إعـــــــلان

Collapse

.

,
See more
See less

عايز أصنع عربية

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    عايز أصنع عربية



    أيوة مستغربين ليه

    دي أمنية من أماني حياتي إني أصنع عربية

    عربية بجد وتتركب وتبقى مريحة وفيها كل اللي محتاجينه ( مش كل أوي يعني )

    كل ما أشوف عربية تصميمها حلو كده أقول يا سلااااااااام لو دي نصنعها في مصر

    على العموم انا هأقولكم على اللي نفسي فيه وانتوا أحرار بقى

    1- عربية تكون مصرية بنسبة سبعين في المائة فما فوق

    2- مصنوعة من مواد مقاومة لعوامل البيئة مثل الاستانلس استيل والالأمونيوم المعالج والتيتانيوم وكده يعني

    4- يكون تصميمها قوي ومتزنة وصغير من الخارج لكن من الداخل وااااسعة ( وسعت دي مني مش كده ) يعني زي السيارات الأمريكية القديمة اللي مركز الثقل فيها منخفض جدا وده بيخليها حتى لو الإطارات إنفجرت ما تنقلبش

    5- إطاراتها صغيره علشان تبقى رخيصة ونستبدلها لما نحب مش نيتنى لما تتمسح نهائيا ونعرض نفسنا للخطر وتكون الإطارات مدفونة في السيارة بحيث يكون مركز الثقل منخفض جدا جدا

    6- بتتحرك عن طريق مواتير كهرباء ( طبعا لأن ده تخصصي ) يعني كل إطار عليه موتور يشتغل عن طريق بطاريات من النوع الجاف اللي بتركب في الكمبيوترات المحمولة وتكون البطاريات مستخبية في جسم السيارة من جميع الجهات بحيث تمتص جزء من الصدمات في حالة الحوادث

    7- ويكون الموتور الكهربائي بيشتغل كمولد كهرباء لإسترجاع القدرة أثناء الضغط على دواسة الفرامل وكمان علشان يساعد في عملية التوقف يعني تبقى الفرامل جزئين كهربية وميكانيكية

    8- تكون فيه خلايا شمسية متركبة على جسم السيارة بطريقة ماشية مع شكل السيارة بحيث تساعد في شحن البطاريات

    9- يكون فيه موتور بنزين صغنوووون يعني ثلاثماة سي سي أو أكبر قليلا وده هيشغل الدينامو الرئيسي اللي هيشحن البطاريات في جميع الأوقات ويتم التحكم في عمله أتوماتيكيا عن طريق دائرة كهربية حتى لو السيارة غير مستخدمه

    مش لازم بقى الموتور يشتغل بالغاز كفاية إنه يكون بيشتغل بالبنزين لكن حالتة حلوة وموفر في الإستهلاك

    10 - أنا بأفكر أعملها إتنين باب لكن الباب يكون طويل للخلف بحيث اللي هيركب في الكنبة الخلفية ما يحتاجش قوي إن الراكب الأمامي ينزله الأول ودي شفتها في سيارة فورد قديمة إنما إيه تحفة

    11- تكون الكراسي مضغوطة ومش واخدة غير جزء صغييييييييييير من حجم السيارة الداخلي وطبعا مكسوة بالجلد الطبيعي بلون السيارة الداخلي

    12- بأفضل إن السيارة تكون هاتش باك لكن مش ظهار يعني واخد شكل المرسيدس 500 الجديدة اللي بيقولوا عليها مرسيدس صابونة يعني مدية صالون على هاتش باك حاجة كوكتيل كده

    13- أكيد أكيد - إن شاء الله تعالى - هأركبلها معدات أمان لكن من النوع الغير مكلف واللي مش محتاج صيانة كتير
    يعني حزام أمان متحرك يفتح ويقفل مع أوكرة الباب ومش محتاج تدخل من الراكب
    شوية تجهيزات داخلية لإمتصاص الصدمات وكده يعني بس مش بأحب موضوع الوسائد الهوائية
    ولازم لازم يكون حزام الأمان في الكراسي الأمامية او الخلفية - خصوصا الخلفية - يكون مصمم بحيث يحتوي جسم الأطفال الصغيرين لحمايتهم من الحوادث لا قدر الله لأني مش بأحب شكل كراسي الأطفال

