مواصفات دودج درات من البروشور حصرياً على نايل موتورز

[برنس الليالي]

السلام عليكم ورحمة الله وبركاته

دي يا شباب مواصفات دودج دارت العامة جبتها من البروشور بس خلونا الاول نعرفكم على الدارت

تم تصميم دودج دارت الجديدة كلياً برؤية للمستقبل من حيث مواصفات الأمان والأداء والترفيه

بداية من الإنسيابية في المظهر الخارجي والقيادة المرنة ومروراً برحابة المقصورة الداخلية

التي تتمتع بإمكانيات جديدة مثل وسائل ترفيه مميزة وعدادات يمكن برمجتها لتناسب جميع الإحتياجات

فقد وضعت راحة العميل في المرتبة الاولى عند تصميم الدودج دارت

- الـــــمـــــواصـــــفـــــات الـــــفـــــنـــــيّـــــة :

- اولاً المـــــحـــــرك :

1.4 لتر 16 صمام Turbo MultiAir يعتمد على السوائل في التبريد

بقوة 1400 سي سي - الشوط×القطر = 84×72 مم

يولد 160 حصان عند 5500 لفة\الدقيقة

بعزم 250 نيوتن متر عند 2500 - 4000 لفة\الدقيقة ... 6500 آر بي إم

مع ناقل حركة اوتوماتيك مزدوج 6 سرعات

- أنـــــظـــــمـــــة الـــــتـــــعـــــلـــــيـــــق :

أمــامــي : ميزان مستقل ماكفيرسون مزود بنوابض حلزونية

وممتص صدمات مزود بغاز وقضبان اتزان السيارة

خــلــفــي : وصلة متعددة النقاط مزودة بنوابض حلزونية وقضبان اتزان

وممتص صدمات يعمل بالغاز

- الـــــفـــــرامـــــل :

نظام منع إنزلاق السيارة ABS

انظمة التحكم في ثبات السيارة إلكترونياً ESC

نظام تعزيز الفرامل Brake Assist

انظمة دفع السيارة عند المطالع Hill Star Assist

- الـــــعـــــجـــــلات والإطـــــارات :

الومنيوم 45\225 17 إنش مناسب لكل المواسم

- الأبـــــعـــــاد :

قاعدة العجلات 27.3 مم
المسافة بين العجلة الامامية اليمنى واليسرى 1568 مم
المسافة بين العجلة الخلفية اليمنى واليسرى 1565 مم
إجمالي الطول 4672 مم
إجمالي العرض 1830 مم
إجمالي الإرتفاع 1465 مم

- مـــــســـــاحـــــة الـــــمـــــقـــــصــــورة الـــــداخـــــلـــــيـــــة :

مساحة الرأس دون فتحة سقف 980 مم
بفتحة السقف 950 مم
مساحة الأرجل 1071 مم
مساحة الكتف 1478
مساحة الأرداف 1392
حركة المقعد 260 مم

- اُخـــــريـــــات :

لماذا تزود السيارة بعدد 152 من مصابيح LED ؟

لأنه العدد المثالي للإضاءة الخلفية المستخدمة في سباقات السيارات

ومتاحة في طرازات دودج دارت SXT رالي و ليميتد

إنها السيارة التي تعبر عن المذيج الذي تفضله والتي تجمع بين التكنولوجيا الحديثة وطراز دودج الكلاسيكي

- ذودت السيارة بنظام Uconnect للـFM\AM ومزود

بـMP3\CD

ويمكنك تشغيل جهازك الصوتي بإستخدام جهاز التحكم عن بعد او جهاز الـIpod

وزودت السيارة بإمكانية التحكم بالجهاز الصوتي من خلال عجلة القيادة

حتى لا تنشغل بغير الطريق ولا تحتاج لترك عجلة القيادة

وبعتمد نظام Uconnect على تشغيل هاتفك وإجراء الإتصالات وتلقيها والتحدث عبر المايكروفون

- الـــــســـــلامــــة

لقد كانت خصائص السلامة والامان من صدارة الاهتمامات عند تطوير دودج دارت

لتوفر راحة البال للسائق والركاب اثناء السفر تبدأ بهيكل متين حيث تم تصنيعها من فولاذ عالي الصلابة

بنسبة 68% وقام المهندسون بإضافة 8 وسائد هوائية قياسية وهي خاصية غير مسبوقة في هذه الفئة من السيارات

ونظام المقاومة الإلكترونية للميلان ERM ونظام مانع للإنزلاق ABS والتحكم بالثبات إلكترونياً ESC

والمساعد على تسلق التلال HSA وكاميرا ParkView للرجوع للخلف والتي تعرض على شاشة 8.4 بوصة

تعمل باللمس .. بالإضافة الى نظام ParkSense للمساعدة عند الرجوع الى الخلف

وإمكانية الإنذار للـBlind Spot .. تعمل هذه الخصائص وغيرها والكثير جميعاً على حماية الركاب

في حالة حدوث تصادم لقدر الله .. كما يسمح نظام تثبيت المقاعد للأطفال LATCH ..

