اجدع رجل في العالم

[loly2002]

السلام عليكم

انا لازم اقول كلمة حق في ارجل صديق و احسن راجل في العالم انا قابلتة في حياتي كلها و مش حقابل حد تاني زية كدة ابداااااااااااااااااااااااااااااااا
طبعا انتم عارفين انا بكلم علي مين ........؟؟؟؟!!!!!!!
مينا طبعا
انا بس حقولكم علي حاجة سريعة
الراجل الطيب دة انا بعتلة علي الخاص و استئذنتة في نمرتة و بعتهالي في ساعيتها و كلمتة عشان كنت عايز اجيب رانجلر و انا من اسكندرية سئلتة و فضلت معاه اكلمة اكتر من 35 دقيقة و في اخر المكالمة قالي حاجة انا مكنتش مصدق اللي هو قالو قالي عموما يا باشا تعالي القاهرة و انا حاجي ادك مكان ما حتنزل و حوديك عند الميكانيكي و حرجعك كمان
و بعد كدة رحت تاني يوم شوفت سيارة و كلمتة قالي يا معلم انا واقف مستنيك يلا تعالي
و فعلا مسافة السكة وصلت استنيتة 5 دقائق كان وصل و اخدني عند الميكانيكي و ظبتني بصراحة
و بعد دة كلهههههههههههههههههههه
الميكانيكي قالي علي شوية قطع غيار اجيبها انا لسة مكملتش الكلمة لقيتة بيقولي اركب يلا بينا
طبعا انا كنت واقف عندي صدمة ان في واحد في الدنيا كدة
و فعلا رحت معاة انا و اخويا و بعربيتة مش بعربيتي كمان
و رحنا مشوار بعيد و لف كتير اوووووىىىىىىىى
و راح معايا عند بتاع قطع الغيار و فرم الراجل في الاسعار اكنة بيشتري لنفسة
و بعد دة كلة راح رجعني عند الميكانيكي تاني عشان اخد عربيتي و كان مصمم انة يوصلني لحد البوابة و بجد انا عمري في حياتي ما شفت راجل بالشكل دة
و اعد تاني يوم يكلمني و يطمن عليا كل شوية و كمان انا جبت قطع غيار و مش محتجها قالي حبعهالك كمان و لحد ما رجعت اسكندرية بيكلمني ولا اكنة بيبيع و يشتري لنفسة مع اني لسة متعرف علية في التليفون مبقاليش يومين و عمل معايا كل دة
بجد انا عمري ما حنسي الجمايل دي كلها
و ربنا يقدرني و ارد ربع الجمايل دي كلها و بجد انا عمري في حياتي ما حقابل حد كدة ابداااااااااااااااا

بجد دي اقل كلمة حق اقلها في حقة و ربنا يكرمة و يباركلة

و اسف للتطويل بس كان لازم اقول كلمة حق

و شكرا ليك مرة تانية يا مينا

[y2002y]

موقف يشكر عليه

شكراً يا مينا

[eng.octooo]

بجد مينا يستاهل كل خير وكل ما اشوف استفسار بالاقى مينا رد علية (سعات باحس انة واقف على باب المنتدى ) ربنا يكرمة وانا عاوز اشكرة لانة ادانى معلومات كتييير جداااا وفهمنى موضوع تفصيل الرانجلر دة واحدة واحدة بجد راجل والرجال قليل جدااا ..

[Ellawai]

بالفعل مينا من الشخصيات النادره في يومنا هذا . و انا شخصياً عمل معايا كذا واجب برضه لا داعي لذكرهم الان , بس هو راجل بالفعل يتقدر مع ان انا شخصياً مقصر معاه كتير :)

[M!NA]

يا جماعة بجد أنا فعلا مش عارف أقول إيه...
زمان كان لما أشوف ناس بتشكر حد والاقيه بيقول أنا مش عارف أقول إيه والكلام ده... كنت بفتكره بيستعبط ... بس بجد... أنا محرج من كلامكم ده جدا....

الفكرة ببساطة... إن اللي قدامي لما بيكون محتاج مساعدة... بأفتكر نفسي لما كنت بأبقى محتاج مساعدة.. وزي مابيقولوا... عامل الناس كما تحب ان يعاملوك...

وأنا بحب اتعامل معاملة سوبر :P

بعيد عن كل الكلام ده... لؤي فعلا راجل محترم جدا... وكمان محمد octoo واللي أنا لسة ماقابلتوش.. بس أتمنى الصدفة تجمعنا قريب.... وكلكم يا جماعة ناس محترمة جدا...وفعلا أنا بتبسط قوي لما بلاقي حد بيسأل على حاجة أكون أقدر أساعد فيها...

