Tweet
صباح الفل
العربيه دي كانت عامله 90000 كم ,طلعت بيها الغردقه 3 أيام و هحكيلكوا التجربة
أول ما أخدت العربية قابلت واحد صاحبي معاه 520 2001 قعدنا نشد و طبعا الليبرتي كانت دايما أسرع من البيمر و ان كانت مش أحسن.و دي خلاصة التجربه:عجبني الاتي:
1)العربيه سريعه جدا و ده نتيجة الموتور ال3.7 اللي بيولد تقريبا 211 حصان و ده بيخليك تعمل تسارعات هايله.
2)الكواليتي جوه مش وحشه خصوصا الكراسي الكهرباء و العدادات شكلها لطيف و البلاستيك المستخدم من النوعيه المعقوله.
3)العربيه عاليه عن الارض بطريقه تخليك مستريح و انتا ماشي في طرقنا اللذيذه.
نيجي بأه للعيوب:
1)العربيه من جوه العزل مش حلو,يعني بعد ال120كم تحس انك عايش كل حاجه بره.
2)العصايه بتاعه التحكم في الدفع الرباعي رديئه جدا,و طريقه التحكم نفسها عتيقه و علي العموم هي بتمشي اما 4*4 أو 4*4 جزئي او خلفي.
3)العربيه مفهاش نظام ثبات من أي نوعTraction Controlوأن كانت تمت اضافته في الموديلات اللي بعد 2003 علي ما اتذكر....على العموم بدون الesp العربيه ماتتسقش في الميه و المطر,بتبقي خطيره جدا لدرجه انها و الله اتزحلقت مني وأنا ماشي دفع خلفي علي طريق السخنه و كنت ماشي 80كم فقط ...كنت هموت والله بقت بصه علي الناحيه التانيه و العربيات اللي جايه بقت في وشي,ربنا ستر.
4)العربيه قدراتها في الرمله تعبانه قوي,انا جربت عربيات كتير في الرمله و منها البيمر اكس3 و الاندكروزر, العربيه دي بالنسبالهم حاجه تكسف...غرزت من في الجونه و فرجت علينا السياح و مطلعاش الا لودر من اللي في الجونه.
رأيي النهائي:عربيه فعلا يا جماعه خطيره جدا جدا و رغم ان اسعارها كمستعمله دلوقتي مغريه بس عمري ما اشتريها و بدعي للي معاه ربنا يحفظه.
العربيه دي كانت عامله 90000 كم ,طلعت بيها الغردقه 3 أيام و هحكيلكوا التجربة
أول ما أخدت العربية قابلت واحد صاحبي معاه 520 2001 قعدنا نشد و طبعا الليبرتي كانت دايما أسرع من البيمر و ان كانت مش أحسن.و دي خلاصة التجربه:عجبني الاتي:
1)العربيه سريعه جدا و ده نتيجة الموتور ال3.7 اللي بيولد تقريبا 211 حصان و ده بيخليك تعمل تسارعات هايله.
2)الكواليتي جوه مش وحشه خصوصا الكراسي الكهرباء و العدادات شكلها لطيف و البلاستيك المستخدم من النوعيه المعقوله.
3)العربيه عاليه عن الارض بطريقه تخليك مستريح و انتا ماشي في طرقنا اللذيذه.
نيجي بأه للعيوب:
1)العربيه من جوه العزل مش حلو,يعني بعد ال120كم تحس انك عايش كل حاجه بره.
2)العصايه بتاعه التحكم في الدفع الرباعي رديئه جدا,و طريقه التحكم نفسها عتيقه و علي العموم هي بتمشي اما 4*4 أو 4*4 جزئي او خلفي.
3)العربيه مفهاش نظام ثبات من أي نوعTraction Controlوأن كانت تمت اضافته في الموديلات اللي بعد 2003 علي ما اتذكر....على العموم بدون الesp العربيه ماتتسقش في الميه و المطر,بتبقي خطيره جدا لدرجه انها و الله اتزحلقت مني وأنا ماشي دفع خلفي علي طريق السخنه و كنت ماشي 80كم فقط ...كنت هموت والله بقت بصه علي الناحيه التانيه و العربيات اللي جايه بقت في وشي,ربنا ستر.
4)العربيه قدراتها في الرمله تعبانه قوي,انا جربت عربيات كتير في الرمله و منها البيمر اكس3 و الاندكروزر, العربيه دي بالنسبالهم حاجه تكسف...غرزت من في الجونه و فرجت علينا السياح و مطلعاش الا لودر من اللي في الجونه.
رأيي النهائي:عربيه فعلا يا جماعه خطيره جدا جدا و رغم ان اسعارها كمستعمله دلوقتي مغريه بس عمري ما اشتريها و بدعي للي معاه ربنا يحفظه.
Comment