سؤال بخصوص الكروسيه الكامل للشاسيه الوسط

[Ahmed_Gallant]

انا معايا جيب موديل 80 الفوانيس المدوره الشاسيه الوسط كنت عايز اعرف اسعار الكروسيه كامل بس الفوانيس المدوره والمربعه يكون كامل بالسقف والابواب والزجاج والتابلوه وكل حاجه بما فيها كمان قطمه الدركسيون انا عارف مكان البيع وهو شارع الجسر بس ارجو الافاده فى موضوه الاسعار عشان محدش يعمل شغل عليا
انا معايا الشاسيه معدل من 4*4 لموتور تويوتا 200سى سى خلفى والضريبه واستهلاك البنزين زى الفل وانصح بالتويوتا للتوفير فى البنزين

[M!NA]

سيبك من شارع الجسر في موضوع الكروسليه ده...

جرب الأول انزل اسأل عند مكرم (وكالة البلح) - خلف البنك الأهلي....

و لو مالقيتش... انزل بلبيس... (بس اديني فرصة أسأللك كويس عن مين أحسن حد هناك عشان تروحله علطول)

[Ahmed_Gallant]

سيبك من شارع الجسر في موضوع الكروسليه ده...

جرب الأول انزل اسأل عند مكرم (وكالة البلح) - خلف البنك الأهلي....

و لو مالقيتش... انزل بلبيس... (بس اديني فرصة أسأللك كويس عن مين أحسن حد هناك عشان تروحله علطول)

مشكور لاهتمامك بالموضوع ومستنى ردك والله الموفق

[Metastable]

انا كنت من اسبوع في شارع جسر البحر
في عربيه رانجلر لونها زيتي غامق كده موجوده هناك .. لقيتها نصين موجوده علي الارض ... كانت cj-7
سألت عليها
وطبعا الراجل بعد البقين المعتادين ... عشان خاطرك يا باشا و بيه و كلام من ده
السياره كامله بدون موتور و فتيس ... بس الباقي كله كامل
بعشرين الف ..

سبته و مشيت بعدها ...

بس انا لي سؤال لحضرتك
موتور التيوتا اللي عندك .. ممكن تديني بياناته او اي معلومات عنه ؟
.... انا بصراحه بدور حاليا علي موتور تيوتا 2000 سي سي
موديله كام
سعره
بيركب اصلا علي انهي تويوتا ...
وشكرا ..

[M!NA]

انا كنت من اسبوع في شارع جسر البحر
في عربيه رانجلر لونها زيتي غامق كده موجوده هناك .. لقيتها نصين موجوده علي الارض ... كانت cj-7
سألت عليها
وطبعا الراجل بعد البقين المعتادين ... عشان خاطرك يا باشا و بيه و كلام من ده
السياره كامله بدون موتور و فتيس ... بس الباقي كله كامل
بعشرين الف ..

سبته و مشيت بعدها ...

بس انا لي سؤال لحضرتك
موتور التيوتا اللي عندك .. ممكن تديني بياناته او اي معلومات عنه ؟
.... انا بصراحه بدور حاليا علي موتور تيوتا 2000 سي سي
موديله كام
سعره
بيركب اصلا علي انهي تويوتا ...
وشكرا ..

20 ألف دا تمن العربية من غير موتور و فتيس... طيب هل فيها الكوارين و الكرادين؟؟

هو في جميع الحالات... كتير....

أنا اللي أسمعه أن الكروسليه كله بيعمل 10-12

[Metastable]

اه والله يا أستاذ مينا ... كتير جدا
الراجل قعد يقوللي في الاول عشان خاطرك و بتاع ..
العربيه كامله بدفرانستها بكردانها ... بدواخلها و فرشها و الضفيره .. الباقي كله كامل .. قاللي كده و انا متأكد مليون في الميه حتي لو اخدتها منه ... هلاقي وانا شغال حاجات ناقصه .. ده سوق بقي
انا سيبت الراجل و مشيت من غير تفاهم والله .. 20 كتير ...
ده غلب ال بي ام دبليو موديل 91 ... كانت كامله مقصوصه بموتورها و كله ب 17

[M!NA]

طيب بالنسبة للموتور... ليه مافكرتش تسقط حاجة ديزل؟؟

[Ahmed_Gallant]