    14- الجسم من الخارج يكون مدعم بمصدات للصدمات تكون مرنة زي السيارات بتاعة السباق الكهربية اللي في الملاهي بحيث تمتص الصدمات وكمان ما تكسرش اللي تخبطه

    15 - جسم السيارة سميك زي السيارات الأمريكية القديمة بحيث يشيل البطاريات المنتشرة في كل جوانبه وكمان يحتوي على الفوم الصناعي الممتاز لإمتصاص الصدمات وكمان فيه مساحة لحركة زجاج الأبواب وكده

    16- شوية إنارة زينون بقى كده علشان تدي شكل حلو وإنارة قوية وما تستهلكش الطاقة

    17- لازم لازم لازم فتحة سقف

    18- لو حد عايز تكييف فأنا بأفكر أخلي كوندينسر التكييف يكون في مكان بعيد عن موتور السيارة علشان يبرد بسهولة وما يحتاجش طاقة كتير
    يعني نفس نظام الأوتوبيسات كده لكن طبعا هيكون شكلة شيك شيك شيك إن شاء الله تعالى لكن لسه تصميمة مش في دماغي دلوقتي

    19- شوية كاميرات بقى من جميع الجوانب وشاشة حلوة كده علشان الواحد يقدر يركن براحته وكمان لو حب يسوق من غير ما يبص قدامه يقدر وبكده عينه ما تتعبش من التركيز في الطريق وينعس ويعمل حادثة

    20 - طبعا فيه كاسيت ونظام صوتي وكل اللي تحلموا بيه لكن حاجات كده رقيقة وعملية


    21- أهم حاجة طبعا يكون سعرها ما يزيدش عن خمسة وعشرين ألف لحلول وقطع غيارها معمره ورخيييييصه وسهلة التغيير زي الكمبيوتر لما تحب تصلحه دلوقتي تشيل قطعة بإيدك وتركب بدالها واحدة تانية

    وفي الآخر لو صاحبها زهق منها يبيعها خردة بالكيلو وتجيبله أربعين في المائة من تكلفتها مثلا


    ع العموم أنا لسه بأدرس الموضوع وباقي المواصفات هأبقى اكتبهالكم بعدين

    تصبحوا على خير بقى

    أخوكم مهندس يوسف
    [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]
    الكلمات الدلالية (Tags): 00, 000, 0000, 10, 11, 12, 13, 14, 15, 16, 17, 18, 19, 20, 21, 26, 266, 31, 36, 38, 50, 500, 62, 626, 66, 88, blue, col, color, er, ff, goo, good, jd, li, man, od, police, r1, si, size, st, star, آخر, أب, أبقى, أبو, أتوماتيك, أخوكم, أربع, أربعين, أركبلها, أطفال, أعملها, أفضل, أقول, أكيد, ألف, أمام, أمامية, أمان, أمريكي, أمريكية, أمنية, أهم, أوتو, أوقات, أول, إس, إستهلاك, إطار, إطارا, إطارات, إن شاء الله, إنارة, إنما, إني, إيه, اااااااا, اة, ار, اس, استا, اف, اكتب, اكتبه, الأبواب, الأطفال, الأم, الأمامي, الأمامية, الأمان, الأمر, الأمريكي, الأمريكية, الأوقات, الأول, الإستهلاك, الإطار, الإطارات, الاس, الاستانلس, الباب, البط, البطاريات, البنزين, البيئة, الت, التحكم, التركيز, التغيير, التكييف, التو, التوقف, التي, التيتانيوم, الجاف, الجديد,
  • #2
    طلباتك بقت صعبة قوى يا أستاذ (طارق) قصدى يوسف ، بص حضرتك لو نجحت فى عمل العربيه دى أنا أول زباينك ربنا يكرمك ويوفقك

    Comment

    • #3
      1) عربية بالمواصفات دي مش ممكن تكون بالسعر ده
      2) تصميم عربية من الألف للياء محتاج عدة تخصصات هندسية تعمل في فريق عمل بإدارة واحد دماغه ذرية.
      3) عدة سنين من الاختبار والتطوير والتحسين
      4) عدة ملايين من الجنيهات (مبلغ بسيط).

