jeep wrangler

[waleedelpiloot]

السلام عليكم يا رجالة جاركوا من قسم الكيا الى هوة انا معروض علية
جيب رانجلر موديل 97
v6
4000 cc
نبيتى وشكلها فاجر مفيهاش خدش ومن جوة فرش جلد جامد وطابلوة زى الفل
تعملها كام دى يا رجالة انا عايز اعرف قبل ما اكلموا؟؟؟؟؟ انهاردة ياريت تردوا عليا

[waleedelpiloot]

Uploaded with ImageShack.us

دى الصورة وطالب56 الف وممكن ينزلوا اية رايكوا؟؟

[waleedelpiloot]

ايية يا رجالة حد يقولى طيب لو سالت فى قسم غلط :dd

[Eslam.Elrefaey]

بس انا مش عايز افتى بس العربية مادام بتقول نظيفة توكل على الله

[waleedelpiloot]

الحمدالله ان حد رد عليا فى الصحرا دى :ddd
شكرا لرد حضرتك
انا عايز حد فاهم فى الموضوع واسعار العربيات دى

[mmffor]

55 - 60 الف جنيه لو فابريكة

[Mik_t4]

انا من رئيي انها غالية وكمان هتسحب بنزين كتير اوي اوي غير الضرايب وقت الترخيص ومش عائلية
بس لو انت حاببها دي حاجة تانية
لو بتدور علي عربية نضيفة ممكن ارشحلك عربيات علي الخاص لو تحب بس ابق ابهتلي

[mmffor]

ما تقول على العام طيب و كلنا نستفيد

[Mik_t4]

اصل العربيات الي هقولها مش نفس الفئة خالص

[M!NA]

أولا.... خلي في اعتبارك الضريبة و التأمين و اللي هيكلفوك سنويا 1500 تقريبا (اجمالي)
تاني نقطة... استهلاك البنزين... هيكون من 100-120 كم في الصفيحة.....

و على فكرة الموتور 4000 سي سي بس عدل... على خط واحد... مش v يعني....

ثالثا... مش هتقدر تستخدم بنزين 80... عشان العربية دي انجكشن.... ديه العيوب....

رابعا... العربية بابين بس... يعني مش عائلية....

المميزات بأة.....


مفيش أي قلق من أي عربية مهما كانت.... ميكروباص...توك توك ... نص نقل.... بيجو.... 125.... لادا....
كل اللي كان متسببلك في الرعب زمان انساه..... دوس و ماتفكرش اصلا.....

انسى موضوع ان الباب يحك في الرصيف عشان الرصيف عالي... لأن دايما الباب هيكون أعلى....

ممكن تروح بيها أي مكان..... مهما كان فيه مطبات... رمله... تراب... طين.... من غير أي قلق أو خوف.....

القرار قرارك.... و دا يرجع لأي كفة هترجحها... المميزات ولا العيوب.....

[mmffor]

استهلاك الوقود عالي فعلا

[gomgoma22]

ال 4x4 مزاااااااااااج
هتركب جيب يبقي بتركب لمزاجك متفكرش ف بنزين او ضريبه او غيره

[atefadel]

طيب هل ممكن يركب فيها ماتور 2000 سي سي
لتوفير الوقود

[M!NA]

طيب هل ممكن يركب فيها ماتور 2000 سي سي
لتوفير الوقود

الموتور ال4 سلندر بتاعها ضعيف عليها.... و هو 2500 سي سي
أحسن شيء للي يحب يركب الرانجلر و يستمتع بيها..... حاجتين....
اما يركبها بالموتور ال6 سلندر و ينسي موضوع البنزين....
أو يسقطلها موتور ديزل.... و دا هيلف بيه العالم و هيلاقي نفسه دافع تراب الفلوس في السولار....

[atefadel]

طيب هو مفيش جيب رانجلر 2 باب زيرو
انا شفتها زيرو من شهرين في النمسا
انا سألت في المرور في م نصر قالي مش هتترخص لو الماتور مش نفس ماركة العربية