سوال صغنن يا رجالة

[fady.bekatcho]

انا كنت عايز اعرف سعر عربية تكون امريكى التصنيع تكون حالتها حلوة مستعملة والسعر يكون حلو

وهتتعبننا فى التصليح لو حصل فيها حاجة وكدة ولا لا

ولو شيفورلية امريكى يبقى حلو بس ما تكون حجمها كبير يعنى

[mokhtar]

حضرتك عايز تعرف سعر حاجه محدده ولا اى عربيه امريكانى
عامه الامريكانى سوقه فى مصر ميت تماما لعده اسباب
1.استهلاك البنزين الخرافى والمحركات اللى بتبدا من V6 , V8 وبتشرب بنزين كتير جدا والبنزبن مش رخيص زى السعوديه مثلا هنال صفيحه ال95 ب12 ريال وال91 ب9 ريال على ماسمعت اخر مره
2.الجمارك عاليه جدا خرافيه تلاقى العربيه بره مصر سعرها مايعديش 200000 ولما تحسب الجمرك تلاقيها دخلت فى 700000
3.ماعندناش فة مصر جدوى لاستخدامها يعنى الخليج عندهم صحرا وبر وغاويين تفحيط وفلوسهم كتير ربنا يزيدهم وياخد اللى فى بالى غير انهم محتاجين المحركات الكبيره عشان الاجواء عندهم وحشه

الامريكانى اللى فى مصر كرايسلر 300 C ودودج دورانجو ورام ونيترو واقل واحده فيهم كاسره النص مليون ووكيلهم عز العرب وفين وفين لما تلاقى واحده فى الشارع

جيب شيروكى بتتجمع هنا فى مصر وسعرها 300000

الشيفروليه مافيش غير الاوبترا والافيو ودول كورى باسم شيفروليه

العربيات الامريكانى اللى مش كبيره اوى يعنى وسط بقصدك زى الشيفروليه اللومينا ودى استرالى والدودج تشارجر والفورد مونديو ودى اوروبى مش موجودين فى مصر

من الاخر ماتفكرش فى عربيه امريكيه او صناعه امريكيه فى مصر
عندك اليابانى والاوروبى وعيش حياتك معاهم

[Terrible_DaRsH]

وكمان لازم تقاطع المنتجات الامريكية ..

عندك العربيات مفيش اكتر منها ..:)

[volvo]

انا مهايا عربيه plymouth valaint 200 1965 بكل حجاتها كامله مش ناقصه حاجه واول عامره للموتور من 44 سنه انا عملتها وعربيه بجد غووووووووووووووووووووووووووول وغير مستهلكه للبنزين الصفيحه 150 كيلو على العلم انها 6 سلندر

[elgamal]

اللى بيتكلم على اكل البنزين دا ميعرفش حاجة عن الامريكانى لانه اقتصادى على حجم الموتور
وبعديم عندك انواع كتيرة ممكن تركبها امريكانى فى مثر وحجمها صغير وضريبتها معقولة بعض الشئ و اقتصادية
زى مثلا شيفرولية كوتسيكا ودى 3200 سىسى 6 سلندر وموديل من 1990الى 1999.
وعندك الفورد الموستانج 2300 سىسى زى المرسيدس و4 سلندر من موديل 1979 الى 1989.
ومودبلات كتير كمان .
م / محمود الجمال

[mdkamel]

حد عنده فكره عن مراكز صيانه جيب شيروكي غيرعز العرب او ابو غالي

[auto5truck]

حد عنده فكره عن مراكز صيانه جيب شيروكي غيرعز العرب او ابو غالي

التوكيل الأساسى معاهم و كل واحد شغال فيها غيرهم بدون ضمانات مع نفسة و أنا عارف أنك أكيد تعبان معاهم لأنهم مش مظبوطين فى شغلهم لكن ما قدامكش غيرهم ذو مسئولية.

[elpasha1]

فى كمان بويك سكاى لارك

[ahmedzaki11]

لو عايز ارخص وضريبة اقل وبنزين اقل عندك الكرايسلر النيون 2000 سي سي وضريبة في حدود 500 جنية واسهلاك بزين حسب مشيك من 10 لتر لل 100 ك واخرك اوي لما التكييف يبقى شغال و ما شي في وسط البلد العرية مش مظبوطة مش حاتعدي معاك ال14 - 15 لتر لل 100 ك وسعره ببلاش الا ربع