مشكلتين مش لاقيلهم حل

[محمد الدون]

انا الي حد ما مبتدا سواقة عندي مشكلتين نفسي الاقيلهم حل قبل اي حاجة انا عربيتي دايو لانوس
المشكلة الاولي هي اني مبعرفش اخد يو تيرن خاصة لما العربيات بتقف لازم العربية تقعد تنتش و تقوم مبطلة انا عايز اعرف ازاي اخد يو تيرن صح هل بالدبرياج بس ؟؟ولا ايه
المشكلة التانية ان لما بنقل غيار و بتبقا رجلي عل الدبرياج بشيلها سنة سنة مع سنة بنزين برضو بتنتش
ولو شيلتها مرة واحدة بتنتش اكتر
هما دول اكتر مشكلتين
انهارده كانت اول تجربة حقيقية للسواقة انا سقت علي طريق الواحات بس اليوتيرن جيت اخدة الطريق كلة وقف وانا احبط نفسيا و توترت حد يقولي اعمل ايه ؟؟

[amr011111]

الموضوع مش مشكله يوتيرن الموضوع ان العربيه وهى على سرعه بطيئه بتبقى هتفصل منك وده حله انك تقف فى طريق فاضى طوالى وتتعلم تطلع بالعربيه لمده متر وتقف وتطلع وتقف لحد ما تتقن الموضوع ده وساعتها العربيه مش هتنتش منك ولا هتفصل
ازاى بقى تخلى العربيه متفصلش منك معظم الناس اللى بتعلم السواقه تقولك مقدار ما تشيل رجلك من الدبرياج دوس بنزين فانت بتقعد تشيل رجلك من على الدبرياج للاخر كل لما تدوس بنزين
الصح انك دروت العربيه وهى مموره فبتدوس دبرياج للاخر وتجيب الاول وبعدين تشيل رجلك سنه سنه من على الدبرياج وبنفس الوقت تدوس بنزين العربيه ابتدت تتحرك متشيلش رجلك من على الدبرياج خليك دايس دبرياج بمقدار انك رافعه تلتين اول لما العربيه تاخد سرعتها ابقى شيل رجلك من على الدبرياج
فى اليوتيرن بتبقى انت ماشى فى طريق طوالى المفروض هتدوس فرامل ودبرياج وتنقل عالتانى او الاول وترفع رجلك سنه بسيطه من على الدبرياج وتثبت رجلك مع الدوس على البنزين
اللى هيخلى العربيه متفصلش منك هو الدبرياج حسيت انها هتنتش تدوس دبرياج اكتر وبالتوفيق

[محمد الدون]

شكرا للتوضيح
بس المشكلة عندي هيا اني لما باخد يوتيرن و العربيات تقف قدامي بفضل ماشي صح لغاية ما تيجي عند اللفة بشيل رجلي سنة سنة من ع الدبرياج و بسند بالبنزين سنة بسيطة بلاقي العربية بتترعش و تنتش و تقف

[م أحمد]

ال Uturn تاخده و العربية مهدية لاقصى درجة ...يعنى ممكن تقف خالص (الافضل حاليا) لو حابب بدون مشكلة مع اللى وراك

- تكسر الدريكسيون بالكامل و بعد كدة تتحرك و تزود السرعة مرة تانى

- لازم يكون فيه مسافة فاصلة قدر ذراعين مثلا مع الرصيف علشان و انت بتلف آخر العرية ما يخبطش فى الرصيف

- تشغل الاشارات و اللى مستعجل سيبك منه