فرصة لك من يملك الرانجلر الأمريكانى

[ahmedtito]

لدى ديفرانس جيب أمريكى كامل بالجابنين كاملين فرامل سكينة - إستعمال خفيف جدا والحالة العامة جيد جداً بسعر ممتاز 800 فقط لأعضاء نايل موتوز والله أنا مش تاجر.:b4_611:

[ahmedtito]

أنا أسف للجادين فقط للتواصل عن طريق الأيميل
ac.ahmedal@yahoo.com

[midomizo]

يعنى اية بس ديفرنس............

[sava]

لدى ديفرانس جيب أمريكى كامل بالجابنين كاملين فرامل سكينة - إستعمال خفيف جدا والحالة العامة جيد جداً بسعر ممتاز 800 فقط لأعضاء نايل موتوز والله أنا مش تاجر.:b4_611:

ده الديفرنس الامامي .. مش كده؟
ياريت لو عندك خلفي كمان

[ahmedtito]

ده الديفرنس الامامي .. مش كده؟
ياريت لو عندك خلفي كمان

للأسف الديفرانس الأمامى اللى عندى بس لأنى غيرت الموتور بموتور تويوتا (تو-واى) 1800 سى سى فغيرت الديفرانس علشان كده لوعاوز الأمامى هو اللى موجود بس كلمنى على الموبايل
م /2646474-011

[ahmedtito]

يعنى اية بس ديفرنس............

ده زى الديفرانس الخلفى اللى فى العربية اللادا .بس ده فى الجيب غير اللى ورا كمان علشان الدفع الرباعى لما الحركة بتتنقل من العجلتين اللى ورا للأربع عجلات.

[midomizo]

يعنى الديفرنس دة العامود الخارج من الكرونة ومربوط علية الطنابير صح كدة

[M!NA]

يعنى الديفرنس دة العامود الخارج من الكرونة ومربوط علية الطنابير صح كدة

لا يا باشا...اللي بتقول عليه ده...اسمه عمود الكردان...

أما الديفرنس...أو الديفرانسيه..أو ال diffrential فهو مقصود بيه تروس الكرونة الأمامية (أو الخلفية)

وواضح من صاحب الموضوع أنه لما غير الموتور... هيشغل العربية دفع خلفي بس... و عشان كدا بيبيع الكرونة اللي قدام...

[sava]

:zb_sor1[1]: للأسف الديفرانس الأمامى اللى عندى بس لأنى غيرت الموتور بموتور تويوتا (تو-واى) 1800 سى سى فغيرت الديفرانس علشان كده لوعاوز الأمامى هو اللى موجود بس كلمنى على الموبايل
م /2646474-011

طيب نصيحه مني(و طبعا ليك حريه انك تعمل بيها او لا) يا ريت تغير الخلفي كمان بدفرانس تويوتا 10/42 او 9/41 لان الدفرانس الجيب على كالتشات و ده هيخنقلك الماكينه و خصوصا في الغيار الرابع و الخامس و عموما هو مش غالي
بس هيريحلك الماكينه و هيركب عليه جنوط الرانجلر عادي جدا

[M!NA]

طيب نصيحه مني(و طبعا ليك حريه انك تعمل بيها او لا) يا ريت تغير الخلفي كمان بدفرانس تويوتا 10/42 او 9/41 لان الدفرانس الجيب على كالتشات و ده هيخنقلك الماكينه و خصوصا في الغيار الرابع و الخامس و عموما هو مش غالي
بس هيريحلك الماكينه و هيركب عليه جنوط الرانجلر عادي جدا

ديفرانس الجيب ال6 سلندر 10/41 و ال4 سلندر 10/39

بالنسبة للكلاتشات... ممكن يلغيها بسهولة جدا... عند أي ميكانيكي.... (بيفك وش الكرونة الخلفية - و طبعا يفك العجلتين و الطمبورتين - و يمد ايده في الكرونة من جوا و يخرج الكلاتشات - اللي بتكون شبه الغويشة المشرشرة من جوا)

[sava]

ديفرانس الجيب ال6 سلندر 10/41 و ال4 سلندر 10/39

بالنسبة للكلاتشات... ممكن يلغيها بسهولة جدا... عند أي ميكانيكي.... (بيفك وش الكرونة الخلفية - و طبعا يفك العجلتين و الطمبورتين - و يمد ايده في الكرونة من جوا و يخرج الكلاتشات - اللي بتكون شبه الغويشة المشرشرة من جوا)

ايوه يا استاذ مينا كلامك صح .. بس برضو هتبقى تقيله حتى لما يشيل الكلاتشات .. ليه معرفش

[M!NA]

ايوه يا استاذ مينا كلامك صح .. بس برضو هتبقى تقيله حتى لما يشيل الكلاتشات .. ليه معرفش

الموضوع بيعتمد على عوامل كتيرة أوي...

هل لما ركب الموتور.. ركبه بفتيسه؟؟ ولا عمل بلاطة عالفتيس القديم؟؟

لو عمل بلاطة... يبقا الموضوع منتهي... لو ركبه بفتيسه... يبقا أكيد الشغل كان على مشرشر الكردان...
هو أنا فاهم وجهة نظرك... أنه عشان كانت الكرونة بتاعت فتيس راكب على موتور 4000 سي سي.. فلما تركب عال1800 هتبقا تقيلة...

بس ليه افترضنا أن موتوره كان 4000... ما كان ممكن يبقا ال4 سلندر 2500 سي سي... و ساعتها مش هتفرق كتير....

[ahmedtito]

طيب نصيحه مني(و طبعا ليك حريه انك تعمل بيها او لا) يا ريت تغير الخلفي كمان بدفرانس تويوتا 10/42 او 9/41 لان الدفرانس الجيب على كالتشات و ده هيخنقلك الماكينه و خصوصا في الغيار الرابع و الخامس و عموما هو مش غالي
بس هيريحلك الماكينه و هيركب عليه جنوط الرانجلر عادي جدا

شكرا ياباشا على النصحية الغالية وفعلا فى كذا واحد جيباواى زى حالاتى قاللى النصحية ديه وهعمل بيه فعلا وعلشان كده أنا قررت أبيع الديفرانس الخلفى كمان يعنى انا بقيت ببيع الديفرانس الأمامى + الديفرانس الخلفى للجيب رانجلر بسعر ممتاز
للتواصل م/ 2646474/011.

[bouda205]

واضح انك خبره جامده اوى يا مينا انت و sava فى ال 4x4 و النقاش بينكم ممتع جدا لان بدات اتشد بالرانجلر