محركات التويوتا اللي بتتسقط في الرانجلر

[Metastable]

السلام عليكم

انا لي استفسار عن محركات التويوتا 2Y
اللي الناس بتشيل الموتور في الرانجلر و تسقطه بدالها
عاوز اعرف شويه معلومات عنهم ...محركات البنزين

1- السعه الليتريه بتاعته .. بدايته كام و اخره كام ؟

2- موديلاته نزلت سنه كام و بتركب اصلا علي انهي فئه و موديل تويوتا بالظبط ؟

3- نظام حقن الوقود فيه ازاي ... ؟

4- معدل استهلاكه ؟

5- و لو حد عند فكره عن اسعارهم أو العزم فيه و القدره الحصانيه .. ممكن يقول ؟

6- عيوبه الشائعه او المتكرره و صيانته ؟

7- ايه افضل محرك يمكن تركيبه علي الرانجلر .. هل هو فعلا التويوتا ده ؟

8-الرانجلر عربيه وزنها مش خفيف .. و في ناس بتركب محرك 1800 cc عليها .... فهل ده كويس و يقدر يتحمل ؟

أسف علي كتر الاسئله

شكرا

[sava]

بلاش تحط 2 واي .. حط يا اما 2 ال( ديزل )او حط موتور ايسوزو دبابه بنزين ..هو نفس السعه اللتريه بتاعت ال 2 واي بس اقوى كتير
و عموما يا ريت تقولي الدفرانس بتاعك رانجلر اصلي و لا موديل قديم و انا ان شاء الله افيدك

[Metastable]

انا والله لسه ما أخدتش قرار نهائي بتغيير الموتور ... انا محتاج اعرف معلومات كفايه و بعد كده اقرر ..

انا الرانجلر اللي معايا فيها موتور 4100 سي سي
و كنت بفكر في التغير توفيرا للوقود و الضريبه السنويه ... بس مش اكتر .. انا مش بستفيد بالقدره الكبيره جدا للمحرك .. انا استخدامي عادي
بصراحه انا نفسي في محرك 2000 سي سي تربو ... بنزين

الديزل مواتير جميله بس ليها مشاكل
ارتفاع كلفه الصيانه ... و صعب تلاقي فني بيفهم فيها كويس

[Metastable]

هو محدش مسقط موتور تويوتا بنزين خالص ولا ايه ؟

[M!NA]

هو محدش مسقط موتور تويوتا بنزين خالص ولا ايه ؟

ايه الهدف من موتور البنزين؟

الديزل وفر أكتر... و عمر أطول بكتير...

و لو الكلام على التسارع.... التيربو ديزل ز البنزين بالظبط في التسارع....

[Metastable]

مفيش كلام بعد كلامك يا أستاذ مينا والله
بس الديزل مشكله بالنسبه لي في الصيانه .. معرفش ميكانيكي ديزل خالص
و كمان في واحد قاللي كل كام كيلو لازم تغير له طرمبه .. و حاجات تانيه .. و دي بتعدي الالف جنيه
وسعر موتور الديزل عالي ... ده لو فيه شاحن توربيني يبقي اكيد سعره اعلي و اعلي ..
البنزين .. زي ما الناس بتقول ... اللي نعرفه احسن من اللي منعرفوش

[M!NA]

مفيش كلام بعد كلامك يا أستاذ مينا والله
بس الديزل مشكله بالنسبه لي في الصيانه .. معرفش ميكانيكي ديزل خالص
و كمان في واحد قاللي كل كام كيلو لازم تغير له طرمبه .. و حاجات تانيه .. و دي بتعدي الالف جنيه
وسعر موتور الديزل عالي ... ده لو فيه شاحن توربيني يبقي اكيد سعره اعلي و اعلي ..
البنزين .. زي ما الناس بتقول ... اللي نعرفه احسن من اللي منعرفوش

لو على ميكانيكي الديزل... دي بسيطة أوي...

أنا ممكن أعرفك على ميكانيكي للشغل الخفيف... و ميكانيكي تاني للشغل التقيل - بتاع عمرات مواتير و فتايس...

بالنسبة للديزل هو فيه صفة مختلفة عن البنزين...

لو عندك مشكلة في الموتور بتروح لميكانيكي... لو عندك مشكلة في الطرمبة بتروح لبتاع طرمبات.... (يعني الموضوع متخصص شوية)

اللي قاللك أن الطرمبة بتتغير بعد كذا كيلومتر دا مع احترامي ليه... بس معلوماته غلط....
لسة الاسبوع اللي فات كنت عند واحد بتاع طرمبات بسأل على حاجة و شفت عنده عربية لاند كروزر تعلب (زي بتاعتي) أول مرة طرمبتها تتفك و كانت عاملة فوق ال600 ألف كيلومتر......

العربية الديزل لو عايز تعتني بيها... غيرلها فلتر الزيت - عشان تحافظ على الموتور...
و غيرلها فلتر الجاز - عشان تحافظ على الطرمبة... و طبعا الزيت تغيره قبل ميعاده....

