الشيروكي مزايا وعيوب

[dr_mim81]

سلام عليكم
يا جماعة انا كنت عايز منكم مساعدة عاجلة من فضلكم
انا كنت عايز اجيب عربية جيب وكانت عجباني الشيروكي الشكل الجديد الليمتيد
وكنت عايز اعرف اية هي مزايها وعيوبها؟
ولو حبيت اقارنها بالنيسان الاكس تريل اية الافضل؟
واسف جدا علي الاطالة؟

[إبراهيم المصرى]

متابع

[dr_mim81]

اية يا جماعة اي حد يرد عليا

[_medo]

ياااااريت حد يفدنا في موضوع استهلاك البنزين
متاااااااااااابع..............

[M!NA]

سلام عليكم
يا جماعة انا كنت عايز منكم مساعدة عاجلة من فضلكم
انا كنت عايز اجيب عربية جيب وكانت عجباني الشيروكي الشكل الجديد الليمتيد
وكنت عايز اعرف اية هي مزايها وعيوبها؟
ولو حبيت اقارنها بالنيسان الاكس تريل اية الافضل؟
واسف جدا علي الاطالة؟

لو المقارنة بينها و بين النيسان اكس تريل....

الشيروكي 3700 سي سي بنزين.... موتور v
النيسان 2500 سي سي بنزين....

كدا النيسان تكسب في الوفر (لأنها أقل سعة لترية)

الاتنين أوتوماتيك....

تكييف الياباني غني عن التعريف....

الشيروكي شعبيتها أكبر.... و بالتالي في البيع هتكون أسهل....

باختصار... لو عايز تركب و متبيعش.... هات النيسان....
أما لو ناوي تبيع قريب... هات الشيروكي (بس هتخسر برضو معاك في البيع..... و ان كانت هتتباع أسرع)

أفضل استهلاك للشيروكي (عالطوالي) كان 15 لتر لل100 كم
أما متوسط داخل البلد و بالتكييف و الزحام... فكان 18-19 لتر لل100 كم - الكلام دا عن تجربة....

النيسان معرفش بصراحة استهلاكها..... بس بحكم السعة اللترية الأقل مفترض تكون أوفر....

[إبراهيم المصرى]

افادكم الله يا استاذ مينا على المعلومات القيمه بس ياريت لو تقلنا اى معلومات عن اسعار قطع الغيار يعنى هى فى العادى ولا عاليه اوى والتصليح عند اى ميكانيكى امريكانى ولا لازم مراكز صيانه وايه مشاكل الشروكى ومميزاتها

[_medo]

لو المقارنة بينها و بين النيسان اكس تريل....

الشيروكي 3700 سي سي بنزين.... موتور v
النيسان 2500 سي سي بنزين....

كدا النيسان تكسب في الوفر (لأنها أقل سعة لترية)

الاتنين أوتوماتيك....

تكييف الياباني غني عن التعريف....

الشيروكي شعبيتها أكبر.... و بالتالي في البيع هتكون أسهل....

باختصار... لو عايز تركب و متبيعش.... هات النيسان....
أما لو ناوي تبيع قريب... هات الشيروكي (بس هتخسر برضو معاك في البيع..... و ان كانت هتتباع أسرع)

أفضل استهلاك للشيروكي (عالطوالي) كان 15 لتر لل100 كم
أما متوسط داخل البلد و بالتكييف و الزحام... فكان 18-19 لتر لل100 كم - الكلام دا عن تجربة....

النيسان معرفش بصراحة استهلاكها..... بس بحكم السعة اللترية الأقل مفترض تكون أوفر....

شكرااا لاهتمامك وردك .... ياريت حضرتك تفدنا في موضوع الضريبه يعني الضريبه للشيروكي ليمتد 2008 او 2009 تكون كام
وبالنسبه لاستهلاك البنزين حضرتك كتبت افضل استهلاك طيب في المتوسط عالطوالي يكون كام واقصى استهلاك عالطوالي وداخل البلد
اسف على الاطاله بس انا اليومين دول بدور على شيروكي بس قلقان من موضوع البنزين ( بتحرك كتير جدا )
وشكرااااا

[M!NA]

افادكم الله يا استاذ مينا على المعلومات القيمه بس ياريت لو تقلنا اى معلومات عن اسعار قطع الغيار يعنى هى فى العادى ولا عاليه اوى والتصليح عند اى ميكانيكى امريكانى ولا لازم مراكز صيانه وايه مشاكل الشروكى ومميزاتها

طالما هتجيب جديد... يبقا الصيانة في التوكيل.... و بعد ما الضمان يخلص... هتكون في أي مركز خدمة معتمد....

اللي بيتصلح عند أي ميكانيكي أمريكاني الموديلات القديمة....

شكرااا لاهتمامك وردك .... ياريت حضرتك تفدنا في موضوع الضريبه يعني الضريبه للشيروكي ليمتد 2008 او 2009 تكون كام
وبالنسبه لاستهلاك البنزين حضرتك كتبت افضل استهلاك طيب في المتوسط عالطوالي يكون كام واقصى استهلاك عالطوالي وداخل البلد
اسف على الاطاله بس انا اليومين دول بدور على شيروكي بس قلقان من موضوع البنزين ( بتحرك كتير جدا ) :m_yes[1]:
وشكرااااا

الضريبة للشيروكي 2008 - 2009 بتكون 2% من سعر العربية و يقل 10% كل سنة....

يعني مثلا معايا واحد صاحبي معاه ال2008
دفع في ال3 سنين 17344 جنيه.... (ضريبة فقط) بدون تأمين

بواقع....
6400 أول سنة
5760 تاني سنة
5184 تالت سنة

ضيف كمان التأمين.... يعني من الآخر تعمل حسابك في 20 ألف و انت رايح المرور..... :)

و أفتكر أنهم عملوا عرض في 2009 أو 2010 تقريبا بترخيص العربية 3 سنين هدية ... عشان تتباع شوية....

[w_downlow]

السلام عليكم...

بالنسبة موديلات التسعينات الضربية كام؟؟؟

[M!NA]

السلام عليكم...

بالنسبة موديلات التسعينات الضربية كام؟؟؟

1140 + التأمين....
حطلها رينج 1500 في السنة (اجمالي بالتأمين و كله)

[dr_mim81]

طب حضرتك لو حبينا نقارن الليمتيد ب bmw x3
البي ام طبعا ولا راي حضرتك اية؟

[w_downlow]

مع الشكر