الجيب جيب برضة يرجالة

[egyptexpert]

السلام عليكم ورحمة الله وبركاته
النهاردة حااقول كلام للي نفسة في جيب وخايف
بصراحة اليومين دول مع تقلب الجو والمطر وزحلقة الطرق حسيت اني املك شئ فريد
جيب ليمتد 6 سلندر مع فتيس غيار ثالث لتعشيق الرباعي وال abs
كله حوليا محتاس والحمد لله كنا بنعدي والناس اعوذ بالله نازل فينا حسد انا واصحاب المقام العالي منهم اللي غارز واللي تحول لغواصة واللي بيتعلم الطفو وعدنا ياريس عدنا
بصراحة انا مبسوط علشان عندي عربية جيب
ومعلش لو كنت غلس معاكم ولا حاجة بس اللي حايقدر كلامي الرجالة اللي معاهم جيب ومشيوا بيها في يومين المطر دول صح
اخوكم الخبير المصري

[ALMAGICO]

انا متفق معاك ياباشا فعلا الجيب شيروكى عربية جبارة بكل المقاييس رغم ان فى ناس كتير بتشكك فى قدرات العربية دية الجيب شيروكى اسطورة الدفع الرباعى وانا مبقلش ان العربية كلها مزايا ورغم ان اللى ساقها هيحس ان العربية كلها مزايا ومش هيطلع عيب فيها

[beetleMOSH]

بصراحه عربيه جباره ما شاء الله
سقتها قبل كده الشيروكى الجديده
4.7 على ما افتكر
بس وهم وهم وهم
كيك دوان بتاعها غشـــــــييـــــــــم :)
و الرانجلر برضه حلم حياتى
و هى دى العربيات اللى تنفع فى مصر اصلا و تنفع اوى فى الجو ده

[dr.hazem]

فعلا العربيات الجيب ملهاش حل
احساس مختلف تماما
ايا كانت فعلا ليها طعم تاني

اخر عربية عاليه سقتها كانت الفورد اكسبلورار

صباح الوهم ما شاء الله

ربنا يبعتلنا واحده من عنده ولا حتة شيروكي رانجلر

على قولة واحد اعرفه
اللهم انا نسألك الآخرة
ههههههههههههههههههههههههههه


تحياتي

[hazem_oh]

عندك حق بصراحة ماتور جبار وعفشة قوية وتستحمل الطرق بتاعتنا

ربنا يرزقنا ويرزق كل واحد نفسه في واحدة وخاصة الأخ hm414 ههههههه

[foxfoxfox1]

ياجماعة كنت عايز اعرف مميزات جيب رانجلر 2011 لانى بفكر اجيبها وداخلة دمغاى اوى ياريت الافادة وايه اخبار ثباتها

[abdalah_hashem]

يا باشا الجيب جيب بردة :d ههههههههههههه زى مانت قولت والا مكانوش سموها جيب

[silverlite]

كنت بفكر فى الشيروكى-96...99 و بعدين وانا راجع من العجمى عديت من شيروكى ماشيه على سرعه 100 تقريبا ..-لانى لا اتعدى سرعه 140 .- و صوتها عالى و خلاص بتتقطع !!و كانها فيات - مع احترامى لل 128!!- ..المهم الموقف ده خلانى اغير راى فيها تماما و حسيت انها مش ناعمه-بالمقارنه باليابانى- و دوشه على الفاضى ..

[ALMAGICO]

انا هقول لحضرتك على حاجة
لو انا معايا 128 مع كل الاحترام لمالكيها وعديت من بى ام ولا مرسيدس
هل دة معناة ان انا اسرع منهم
يبقى ان انا اعدى من عربية مينفعش يبقى منطق يتبع للحكم عليها
ثانيا حضرتك بتقول ان العربية كانت بتتقطع يمكن صاحبها مطلع عينها وحالة العربية مش ولا بد
ويمكن صاحبها بيحرق الغيار وبينقل على rpm عالى
ثالثا حضرتك بتقول صوتها عالى لو مكنش دة طبيعة العربية يبقى فى حاجة غلط فى العربية نفسها
فانا من وجهة نظرى البسيطة ان مينفعش احكم على عربية مش عارف حالتها لان ممكن تكون العربية متبهدلة
والدليل على كدة ان عربيتى كنت بجيب بيها 140 واكثر
وفى النهاية لو حضرتك غاوى سرعة عالية وعايز ثبات العربية السيدان يبقى ابعد عن اى عربية دفع رباعى
لانها مش مخصصة للجرى
اسف على الاطالة
واللة اعلى واعلم فيما قلت

[حماده المصري]

الفرق الجوهري بين الجيبات بكل انواعها والسيدان العادي

هوه قوه التحمل بكل المقايس سفر طرقات بكل انواعها بكيلومترات خرافيه والمتور ميتفرهدش يادوب كانه لسه صاحي من النوم

كل الجيبات زمان الثبات بتاعها وحش وردئء انما بعد ثوره ال x5 اول مانزلت لانها كانت اول عربيه جيب بمميزات خرافيه ومعاها ال رانج روفر خلت الشركات كلها تغير مفهومه وتصنيعها في عربياتها الجيب


وعموما انت بتقول شوفت جيب وحشه طب ياترى شوفت كام جيب حلوه؟؟؟
والموديل ده بالذات حلو والدليل ان امن الدوله والرئاسه بيستعملوه لحد دلوقتي كمان

بص اي عربيه تلاقيها مع اي جهه حكوميه اعرف انها عربيه ممتازه

[foxfoxfox1]

طيب كنت عايز اسال حضرتك ايه رايك فى جيب رانجلر 2011 وايه اخبار ثباتها ومميزاتها وعيوبها لانى متحير بينها وبين الباسات 2011 لاكن الجيب عضمها قوى جدااااا

[abou-yahia]

انصحك بلشيفورليه الكابتيفا