شيروكي 2003 ؟؟

[Karim_Monir]

مساء الفل
مينا
كنت عايز اعرف الشيروكي ال 2003 لو حالة سليمة تعمل كام دلوقتي
والشكل ده قعد لغاية سنة كام
وموتورها نسبة الانضغاط بتاعتة كام
يعني في المشاوير الطويلة تقبل ميكس بين 80 و 92 ولا لاء
والتانك بتاعها كام ليتر
وقطع غيارها وصيانتها واعتماديتها ايه
انا عارف ان ثباتها وحش وانا بطلت اجري
مش هادخل بيها سبق

[ALMAGICO]

اولا الليبرتى 2003 تعمل فى حدودمن 130 الى 135 الف لو محترمة ونظيفة
ثانيا الشكل دة فضل لغاية سنة 2007
ثالثا نسبة الانضغاط 1:9.1
انا لا افضل خلط البنزين ونصيحة منى بلاش بنزين 80 خالص
بس انا معايا شيروكى 1992 ونسبة الانضغاط عندى 1:9.2
ومكتوب على غطاء التانك بنزين 90 فهل ممكن يتحطلها 90 ؟ انا عن نفسى مش عارف
رابعا التانك بتاعها 70 لتر تقريبا
خامسا بالنسبة لقطع الغيار مقدرش افيد حضرتك
بس حضرتك ممكن تشوف راى باقى الاعضاء
او حضرتك ممكن تنزل شارع شامبليون تسال عن اسعار قطع الغيار
بس اللى انا اعرفة عن تجربة فى عربيتى ان قطع الغيار الاصلية معمرة جدا جدا
واى استفسار انا تحت امر حضرتك
واللة اعلى واعلم فيما قلت

[M!NA]

مساء الفل
مينا
كنت عايز اعرف الشيروكي ال 2003 لو حالة سليمة تعمل كام دلوقتي
والشكل ده قعد لغاية سنة كام
وموتورها نسبة الانضغاط بتاعتة كام
يعني في المشاوير الطويلة تقبل ميكس بين 80 و 92 ولا لاء
والتانك بتاعها كام ليتر
وقطع غيارها وصيانتها واعتماديتها ايه
انا عارف ان ثباتها وحش وانا بطلت اجري
مش هادخل بيها سبق

كريم بيك.... الراجل قال اللي كنت نفسي أقوله تحت....

اولا الليبرتى 2003 تعمل فى حدودمن 130 الى 135 الف لو محترمة ونظيفة
ثانيا الشكل دة فضل لغاية سنة 2007
ثالثا نسبة الانضغاط 1:9.1
انا لا افضل خلط البنزين ونصيحة منى بلاش بنزين 80 خالص
بس انا معايا شيروكى 1992 ونسبة الانضغاط عندى 1:9.2
ومكتوب على غطاء التانك بنزين 90 فهل ممكن يتحطلها 90 ؟ انا عن نفسى مش عارف
رابعا التانك بتاعها 70 لتر تقريبا
خامسا بالنسبة لقطع الغيار مقدرش افيد حضرتك
بس حضرتك ممكن تشوف راى باقى الاعضاء
او حضرتك ممكن تنزل شارع شامبليون تسال عن اسعار قطع الغيار
بس اللى انا اعرفة عن تجربة فى عربيتى ان قطع الغيار الاصلية معمرة جدا جدا
واى استفسار انا تحت امر حضرتك
والله اعلى واعلم فيما قلت

الله ينور عليك....

و أحب أضيف أنها عربية مش اعتمادية خالص..... يعني كثيرة الأعطال و المشاكل....
كنبتها الخلفية ضيقة....
و على فكرة موضوع عدم الثبات و العومان و الانقلاب دا مش لازم تكون بتجري....
أنا قدام عيني عربية ليبرتي اتقلبت و مكانش ماشي على أكتر من 70-80 على أقصى تقدير... (قدام بوابة 6 في الرحاب)
و عن تجربة شخصية لما جربت قيادتها في القرية الذكية (عربية واحد صاحبي) عامت مني في صينية عشان شوية مية في الأرض...!!

عربية بصراحة مثيرة للشفقة.... (أرجو أن محدش من ملاكها يزعل مني أنا مش قصدي اهانة شخصية)

لو عايز فور باي فور.... هات أي حاجة الا الليبرتي.....

[Karim_Monir]

ايه الاحباط ده
ده اناعرفت ان في منها مانيوال 2400
ودي طلبي بالظبط
انا مابقتش جراي ولا بتاع غرز
والكنبة الخلفية مش فارقة معايا انا مش عاملة ميكروباص
دول هما عيلين
وان شاء الله كمان كام سنة اغير لما يكبرو شوية
انا معظم مشاويري جوة البلد
وبالنسبة للسفر مابقتش اجري وهي مش هاتخليني اجري عشان الثبات وعشان استهلاك البنزين
فارق معياا اركب حاجة عاالية
بس يا مينا ازاي تتقلب على 80
اكيد خد بيها ملف وحش قوي ومع علوة اتقلبت
انا عارف ان ال 2400 تعمل في حدود ال 100 الف جنية

هل ده صحيح
واعتقد كدة هاتكون موفرة شويةوصيانتها سهلة
دي بتكون موديلات كام
وهل في طريق لزيادة ثباتها زي مابنعمل في الملاكي الصغير

[Karim_Monir]

مينا محمد قاسم زميلنا كان راكب واحدة 2003 عاملة 340 الف كم
منهم 100 الف هو اللي سايقهم
بيقول اعتمادية فععلا بس ثباتها وحش
لكنها مابتعطلش وكانو مقينها سفر وبهدلة وصيانات قليلة
انا عارفك يا مينا مالكش في العربيات بتاعت الافندية على رايك :-)
عايز نص نقل جاز تبقي فل معاك
بس العربية داخلة دماغي خاصة اني مش هادفع فرق يذكر بينها وبين عربيتي