      كل المذكور اعلاه موجود عندنا بالفعل بس مفيش اللي يجمعه مع بعضه ويعمل مشروع حقيقي لأن كل "مجمعين" العربيات في مصر همهم يجمعوا ويبيعوا ويكسبو فقط يعني تجارة وبس.

      بس أحييك على طموحك ...
      [COLOR="#2d26e3"][SIZE="7"][marq="3;right;3;scroll"]لا تقل: يا رب لي هم كبير ........... بل قل: يا هم لي رب كبير.[/marq][/SIZE][/COLOR]

      Comment

      • #4
        بجد يابشمهندس
        إنتا بررررنس ماشاء الله تفكيرك عالي
        أنا بفكر بس ف حاجة تانية
        عاوز بودي عربية زي الهيمي أو الكامارو القديمة (موش عارف دي ينفع تدخل أصلآ ولا ماتنفعش ولاموجودة)
        وأشتغل ف تعديل كل جزء من البداية
        من بودي وتنفيخ وتسقيط موتور وفتيس سبور مانيوال وعفشة جديدة ونظام تعليق بي إم وجنوط سبور ألومنيوم ونظام فرامل بabs‎‏ وتصميم فوانيس بشكل جديد بتقنية الledوتفصيل تابلوه بإنتيريور وساوند سيستم معقول ودركسيون سبور وعدادات أزرق ف أبيض وأحمر:))
        وكراسي سباركو أبيض ف أسود ف أحمر:))
        وأهم حاجة أهم حاجة
        عصاية الفتيس تبقي نيكل نقيD:
        ياااااااه حلم كبيييير
        بس موش مستحيل
        وإن شاء الله إن شاء الله
        هاحقق حلمي
        طريق المستحيل يبدأ بخطوة
        [img2]http://img41.imageshack.us/img41/9418/24864610150199419543647.jpg[/img2]
        ك/مصطفي نور

        Comment

        • #5
          عندى نفس احلامك و طموحاتك
          نصيحة لا تعتمد على تجارب شخصية
          لو عايز تبتدى فى طريق احلامك اجعل اول خطوة لك تحديد كل التخصصات التى تحتاج اليها و قم بعمل فريق بشرط ان يكون عمله ناتج عن طموحاطه و ليس مكسب مادى و يكون عميق الثقافة
          الخطوة الاهم مصدر تمويل علمى (ضعيف فى مصر ) او استثمارى (نشط بحدود فى مصر )
          اهم نصيحة : اوعى تعمل حاجة كبيرة فى حياتك علشان الناس تفتكرك و لكن اعمل كل حاجة فى حياتك حبا فى الله
          ادرس اكتر
          ابحث اكتر
          ركز
          اوعى تفرح باى نتجة توصلها لان الى بيوصل لحاجة و يفرح بيها بيوقف عندها
          مهما توصل تواضع
          صارغ الزمن لاننا اتاخرنا فى كل حاجة بسبب الركود العقلى و العلمى

          Comment

          • #6
            أغلب الأفكار الحالية كانت في يوم احلام مجنونة .. و حلمك مش مجنون
            ربنا يكرمك و يوفقك و تفرح قلبنا بانتاجك قريب
            [SIZE="6"][COLOR="Green"][SIZE="3"][I]سبحانك اللهم و بحمدك ؛ أشهد ألا اله إلا أنت ؛ أستغفرك و أتوب اليك[/I][/SIZE][/COLOR][/SIZE]
            [COLOR="Teal"] [COLOR="Indigo"][/COLOR] [/COLOR]