ويلا بقى خلينا نعمل رابطة للجيب زي باقي العصابات بتاعت أوبل ورينو ... :)

[Ahmad Allawy]

ااااه.. هتغير بقي من الاوبل والرينو..
ماشي يا عم..

بصراحة.. مش جديدة عليه.. الراجل ظبطني في حاجات كتير قبل كده..
رجل المواقف الصعبة..

[sherifgd]

أنا عضو جديد فى المنتدى
قبل التسجيل تصفحت المشاركات الخاضه بال 4x4 ووجدت أن الأستاذ مينا متواجد فى أغلب هذه المشاركات للمساعده و الرد أو الشرح الوافى الدقيق و لا يبخل بخبرته أبدا
بجد واضح أنه شخصيه نادر وجودها هذه الأيام
أستاذ ميتا صحيح أنا لم أكتب مشاركه أسأل عن شئ و قمت بالرد عليه و لكن ما قرأته فى المنتدى يجعلنى أشكرك لكل ما تقوم به من خدمات . ألف شكر

[M!NA]

يا جماعة بجد أنا متشكر جدا لكلامكم ده ... بس ده فعلا كتير اوي عليَّ...

وأنا مبسوط بـمعرفتكوا كلكو فعلا... :)

[megodahab]

انا بقي زعلان من مينا مع انه ساعدني قبل كده كتير في استفسارات بس زعلان منه علشان ازاي يفرط في الشيروكي ويروح يركب ياباني يسيب اعظم عربيه في التاريخ ويروح لتويوتا ؟
بس بصراحه يا مينا عايز اسألك انا بموت في حاجه اسمها شيروكي او جراند شيروكي وبعتبرها افضل عربيه علي الاطلاق وبحب الباور ستيرنج بتاعها جدا وسؤالي هو انت بعد ما جربت اللاندكروزر بالامانه كده الياباني ممكن يتساوي بالامريكي ولا لا ؟

[M!NA]

انا بقي زعلان من مينا مع انه ساعدني قبل كده كتير في استفسارات بس زعلان منه علشان ازاي يفرط في الشيروكي ويروح يركب ياباني يسيب اعظم عربيه في التاريخ ويروح لتويوتا ؟
بس بصراحه يا مينا عايز اسألك انا بموت في حاجه اسمها شيروكي او جراند شيروكي وبعتبرها افضل عربيه علي الاطلاق وبحب الباور ستيرنج بتاعها جدا وسؤالي هو انت بعد ما جربت اللاندكروزر بالامانه كده الياباني ممكن يتساوي بالامريكي ولا لا ؟

يا باشا أيا كانت العربية اللي معايا... أنتو كلكم اخواتي و ربنا يديم المعرفة الحلوة ديه...

بص يا سيدي.. أنا أصلا جايب العربية عشان الصحرا....
مع احترامي الشديد جدا للجيب شيروكي... بس مفيش أدنى وجه مقارنة مع اللاند كروزر في الصحرا... ديه حاجة و ديه حاجة تانية خاااااااالص....

الشيروكي عربية أسفلت كويسة... تدخل بيها صحرا for fun كدا... مرة كل اسبوع - اسبوعين.... لكن مينفعش تعمل بيها رحلات طويلة off-road عشان كتر الحساسات اللي فيها... و اللي دايما بتعطل لما بتجهد العربية أو تحمل عالموتور في الغرود و الرمال الناعمة....

اللاند كروزر ممكن تدخل بيها صحرا كل يوم... و كل اللي هتعوزه... الزيت و الجاز (او البنزين) دا غي الفلاتر طبعا....

كل فييييييييييييييين و فين على ما هتلاقي حاجة عطلت فيها...

و صدقني الكلام ده عن تجربة.. أنا كان معايا شيروكي... ماكانتش مخلية في جيبي جنيه...

و كل شوية حاجة تبوظ....

دلوقتي معايا لاند أقدم منها في الموديل... و عمرها ما طلبت أكتر من الزيت و السولار....