غير كدا أنتا معندكش بوجيهات ولا تعقيدات كهربا كتيرة... الموتور بسييييييط جدا... و بعيد عن أي تعقيد.....

أنا بنصحك بعد تجربة الاتنين... (البنزين و الديزل) و بعد ما شفت الفرق... في كل حاجة....

[Metastable]

شكرا يا استاذ مينا علي اهتمامك ...
بس عندي سؤال كمان ..
انا مش بطلع الجبال والغرز مش مهم اوي بالنسبالي ..
بس انا بتاع جري
بحب اجري جامد ع الطرق السريعه ..
هل الديزل يناسبني ؟
هو موتور اللاند كروزر بتاعتك كام سي سي و موديل كام .. و لو استيراد و حاله جيده .. ممكن يعمل كام ؟
و هل ممكن الاقي ديزل تربو ؟ .. و متوسط اسعاره ايه ؟

شكرا .. و اسف ع ازعاجك بكتر الاسئله ..

[M!NA]

شكرا يا استاذ مينا علي اهتمامك ...
بس عندي سؤال كمان ..
انا مش بطلع الجبال والغرز مش مهم اوي بالنسبالي ..
بس انا بتاع جري
بحب اجري جامد ع الطرق السريعه ..
هل الديزل يناسبني ؟
هو موتور اللاند كروزر بتاعتك كام سي سي و موديل كام .. و لو استيراد و حاله جيده .. ممكن يعمل كام ؟
و هل ممكن الاقي ديزل تربو ؟ .. و متوسط اسعاره ايه ؟

شكرا .. و اسف ع ازعاجك بكتر الاسئله ..

التيربو ديزل بتاع جري جدا ... لكن الديزل العادي مش هيساعدك أوي في النقطة ديه...

موتور عربيتي متفكرش فيه... غالي جدا... و مش بتاع جري... التيربو منه بيجري جامد... بس برضه غالي

سعره استيراد بيتراوح ما بين 30 - 35 ألف جنيه....

لو بتفكر في حاجة تيربو ديزل كويسة ممكن موتور التويوتا الهايلوكس.... و دا في حدود العشرينات....

بس مميزاته أنه جديد... و تيربو... و عليه كل حاجته - تكييف... باور...

[Metastable]

20 كتير جدا
ده تمن عربيه تانيه لوحده
بس الف شكر ليك يا أستاذ مينا علي ردودك

[M!NA]

20 كتير جدا
ده تمن عربيه تانيه لوحده
بس الف شكر ليك يا أستاذ مينا علي ردودك

مش كتير على الآداء اللي هيديهولك الموتور ده....

الموتور ده راكب في الهايلوكس (النص نقل) و الهاي إيس (الميكروباص) و طبعا آدائهم معروف و بنشوفه كلنا من ناحية التسارع و العزم و حتى قوة التكييف....

مش خسارة فيه لو فعلا بتفكر تعمل عربية لنفسك و تقنيها... بس المهم تتأكد الأول من مقاس الحوض و أنه ممكن ييجي فيه من غير مشاكل....

[Metastable]

معلش طيب سؤال كمان ...
هي التويوتا منزلتش محركات بنزين و فيها شاحن تربو ؟

[M!NA]

معلش طيب سؤال كمان ...
هي التويوتا منزلتش محركات بنزين و فيها شاحن تربو ؟

بصراحة معنديش فكرة... بس أصلا لو عايز سرعة و عزم و كل حاجة... يبقا خليك في موتور الرانجلر الأصلي.. ما دام كدا كدا هتخليها بنزين....

لكن عشان تشيل بنزين و تسقط بنزين... مش هتبقا فكرة صائبة يعني...

[Metastable]

موتور الرانجلر الاصلي قوي جدا فعلا ..
بس مشكلته في الاستهلاك
انا معايا ال 4 ليتر ... انا لو حبيت اخوف الناس اللي حواليا بس بصوت الموتور و ادوس شويه ع الاكسراتير .... مؤشر البنزين بيتحرك في ساعتها ..
الفكره في محركات التيوتا ... هي انها موفره .. و فطع غيارها ارخص من الرانجلر شويه ..
ده وجهه نظر كتير من الناس

[M!NA]

موتور الرانجلر الاصلي قوي جدا فعلا ..
بس مشكلته في الاستهلاك
انا معايا ال 4 ليتر ... انا لو حبيت اخوف الناس اللي حواليا بس بصوت الموتور و ادوس شويه ع الاكسراتير .... مؤشر البنزين بيتحرك في ساعتها ..
الفكره في محركات التيوتا ... هي انها موفره .. و فطع غيارها ارخص من الرانجلر شويه ..
ده وجهه نظر كتير من الناس

يبقا دور على حاجة تويوتا 6 سلندر بنزين

عشان أي 4 سلندر هيبقا تعبان...

بس صدقني الاستهلاك هيكون عالي برضه...

التويوتا في المحركات البنزين الكبيرة بتكون سفااااااااااحة....