انا نزلت شارع الجسر وقعدت ادورعلى الناس بتوع قطع الغيار لقيت واحد اسمه مؤمن جيب وتقريبا هو العريس بتاع الليله والباقى ناس بتوع جيب برده بس على قدهم مع ان اسعارهم احلى منه بكتير المهم قابلت مؤمن نفسه وكان راجل زوق جدا وكنت حاسس انه عايز يكرمنى ويدينى الحاجه باسعار لقطه بس مكنشى رادى يدينى اسعار قبل ما اتفرج على اللى انا عايزه مكنشى معايا العربيه رحت وصفتلو ان معايا الشاسيه الوسط وتقريبا هى نادره شويه راح مفرجنى على 3 عربيات او 4 شاسيه وسط منهم اللى متظبط ومتعدل ومنهم اللى لسه على صاج السمكره اتفرجت على كرسين جيب جلد قاللى 1000 جنيه تقريبا او 1500 والكنبه ب600 والرفارف بالكبوت الكشاف المربع ب2500 انا اتصدمت بصراحه والبابين ب4000 جنيه سالتو امال لو اشتريت العربيه تجميه تخش فى كام قاللى كشاف مربع وموتور اصلى بتاعها تخش من 30 ل40 سالت على كام حاجه تانيه ونسيت اساله على سوسته الامريكى وجوز المساعدين اللى اصلا انا كنت نازل عشانهم خدت رقم تليفونه هو وواحد كمان جنبه وفلسعت تقدروا تقولوا انا اتنقطت لما سمعت سعر الكنبه خصوصا انى محتاجها جدا وبفكر جديا انى اشترى كنبه فيات او حتى افصل اى حاجه يا ريت تنصحونى بخصوص الكنبه وسعر السوسته وجوز المساعدين

[Ahmed_Gallant]

انا كنت من اسبوع في شارع جسر البحر
في عربيه رانجلر لونها زيتي غامق كده موجوده هناك .. لقيتها نصين موجوده علي الارض ... كانت cj-7
سألت عليها
وطبعا الراجل بعد البقين المعتادين ... عشان خاطرك يا باشا و بيه و كلام من ده
السياره كامله بدون موتور و فتيس ... بس الباقي كله كامل
بعشرين الف ..

سبته و مشيت بعدها ...

بس انا لي سؤال لحضرتك
موتور التيوتا اللي عندك .. ممكن تديني بياناته او اي معلومات عنه ؟
.... انا بصراحه بدور حاليا علي موتور تيوتا 2000 سي سي
موديله كام
سعره
بيركب اصلا علي انهي تويوتا ...
وشكرا ..

بس انا فعلا معرفشى حلجه عنه غير انه تويوتا 90 والباور بتاعه غريب جدا انعم من عربيه اخويا الميجان بدون مبالغه وزيت مش كهربه بس مبيتقلشى على السرعات وده عيب خطير تانى حاجه انا هجيب المعلومات الازمه عنه واكتبها فى نفس الموضوع عشان نستفاد كلنا بس بصراحه استهلاكه لا يذكر بالنسبه للجولف ال2000 سى سى اللى كانت عندى مكنه موديل 85

[M!NA]

انا نزلت شارع الجسر وقعدت ادورعلى الناس بتوع قطع الغيار لقيت واحد اسمه مؤمن جيب وتقريبا هو العريس بتاع الليله والباقى ناس بتوع جيب برده بس على قدهم مع ان اسعارهم احلى منه بكتير المهم قابلت مؤمن نفسه وكان راجل زوق جدا وكنت حاسس انه عايز يكرمنى ويدينى الحاجه باسعار لقطه بس مكنشى رادى يدينى اسعار قبل ما اتفرج على اللى انا عايزه مكنشى معايا العربيه رحت وصفتلو ان معايا الشاسيه الوسط وتقريبا هى نادره شويه راح مفرجنى على 3 عربيات او 4 شاسيه وسط منهم اللى متظبط ومتعدل ومنهم اللى لسه على صاج السمكره اتفرجت على كرسين جيب جلد قاللى 1000 جنيه تقريبا او 1500 والكنبه ب600 والرفارف بالكبوت الكشاف المربع ب2500 انا اتصدمت بصراحه والبابين ب4000 جنيه سالتو امال لو اشتريت العربيه تجميه تخش فى كام قاللى كشاف مربع وموتور اصلى بتاعها تخش من 30 ل40 سالت على كام حاجه تانيه ونسيت اساله على سوسته الامريكى وجوز المساعدين اللى اصلا انا كنت نازل عشانهم خدت رقم تليفونه هو وواحد كمان جنبه وفلسعت تقدروا تقولوا انا اتنقطت لما سمعت سعر الكنبه خصوصا انى محتاجها جدا وبفكر جديا انى اشترى كنبه فيات او حتى افصل اى حاجه يا ريت تنصحونى بخصوص الكنبه وسعر السوسته وجوز المساعدين

