عايز اشتري جيب ليبرتي

[mahmoud0007]

مينا با شا
صباح الفل يا غالي ياعم عيني عليك بارده صيتك مسمع بالخير وواصل عندنا المعادي
فبعد اذنك انا عايز مساعدتك في حاجه بسيطه كده لو تكرمت
عايز اشتري جيب ليبرتي م تنصحني بايه؟؟؟؟؟؟؟؟؟؟؟؟؟
مع العلم انا عيزها لاستعمال العائلي داخل المدينه بالاضافه الى ان انا مشاويري مش اكتر من البيت والشغل
ومش غاوي اعطال عربيات.............يعني موديل ما يتعبنيش
ياريت الاقي مساعده من حضرتك واكزن شاكر ليك افضالك
معلش طولت عليك يا ريت لو تدلني على اماكن الليبرتي بيع وشرا
شكرا
اخوك..... د. محمود

[M!NA]

أهلا بيك يا دكنور محمود.... أولا اتشرفت بمعرفتك ... و أشكرك على الكلام الجميل ده... :-)
دا كلام كبير عليا و أنا ماستاهلوش...

بص يا سيدي... أنا منصحكش بالليبرتي من أساسه.... حتى لو كانت لاستخدام (بيت - شغل) و العكس....

عشان موضوع الثبات...

العربية بتعوم بسهولة جدا,,,,, و من غير ما تكون على سرعات أصلا... :-))

بس قوللي... ايه اللي لفت نظرك لليبرتي؟؟ أو بمعنى أصح... اشمعنا الليبرتي؟؟

هل الشكل الخارجي بس؟

[mahmoud0007]

ربنا يخليك يا استاذ مينا الشرف ليا وبعدين دا حقك ولازم نديهولك
بصراحه شكلها وبرستيجها وسط الشارع المصري وكمان سمعتا ك جيب
بس
لكن بعد كلام حضرتك واللي اكيد نابع من خبرات وتجارب
انا قلبي وجعني
طيب حضرتك تنصحني بايه
انا عايز عربيه عائليه قدر الامكان (انا مهتم جدا بموضوع الارتفاع عن الارض ) توفر ال 4*4 خير وبركه
ما توفرش يبقى نشوف غيرو
وزي ما سبقت وكتبت استعمال هادي بيت - شغل

شكرا لسعه صدرك

[M!NA]

ربنا يخليك يا استاذ مينا الشرف ليا وبعدين دا حقك ولازم نديهولك
بصراحه شكلها وبرستيجها وسط الشارع المصري وكمان سمعتا ك جيب
بس
لكن بعد كلام حضرتك واللي اكيد نابع من خبرات وتجارب
انا قلبي وجعني
طيب حضرتك تنصحني بايه
انا عايز عربيه عائليه قدر الامكان (انا مهتم جدا بموضوع الارتفاع عن الارض ) توفر ال 4*4 خير وبركه
ما توفرش يبقى نشوف غيرو
وزي ما سبقت وكتبت استعمال هادي بيت - شغل

شكرا لسعه صدرك

أولا... أشكرك لثقتك فيَّ...

تاني حاجة... مدام استخدام عائلي ليه محتاج السعة اللترية الكبيرة؟؟

دي هتكلفك بنزين وضريبة... وحضرتك عارف إن في إشاعات عن غلا البنزين... وطبعا دي كلها بتكون مقدمات والنهاية معروفة...

ليه مفكرتش في الفيتارا؟؟ أو التريوس ؟؟
عربيات عليا عن الأرض... واسعة... مريحة... ومع كل ده... السعة الليترية صغيرة....
عموما... النقاش مفتوح... لحد ماترسى على حاجة... عشان أقولك اللي ليها واللي عليها... حسب ماأعرف...

[eng.octooo]

احب اضيف على كلام مينا ...ان كل ما العربية تعلى عن الارض الثبات بيقل ........وفية اشاعة مصرية صميمة ان العربيات ال4*4 حلوة ومريحة فى السفر ................ طبعا الاشاعة دى غلط لان العربيات ال 4 *4 مش مريحة زى العربيات السيدان فى الطرق السريعة

الا لو بنتكلم عن الاx3.x6.tigwan.gmc.armada .land rover والحاجات دى

[yasserit]

انا اعترض على تعميم عدم ثبات السياره كلما ارتفعت من على الارض و ايضا الراحة على طرق السفر لان الرانجلر الجديدة ثباتها كويس جدا على السرعات و كمان مريحة على طرق السفر لدرجة ان الواحد ممكن يسافر مثلا مطروح او الغردقة ومن غير راحة و بشكل متواصل لكني اتفق مع مينا في موضوع الليبرتي ان ثباتها وحش و فعلا مش مريحة على طرق السفر خالص

[mummy_47]

طيب الشيروكي الجديدة ام الرانجلر افضل من ناحية الثبات واعادة البيع

[M!NA]

طيب الشيروكي الجديدة ام الرانجلر افضل من ناحية الثبات واعادة البيع

سؤال جميل...