[GMakram]

دعونى احدثكم عن بعض الاشياء اللى متعرفوهاش عن مينا فأنا وبكل فخر اعرف مينا من اكتر من 7 سنين وتجمعنى به صداقه شبه عائليه ومفتكرش ان فيه مره طلبت من مينا حاجه وأتاخر عنى فيها مع انى ديما بطلع ندل معاه كل مايطلب منى نروح مع بعض الصحراء بس مينا فعلا انسان اقل مايقال عنه انه راجل,محترم,جدع وكمان دمه خفيف بيستحمل منى هزار تقيل وبغلس عليه كتير لما نبقى قاعدين وسط ناس ومش بيتضايق منى وديما بتجمعنى بمينا هوايه مشتركه هيا حب الاكل خصوصا المشويات واحنا قريب هنعمل انا وهو تقرير مفصل عن كبابجيه البلد كلهم :)
مينا بجد غنى عن التعريف كأنسان محترم وده مش كلامى لوحدى ده بشهاده كل اصحابنا و بجد احلى سفريات سافرتها فى حياتى كانت معاه وهو عارف كدا كويس وبالرغم من اننا كتير بنتخانق ونناقر فى بعض بس ديما بنتصالح ومينا هو اللى عرفنى بنايل موتورز وانشاء الله هسبقه وابقى عضو ماسى :)
تقبل مرورى وتحياتى يا صديقى العزيز

[M!NA]

دعونى احدثكم عن بعض الاشياء اللى متعرفوهاش عن مينا فأنا وبكل فخر اعرف مينا من اكتر من 7 سنين وتجمعنى به صداقه شبه عائليه ومفتكرش ان فيه مره طلبت من مينا حاجه وأتاخر عنى فيها مع انى ديما بطلع ندل معاه كل مايطلب منى نروح مع بعض الصحراء بس مينا فعلا انسان اقل مايقال عنه انه راجل,محترم,جدع وكمان دمه خفيف بيستحمل منى هزار تقيل وبغلس عليه كتير لما نبقى قاعدين وسط ناس ومش بيتضايق منى وديما بتجمعنى بمينا هوايه مشتركه هيا حب الاكل خصوصا المشويات واحنا قريب هنعمل انا وهو تقرير مفصل عن كبابجيه البلد كلهم :)
مينا بجد غنى عن التعريف كأنسان محترم وده مش كلامى لوحدى ده بشهاده كل اصحابنا و بجد احلى سفريات سافرتها فى حياتى كانت معاه وهو عارف كدا كويس وبالرغم من اننا كتير بنتخانق ونناقر فى بعض بس ديما بنتصالح ومينا هو اللى عرفنى بنايل موتورز وانشاء الله هسبقه وابقى عضو ماسى :)
تقبل مرورى وتحياتى يا صديقى العزيز

تصدق ... لما لقيت اسمك في الموضوع دا... قلت ربنا يستر ... شكله دخل يلبخ....

بس والله كويس... أول مرة تقول حاجة عدلة في حقي...

افتكرت الكبابجية... و نسيت سيد قدرة؟؟؟ ;-)

هقولهم انا... احنا كل جمعة بننزل نفطر فول من عند سيد قدرة (في التوفيقية)... و بعدين نضرب كوبايتين شاي بالنعناع....

يا أستاذ جورج... أنتا عارف كويس أن انتا مش صديق... أنتا أخ... :)

و كلامك دا شهادة كبيرة أوي ليا أنا فعلا مستاهلهاش...

أحرجتني فعلا....

[GMakram]

تصدق ... لما لقيت اسمك في الموضوع دا... قلت ربنا يستر ... شكله دخل يلبخ....

بس والله كويس... أول مرة تقول حاجة عدلة في حقي...

افتكرت الكبابجية... و نسيت سيد قدرة؟؟؟ ;-)

هقولهم انا... احنا كل جمعة بننزل نفطر فول من عند سيد قدرة (في التوفيقية)... و بعدين نضرب كوبايتين شاي بالنعناع....

يا أستاذ جورج... أنتا عارف كويس أن انتا مش صديق... أنتا أخ... :)

و كلامك دا شهادة كبيرة أوي ليا أنا فعلا مستاهلهاش...

أحرجتني فعلا....

يا مينا ده انت حبيبى من ايام بورسعيد :)

[gomgoma22]

برغم اني معرفكش يا استاذ مينا ومحصليش لسه الشرف ده بس اثناء تجولي ف منتدي ال 4*4 و بعد كل اللي شفته و الكلام اللي سمعته عنك مينفعش معملش كومنت بجد :)
بجد ربنا يكرمك و يباركلك و يكتر من امثالك اللي زيك قليلين اوي ف زمنا ده

[yasserit]

مينا باشا انا معاك يا معلم اول واحد اهه عشان نكون عصابة الجيب لاني جبت الرانجلر و مستعد اهو نبدأ بقى و انا بس بختلف معاك في ان الجيب عربيه متستحملش الصحرا كل يوم لان الأستثناء من الجيب هيا الوحش الرانجلر وانا كنت عايز ادردش معاك شوية بخصوص الجيب بوجه عام والرانجلر بوجه خاص فا يا ريت لو في فرصه و نتكلم...