي كده ؟؟ ولا انا اللي غبي مش عارف ..كنت بسوق كل العربيات القديمة زي الفل اما ركبت الالنترا والكيا سيراتو والاوبل استرا كل عربية سوقتها مرة وحدة مش شايف اي ابعاد امامي حاسس اني هتشنبر اما اجي اركن العربية او اعدي من عربية واقفة ..

[eng_amg]

يوم سواقة وحتتعود. كلنا كنا سايقين فيات 132 - 131 - 128 - 127 وحتى الفولفو والبيجو والمرسيدس كنا بنشوف الكبوت والشنطة. بس لما غيرنا أتعودنا.

[hugan]

هاتتعود مع الممارسه

[الشاوري]

يوم سواقة وحتتعود. كلنا كنا سايقين فيات 132 - 131 - 128 - 127 وحتى الفولفو والبيجو والمرسيدس كنا بنشوف الكبوت والشنطة. بس لما غيرنا أتعودنا.

اشكرك على ردك والتوضيح

[الشاوري]

هاتتعود مع الممارسه

اشكرك على المرور وردك الطيب

[J A G U A R]

هو فعلا الابعاد فى العربيات الحديثه بتبقى اصعب من القديم علشان تقريبا مش بتشوف الكبوت وانت سايق وبتعتمد فى الحاله دى على تقدير المسافه وبالممارسه هاتبقى سهله جدا

[marwanragab]

واحدة واحدة هتفك والدنيا هتظبط معاك متقلقش

[adelghanem]

كلنا كنا كده
وحتتعود يعنى حتتعود

[yasser100]

عادى يا ريس . كلنا سوقنا القديم و عارفينه و اول ما سقت الحديث سوقت السزوكى سويفت فى التسعينات . مش شايف الكابوت نهاااائى . و بعد كده كأنى سايق 128 .

[amr_8800]

يا باشا مشووار ولا اتنين لغاية متحفظ ابعاد العربيه
بعد كده كله هيبقا تمام

اي حد بيسوق عربيه اول مره يسوقها لازم يحس الاحساس ده
بعد كده بيتعود

[Ahmed Tarek 00]

ممكن حد يفهمني ، يشجعني ... خايف من سواقة العربيات الحديثة مش شايف ابعاد السيارة الامامي ..هي كده ؟؟ ولا انا اللي غبي مش عارف ..كنت بسوق كل العربيات القديمة زي الفل اما ركبت الالنترا والكيا سيراتو والاوبل استرا كل عربية سوقتها مرة وحدة مش شايف اي ابعاد امامي حاسس اني هتشنبر اما اجي اركن العربية او اعدي من عربية واقفة ..

[gdwl]من وجهة نظرى المتواضعة احلى عربية أبعادها واضحة جدا جدا جدااااااااااااا هيا "الفيرنا" [/gdwl]