بس المشكلة... أن محدش لسة لحق يبيع الرانجلر... فسعر اعادة بيعها مش واضح لسة...

بي بصفة عامة... الجيب الأمريكاني بيخسر جامد في البيع...

الشيروكي لما كانت بتتباع بحوالي 320 ألف زيرو... كانت بتتباع بعدها بسنة ب 260 -270 ألف...

و بتكون جديدة و مامشيتش كتير...

[yasserit]

طيب الشيروكي الجديدة ام الرانجلر افضل من ناحية الثبات واعادة البيع

بص يا سيدي من ناحية سعر اعادة البيع اكيد هيا احسن من الشيروكي و دا نظرا لفارق السعر بينهم اللي حوالي 100 الف زيادة و كمان انا كان قدامي واحده عامله حوالي 10 الاف كيلو و باعها ب 128
بالنسبة للثبات لا توجد مقارنة اساسا بين ال2 لاني لما جربت ال 2 لما كنت بختار ما بينهم كنت بنزل من واحدة و اركب ال تانية في نفس الوقت و اجرب في الاسفلت و طريق غير ممهد فا كنت بلاقي ان الرانجلر متفوقة في الثبات بشكل واضح جدا

[mummy_47]

سؤال جميل...

بس المشكلة... أن محدش لسة لحق يبيع الرانجلر... فسعر اعادة بيعها مش واضح لسة...

بي بصفة عامة... الجيب الأمريكاني بيخسر جامد في البيع...

الشيروكي لما كانت بتتباع بحوالي 320 ألف زيرو... كانت بتتباع بعدها بسنة ب 260 -270 ألف...

و بتكون جديدة و مامشيتش كتير...

واضح ان ديه حالة عامة في العربيات الغالية..حتى المرسيدس والبي ام بتخسر جامد...وكمان انا لاحظت ده في الباجيرو يعني مو 2006 ب 300 الف ومو 2005 ب 270 الف ..والواحد لو فضل يستنى الاسعار ويفكر في اعادة البيع عمره ما هيشتري...لكن انا شايف انه من باب التوفير يشتري كسر زيرو...

[mummy_47]

بص يا سيدي من ناحية سعر اعادة البيع اكيد هيا احسن من الشيروكي و دا نظرا لفارق السعر بينهم اللي حوالي 100 الف زيادة و كمان انا كان قدامي واحده عامله حوالي 10 الاف كيلو و باعها ب 128
بالنسبة للثبات لا توجد مقارنة اساسا بين ال2 لاني لما جربت ال 2 لما كنت بختار ما بينهم كنت بنزل من واحدة و اركب ال تانية في نفس الوقت و اجرب في الاسفلت و طريق غير ممهد فا كنت بلاقي ان الرانجلر متفوقة في الثبات بشكل واضح جدا

فين تقريرك يا استاذ ياسر..حضرتك نسيت ولا ايه...بصراحة انا شفت الرانجلر راكنة جنب بنك فلفتت نظري جدا فرحت لفيت وفضلت ابص عليها جامد..فعلا قوية جدا..لكن هل فيها ثلاجة ..وهل الكراسي قابلة للطي..

[yasserit]

معلش يا معلم والله غصب عنيانتا عارف بقى رمضان و السنادي كمان اصعب من كل سنه و الواحد مش لاحق يعمل حاجه خالص
ايوة فيها ثلاجة و الكراسي قابلة للطي و على العموم احنا جيران و بدل ما تقعد تبص على العربيه في الشارع انا تحت امرك و ممكن نتقابل و تتفرج على العربية براحتك.

[mummy_47]

يا سلام عليك يا استاذ ياسر..كلك ذوق والله....

[yasserit]

يا سلام عليك يا استاذ ياسر..كلك ذوق والله....

على ايه يا معلم ،،،
و على فكره دي مش عزومة مراكبيه ولا حاجه وانا مستنيك تكلمني و نتقابل فعلالو تحب