بوضع مقاعد الأطفال في أي من المقاعد الخلفية الثلاث

- الألـــــوان الـــــخـــــارجـــــيـــــة :

ازرق لاجونا - رصاصي معدني - فضي لامع - احمد لؤلؤي لامع

رصاصي غامق - اسود لامع - ازرق لؤلؤي غامق - ازرق لؤلؤي فاتح

برتقالي - رمادي ثلجي - اصفر ليموني - ابيض لامع

- الألـــــوان الداخـــــلـــــيـــــة :

قماش بيج - قماش اسود - قماش اسود بخطوط رمادي - قماش اسود بخطوط رمادي فاتح

قماش رمادي بخطوط ليموني - قماش اسود بخطوط حمراء - جلد نابا ابيض

جلد نابا بيج - جلد نابا اسود

- الـــــصـــــور :

وفي النهاية يا شباب ارجو من الجميع المشاركة في الموضوع وإبداء الرأي بكل صراحة

هو انا بصراحة مش شايف ان العربية تتعيب

بس اللي عنده حاجة عايز يقولها يتفضل يشاركنا معلوماته عن الدارت

انا كل اللي شوفتو للعربية فيديو من احد الخبراء بيبين ان العربية ذي هاندلينج لا يعقل

والعربية فعلاً Fun to Drive

وبعدين يا شباب لو تقارنو العربية بالـS60 حتلاقو ان الدارت تفوز من ناحية الاداء

والتجهيزات زي بعض تقريباً وكمان جودة الدارت ممتازة بلا شك

- دا فيديو جميل جداً حيعجبكو عبارة عن 30 ثانية فعلاً بيعبر عن الأداء

Dodge Dart - How to Test Your Car for Fun commercial - YouTube

في امان الله ورعايته

[Haitham Basha]

الله الله على التقرير الرائع يا باشا تسلم إيدك . العربية فعلاً حكاية تحكى بكل المقاييس بس السعر مبالغ فيه مما لا شك فيه 320 ألف ليييييييييييييييه ؟؟؟

[mezo73]

شكرا علي التقرير الممتاز بس فعلا السعر !!!!!!
اكيد بالسعر دة هاجيب بي ام وليس دودج

[horas3000]

تسلم ايدك علي التقرير
و انا شفتها مره واحده بس لغايه دلوقتي
كانت سوده و الجنوط كروم زي اللي انت حاطط صورتها دي
بس الصراحه شكلها ميديش انها عربيه ب 320 الف ابدا حتي و ان كان مميز

[برنس الليالي]

الله الله على التقرير الرائع يا باشا تسلم إيدك . العربية فعلاً حكاية تحكى بكل المقاييس بس السعر مبالغ فيه مما لا شك فيه 320 ألف ليييييييييييييييه ؟؟؟

منورنا بوجودك يا باشا

شكرا علي التقرير الممتاز بس فعلا السعر !!!!!!
اكيد بالسعر دة هاجيب بي ام وليس دودج

صح كلامك مظبوط بس كتجهيزات وتسارع الدارت تفوز خصوصاً ان الـ316 بتكون مفتقرة لبعض المواصفات بالنسبة للـ320

تسلم ايدك علي التقرير
و انا شفتها مره واحده بس لغايه دلوقتي
كانت سوده و الجنوط كروم زي اللي انت حاطط صورتها دي
بس الصراحه شكلها ميديش انها عربيه ب 320 الف ابدا حتي و ان كان مميز

منور يا برنس .. وانا كمان في الواقع شفتها مرة والانتريور بتاعها شدني جداً والليدات الخلفية

بس يا برنس هي فعلاً الدارت خارج مصر تعتبر من نفسي فئة الالنترا والسيفيك ,,,

بس لازم تعرف ان الالنترا والسيفيك خارج مصر بتنزل بمحرك 2.0 وتجهيزات مش عندنا خالص