            Comment

            • #7
              شكرا لتعليقاتكم الجميلة

              يا جماعة الموضوع مش مستحيل زي ما بعضنا شايفين

              ولو خصمنا تكلفة الضرائب والجمارك والكلام ده فأعتقد إننا لو فعلا صنعنا سيارة بالمواصفات دي مش هتكلف كتير بس المهم مين يتبناها

              يعني الشاسيه تعتقدوا بيكلف كام ألف مثلا ( طبعا مش بنتكلم على تكلفة التصاميم ) أعتقد إنه مش كتير قوي وحتى لو اتصنع من الاستانلس أو الألمونيوم مش هيكون فظيييع زي ما إحنا فاكرين ولا ما كانتش دولة زي الهند تعمل سيارة بالكامل بتكلفة أربعة عشر ألف جنيه مصري

              انا شفت في مدينتي ملوي وهي بالصعيد - شفت ورش سمكرة بيعملوا جسم السيارة الدبابة بالكامل بدون جزء الشاسيه السفلي الداخلي
              من كابينة وصندوق خلفي وكده

              والمواصفات التانية مش مستحيلة

              يعني ممكن موتور صغير ورخيص يؤدي الغرض
              دينامو
              كراسي وكسوة جلد للسيارة من الداخل ممكن أي حد سروجي سيارات ( مش مصنع كمان ) يعملها بمبلغ مش كبير نوعا ما

              حزام الأمان اللي بيفتح ويقفل أوتوماتيك ده مش مكلف لكن كل اللي بيعتمل إنه بيكون فيه مجرى في جسم السيارة من الداخل أعلى الباب بحيث إن لما تفتح الباب هو يتحرك إما بواسطة زنبرك بحيث يرجع مكانه لأول المجرى وبعدين لما تقفل الباب يرجع مرة أخرى للناحية الأخرى من المجرى فيقفل على الشخص الجالس على الكرسي أو يتم وضع موتور كهرباء صغيير جدا ليقوم بهذه الحركة أوتوماتيكيا وده شفته في سيارة فورد صغيره وخفيفة موديل الألفين تقريبا

              يعني الموضوع موضوع تصميم مش تكلفة كبيره

              أكيد الفكرة مش سهلة لكن أيضا مش مستحيله

              ودي صور لسيارة أمريكية مستعملة شفتها هنا والصراحة عجبني في تصميمها عامل الأمان والثبات على الطريق نظرا لانخفاض مركز الثقل بها كمان عاملين إمكانية دخول وخروج الراكب الخلفي سهله ومريحة رغم إنها بابين فقط

              http://my.imageshack.us/v_images.php

              أرجو إن الصور والموضوع ينال إعجابكم
              [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

              Comment

              • #8
                والله اتمني ان يكون في عربية مصرية وتعادل جودة العربيات الياباني
                [CENTER][B]سامح البقري
                المحامي[/B][/CENTER]

                Comment

                • #9
                  مشروع العربية المصرية تم التفكير فيه فى عهد الرئيس عبد الناصر وفعلا انشئت شركة التصر لصناعة السيارات وابتدت تشتغل وفعلا انتجت سيارة صغيرة اسمها رمسيس سنة 1961 وكانت بموتور المانى و 70% مكون اجنبى والغريب ان كان عليها اقبال شديد مش لانها جيدة ولكن لانها رخيصة فكان تمنها فى الوقت ده 200 جنيه وكانت ارخص سيارة فى مصر كانت بحوالى 600 جنيه ولكن كعادتنا المصرية السيئة مبنكملش اى حاجة نبتديها وتوقف انتاج الرمسيس لاتفاق نفس الشركة مع شركة فيات انها تدخل مصر فى عام 1963 يكل ثقلها وكانت بداية دخول ال128 لمصر
                  ودى صورتها للى ميعرفوهاش