ايه الأسعار ديه؟!!!!!!!

دا واضح أنه فعلا عايز يكرمك و يديلك الحاجة بسعر لقطة !!!!!!!!!!!!!!!!

يا باشا الكلام اللي بتقول عليه ده مبااااااااااااااااااااالغ فيه جداااااااااااااااااااااااااااااا

نزلت عند مكرم في وكالة البلح؟؟

ياريت لو تنزل و تقوللي النتيجة....

و أنا هرجعلك قريب بخصوص تجار الاستيراد في القناطر و في بلبيس...

[Ahmed_Gallant]

ايه الأسعار ديه؟!!!!!!!

دا واضح أنه فعلا عايز يكرمك و يديلك الحاجة بسعر لقطة !!!!!!!!!!!!!!!!

يا باشا الكلام اللي بتقول عليه ده مبااااااااااااااااااااالغ فيه جداااااااااااااااااااااااااااااا

نزلت عند مكرم في وكالة البلح؟؟

ياريت لو تنزل و تقوللي النتيجة....

و أنا هرجعلك قريب بخصوص تجار الاستيراد في القناطر و في بلبيس...

انا ان شاء الله هنزل واقولك بس انا منزلتش وكاله البلح غير مره واحده يا ترى مكرم ده قريب من الشارع ولا لا والمفروض الاسعار تكون كام تقريبا يعنى الكنبه والمساعدين وكده عشان ابقى عارف وميتعملشى عليا شغل

[M!NA]

انا ان شاء الله هنزل واقولك بس انا منزلتش وكاله البلح غير مره واحده يا ترى مكرم ده قريب من الشارع ولا لا والمفروض الاسعار تكون كام تقريبا يعنى الكنبه والمساعدين وكده عشان ابقى عارف وميتعملشى عليا شغل

انزل اسأل عند مكرم (وكالة البلح) - خلف البنك الأهلي....

الأسعار ديه تقدر تعرفها من اللف الكتير....

و خدها قاعدة... مفيش تاجر بيقولك سعر نهائي... اللي بيقوللك 20 ألف قوللو أنا معايا 8 آلاف بس... هتوصلوا مع بعض لحد 12 في الآخر...
اللي يقولك 15.. قوللو أنا معايا 5... يقولك ماينفعوش.. قوللو طب أدفعهم و أبعتلك الباقي... طب أنا ممكن أزودهم لحد 6... 7... و هكذا...

فصال يعني... هتلاقي نفسك بتنزل أكتر من تلت السعر اللي قالهولك في الأول...

[sava]

انت نزلت عند مؤمن مين فيهم؟؟
الدكتور و لا صلاح ولا احمد
عموما الكراسي اللي انت بتتكلم عليها دي انا جبتها من عنده ب 400 جنيه و البابين جبتهم ب 1600 فاضيين و 2400 كامليين
هو مؤمن كده يقولك الحاجه ب 1000 تقولوا هاخدها ب 300

[sava]

يا ريتك يا استاذ مينا تعرفلنا تجار استيراد الجيب فين
انا اعرف واحد صاحبي جاب عربيه جيب رانجلر موديل 1997 نصفين بالماكينه و الفايبر و كل حاجه كامله فيه مش ناقصها حاجه خالص ب 21 الف
بس تقريبا مش بترخص

[sava]

يا ريتك يا استاذ مينا تعرف لنا تجار استيراد الجيب فين
واحد صاحبي جاب عربيه جيب رانجلر نصفين كامله مش ناقصها حاجه خاص (بالماكينه و الفايبر و كل حاجه) ب 21 الف بس تقريبا مش بترخص