ارجو المساعدة من اصحاب الخبرة

[ALMAGICO]

اولا انا احب اشكر كل الموجودين على المجهود الرائع اللى بيبذلوة عشان يفيدوا غيرهم

ثانيا انا عندى مشكلة معايا شيروكى 4 سلندر موديل 1992 لما اجى امشى على 120 او اكتر الاقى الربية بتترج منى اجى ادوس بنزين وهى بتترج مبتمشيش والسرعة تقل ولو هديت لما العربية بتترج ومشيت واحدة واحدة واجى ادوس بنزين حتى لو جيبت ال80 تحصل نفس الرجة ياريت تفيدونى فى المشكلة دية وشكرا

[Adham]

اولا انا احب اشكر كل الموجودين على المجهود الرائع اللى بيبذلوة عشان يفيدوا غيرهم

ثانيا انا عندى مشكلة معايا شيروكى 4 سلندر موديل 1992 لما اجى امشى على 120 او اكتر الاقى الربية بتترج منى اجى ادوس بنزين وهى بتترج مبتمشيش والسرعة تقل ولو هديت لما العربية بتترج ومشيت واحدة واحدة واجى ادوس بنزين حتى لو جيبت ال80 تحصل نفس الرجة ياريت تفيدونى فى المشكلة دية وشكرا

ممكن اسطوانة و دسك

هل بتشم ريحه شياط اسطوانة مثلا ؟؟؟

او عيب طلمبة بنزين ان البنزين قليل و ضغط البنزين واطي مع السرعه مش بيكفي الموتور فالعربية بتنتش و بتسك

او انها تكون عيب في كهربة العربية زي مثلا كويل (بوبينة) وحشة او في كمبيوتر العربية بيسبب تنتيش للموتور

لازم حد يشوفها و يحكم, بقياس ضغط البنزين على مسطرة الانجكشن و تغيير فلتر البنزين و لو مازال الضغط قليل يبقى تغيير الطلمبة

هل عندك لمبة اعطال منورة مثلا؟؟

لو حضرتك قدرت تسهل الوصف شوية نقدر نعرف العيب

هل هو زي ماتكون العربية حاتقطع بنزين ؟؟؟

وللا هل هو تنتيش (تحس ان العربية متلتة او عيب كهرباء)

و للا بتحس بتفليت اسطوانة ؟؟؟

حضرتك اللي تقدر تحس بيها و تحكم

و اذا ما قدرتش يبقى عليك و على مركز خدمة يكون بيشتغل شيروكيي انا اعرف اتنين في المعادي صقر قريش

انا عن نفسي و على حسب ما فهمت شوية من كلام حضرتك انها عدم كفاية وقود المحرك (ممكن سدد فلتر بنزين او وصلات او الطلمبة)

و دي تحس بيها لما تقرص عالعربية شوية

تحس انها بتخنق و حاتبطل زي كاتكون بتقطع بنزين

[ALMAGICO]

اولا انا متشكر لاهتمامك
انا كنت بحط للعربية بنزين 80 فى ناس نصحتنى وقلتلى بلاش 80 وغالبا دة سبب المشكلة وادينى بدات احطلها 92 وهجرب واشوف وربنا يستر

[Adham]

يبقى غير بالمرة فلتر البنزين وشوف

بلاش بنزين 80 صرف

انما ممكن تخليط بنزين 80 مع 90 نصف التنك مثلا او التلت و التلتين بس الاول شوف جوة غطاء تنك السيارة من جوة رقم الاوكتان كام لو قاللك مثلا 85 فما فوق يبقى اعمل خليط بين 80 و 90 بحيث النسبة تكون 86 او 87 بلاش 85 بالضبط

[ALMAGICO]

انا بشكرك جدا على اهنمامك بموضوعى
فعلا جوة تنك البنزين مكتوب بنزين 90 وانا بدات احطلها 92
وبكرر شكرى على اهتمام حضرتك

[Adham]

كدة تمام جدا

و خللي بالك ان البنزين في مصر غالبا بيبقى رقم الاوكتين اقل ب 1 من المفروض

يعني بنزين 90 بيبقى 89 غالبا

و بنزين 92 بيبقى 91

كدة يبقى حضرتك خليك في بنزين 92 افضل و ربنا يستر و ما يغلاش قريب هههههههههه

و العفو لا شكر على واجب

ماتنساش تغير فلتر البنزين بالمرة