                  اخيرا كان فى ميكانيكى فى مسطرد بيجمع الميكروباسات الراما و ده خبر انا قريته من اكتر من 15 سنة فى جريدة المساء وعملو لقاء معاه وحكى الحكاية وقال انه بيجمع العربيه حسب ظروف كل زبون وعلشان كده كنت بستعجب لما اركب الميكروباس الراما ده والاقى حديد الكراسى عبارة عن مواسير ميه وكوع 3/4 بتاع مواسير الميه وحاجات غريبة كده لحد م فهمت السبب من كلامه طبعا وبصراحةة هو خلى الشركة المصرية لوسائل النقل الخفيف تنزل سعر الراما لانه كان بيكلفها ايامها 12 الف وتبقى عروسة وده التعبير بتاعه هو وكانت بتتباع فى الشركة ب32 الف على ماأذكر وطبعا تانى يوم قبضو عليه بعد نشر الموضوع والتهم جاهزة مصنع بدون ترخيص والاستيلاء على تصميم لسيارة من شركة اخرى وتنفيذه بدون موافقتها الى اخر هذا الهرش مخ

                  Comment

                  • #10
                    انا بتحسر علي شركة النصر الفساد هو السبب في فشلها
                    [URL]http://www.nilemotors.net/Nile/showthread.php?t=78628[/URL]

                    Comment

                    • #11
                      ربنا يسهل يا باشا وان شاء الله وراك
                      مقابلة جديدة للطنطاوية
                      http://www.nilemotors.net/Nile/259689-a.html

                      Comment

                      • #12
                        أنا معاك
                        أنا مش بهزر
                        أصل ده نفس اللي في دماغي
                        أنا تخصص اتصالات والكترونيات
                        ابعتلي رسالة لو عاوز نبتدي تصميم فالصيف
                        أنا كمان بفهم fel-solidworks
                        ده برنامج تصميم ميكانيكي

                        Comment

                        • #13
                          انا مهندس كمبيوتر مليش فى العربيات بس ليه رأى لأى حد بيقول مش هينفع او الموضوع محتاج ملايين وكده
                          الناس ده رأيها سليم ميه ميه بس من وجهة نظر معينه
                          تخيل جيت قولت عايز اعمل نظام تشغيل هيجى الرد نفس الكلام انه محتاج خبرات وملايين وكده
                          بس ظهر مبدأ اسمه
                          opensource المصدر المفتوح ونتج عنه نظام تشغيل اللينكس وطبعا ده مشهور
                          نفس المبدأ يطبق على قواعد البيانات وحاجات كتير بقت industry standard
                          اخدت مبأ المصادر المفتوح
                          على فكره معظم البرامج اللى الموجوده فى منها opensource زى firefox , VLC player
                          ممكن اى حد qualified يعدل فيه
                          الموضوع نجح فى software جدا وزحف على الهاردوير والنتيجه كانت نجاح لسه مش فى مستوى software بس نجحت بقوه
                          ده مثال
                          MakerBot Industries - Robots That Make Things.
                          مكنة طباعة مجسمات كل التصميمات بتعتها موجووده
                          النتيجه عايز تعمل عربيه ممكن بس لو اتبعت الطريقه العاديه يبقى مش ممكن علشان زى ماالناس قالت محتاجه ملايين اما لو خدت لopensource approach
                          هيبقى ممكن علشان لو تعبت فى النص هتلاقى اللى لسه متحمس ويكمل
                          وعلى فكره فى approaches opensource للعربيات ممكن تبدأ منها او تكمل معاهم بس انا مفهمنش من المواقع بتعتهم حاجه فممكن انت تستفاد منهم اكتر
                          Society for Sustainable Mobility · Open Source Car Automotive Design Green SUV hybrid electric vehicle
                          OScar - Reinvent Mobility - Home

                          Comment

                          • #14
                            انا مصمم سيارات هاوى وكانت امنيه حياتى انى اصمم اول سيارة مصريه 100%
                            انا معاك بقلبى وبقلمى وبمجهودى بس محتاجين همة
                            ممكن نعمل اول Prototype
                            يتعمل للنموزج دعاية جامده واكيد هنلاقى مموليين بجد يحبو مصر

                            Comment

                            السابق template التالي
                            Working...
                            X