يعني لازم بردو تقدرو ان الدارت افضل واقوى من الالنترا والسيفيك اللي عندنا دول

لإنهم لو كانو نزلو زي ما بينزلو برا كنت حتلاقيهم بردو من سعر الدارت حالياً والله اعلم

[horas3000]

منور يا برنس .. وانا كمان في الواقع شفتها مرة والانتريور بتاعها شدني جداً والليدات الخلفية

بس يا برنس هي فعلاً الدارت خارج مصر تعتبر من نفسي فئة الالنترا والسيفيك ,,,

بس لازم تعرف ان الالنترا والسيفيك خارج مصر بتنزل بمحرك 2.0 وتجهيزات مش عندنا خالص

يعني لازم بردو تقدرو ان الدارت افضل واقوى من الالنترا والسيفيك اللي عندنا دول

لإنهم لو كانو نزلو زي ما بينزلو برا كنت حتلاقيهم بردو من سعر الدارت حالياً والله اعلم

الموضوع منور بيك يا كبير
انا مركزتش فيها من جوه بصراحه لاني كنت بعدي علي رجلي من قدامها
و حركه الفانوس اللي ورا انا متعود عليها من التشارجر في الكويت
و هي فعلا فئه اقل من المرسيدس و البي ام في راي
بس سعرها في مصر هو اللي خلاها كده

[A.Adel]

هو فين البروشور يا باشا :)
وفين الفروقات بين الفئتين ؟

[برنس الليالي]

هو فين البروشور يا باشا :)
وفين الفروقات بين الفئتين ؟

دي كل البيانات الموجودة في البروشور والفرق بين الفئتين :

• 17X7.5 Aluminum Polished Wheel
• Air Conditioning ATC with Dual Zone Control
• BI-Xenon Headlamps
• Blind Spot and Cross Path Detection
• Dual rear exhaust with bright tips
• ParkSense Rear Park Assist System
• ParkView Rear Back-up Camera
• Power 6-Way Driver Seat
• Power sunroof

[newcastle]

شكلها ميجيبش 320 الف خااالص شفنها مره واحده عالطبيعه

[A.Adel]

دلوقتي بقت SXT بـ 240
rally بـ 250
limited بـ 275

[برنس الليالي]

دلوقتي بقت SXT بـ 240
rally بـ 250
limited بـ 275

جميل اوي

[horas3000]

دلوقتي بقت sxt بـ 240
rally بـ 250
limited بـ 275

الكلام ده بجد ؟؟؟
لو كده تبقي في الجون
و هتقفل علي عربيات تانيه كتير
زي الفولفو و الاوكتافيا و الاسترا التيربو
ده غير انها هتزغلل عين اللي بيبص علي البي ام و المرسيدس

[A.Adel]

أنا عملت customize لواحدة :)
ال rally طلعت بـ 24000 $
هي still غالية سيكا في رأيي
بس كده هي value for money كويسة بصراحة

الفئة دي مش سهلة
يعني لسة فيه 508 ,اللي ماسكة الفئة دي
وفيه DS5 , اللي يخليك تركب حاجة جديدة يبقى اركب عربية تحسها concept car أصلا
وفيه sportage برده لو حابب حاجة SUV

بس كده هتنافس برده ,يعني هي أحسن من ال S60 الجديدة اللي بوظوا شكلها
واكيد أحسن من octavia

[برنس الليالي]

أنا عملت customize لواحدة :)
ال rally طلعت بـ 24000 $
هي still غالية سيكا في رأيي
بس كده هي value for money كويسة بصراحة

الفئة دي مش سهلة
يعني لسة فيه 508 ,اللي ماسكة الفئة دي
وفيه ds5 , اللي يخليك تركب حاجة جديدة يبقى اركب عربية تحسها concept car أصلا
وفيه sportage برده لو حابب حاجة suv

بس كده هتنافس برده ,يعني هي أحسن من ال s60 الجديدة اللي بوظوا شكلها
واكيد أحسن من octavia

بقولك ايه هو الدولار نزل لـ6.9 تاني تفتكر ان الليميتد المفروض تنزلنا بكام بعد الجمارك ؟ 245 الف ولا اكتر عشان نقدر بس فرق السعر الحقيقي بتاعها والزيادة

[A.Adel]

أنا معرفش حسابات الجمارك هنا إيه بصراحة :)
أصل ال options كلها بتتجمرك وفيه حاجات عجيبة بتحصل

بس أظن فعلا إنها لو نزلتلها 20 كمان ,تبقى لقطة
بس ده ميمنعش إنها كده كويسة جدا