إيه رايكم في جيب ديه .. السيارة للبيع .. 4100cc اوتوماتيك موديل 1995 ..

[Dr'AhmZZong]

ماركة السيارة : جيب شيروكي زيتي غامق ترخيص 3 سنين ..

طراز السيارة : 4*4 .. مع فتيس تحكم بين 4*4 و 4*2

موديل السيارة : 1995

سعة المحرك ال سي سي : 4100

حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا : كله تمام مفيش حاجة متغيرة من الدواخل أو أي حاجة تانية ..

حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا : السيارة رشة بره فقط نضافة

عداد الكيلومتر : 260 ألف كيلو ..

كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا : العربية كاملة اوتوماتيك .. ازاز كهربا للاربعة .. مثبت سرعة .. تكييف .. بور .. 5 جنط سبورت .. انذار بـ 2 ريموت wolf .. كاسيت cd لسة جديد بـ 4 سماعات بيونير أصلي .. عفشة خدمة شاقة ......

حالة الموتور والميكانيكا : كله تمام ..

حالة الكهرباء : كله تمام ..

حالة الصالون : كله تمام حالة المصنع .. حتى جلد العربية أصلي من 1995 .. بس فيه شوية قطع بسيط ..

حالة الكاوتش و الزجاج : الكاوتش لسة شارح زيرو 4 فرد هانكوك كوري .. و الازاز تمام ..

الحالة العامة للسيارة وهل محتاجة مصاريف ام لا :

السيارة لا تحتاج أي مصاريف .. و حاجة كمان بكل أمانة السيارة لسة راجعة من التوكيل مصروف عليها

12 ألف جنيه

كل حاجة متغيرة من اكسدام لاكسدام و ديه فواتير الحاجات المتغيرة :

أول حاجة الكاوتش :



الميكانيكا و العفشة < كل ما يخصهم > :






التغيرات ديه معاها ضمان 6 شهور أو 10000 كيلو و اتعملت عند مركز جيبولي موتورز في الاوتوستراد المعادي ..

و ده كل حاجة على العربية /

[abogooda]

طالب كام يا باشا ولو ممكن صوره للعربيه وتليفون حضرتك
لو طالب بدل باصغر فى ا كسبلوجان 2005 50000 كم فبريكه جميع الصيانه فى التوكيل

[abogooda]

هذا الموديل فى حدود 50 الى 52 الف لو الحاله جيده جدا وممكن تسال م/ هشام صاحب مركز جيبولى
وربنا يوفقك فى بيعه كويسه

[ALMAGICO]

الشيروكى عربية محترمة جدا جدا بجد ملهاش حل
العربية دية لو فابريكا ممكن والله اعلم تعمل من 57 _ 59 الف
وياريت حضرتك تحط صور للعربية
والله اعلى واعلم فيما قلت

[i_Am_Legend]

العربية نضيفة فعلا.تستاهل ستين الف او اكتر

[Dr'AhmZZong]

وربنا يوفقك فى بيعه كويسه

ربنا يخليك يا بيه ..

الشيروكى عربية محترمة جدا جدا بجد ملهاش حل
العربية دية لو فابريكا ممكن والله اعلم تعمل من 57 _ 59 الف
وياريت حضرتك تحط صور للعربية
والله اعلى واعلم فيما قلت

فعلا العربية محترمة قوي .. و هي فعلا فبريكة جوه و رشا برة نضافة .. و إن شاء الله هحط صورة حاضر ليها ..

العربية نضيفة فعلا.تستاهل ستين الف او اكتر

ربنا يخليك يا بيه ..

[Dr'AhmZZong]

ديه بعض صور العربية :

[img3]http://img207.imageshack.us/img207/5492/photo0016lb.jpg[/img3]

[img3]http://img6.imageshack.us/img6/9127/photo0021go.jpg[/img3]

[img3]http://img560.imageshack.us/img560/6412/photo0017s.jpg[/img3]

[img3]http://img12.imageshack.us/img12/457/photo0020fe.jpg[/img3]

[img3]http://img402.imageshack.us/img402/129/photo0019k.jpg[/img3]

[img3]http://img254.imageshack.us/img254/7161/photo0018s.jpg[/img3]

[Sehsss]

بالتوفيق يا أحمد

[HESHAM_SAYAD]

حضرتك بعت ولا لسه ولو ما بعتش عايز كام

[heshamalikamel]

عزيزى لو لسه ما بعتش وعاوز تبدل بفيتارا 1600 2 باب 97 عامله 170 الف انا جاهز وربنا يبارك للجميع

[Dr'AhmZZong]

حضرتك بعت ولا لسه ولو ما بعتش عايز كام

العربية لسة متبعتش ............

أنا عايز فيها 62 إن شاء الله .............

لو عايز نمرة تلفوني قول لي و أنا ابعتهالك على الخاص ..............

[zangry]

ماتجيب لفة :d

[Dr'AhmZZong]

ماتجيب لفة :d

إيه ده إنت جيييييييييت هنا هههههههههههههههههه اهلا بييييييك .. يلا روح بقى قسم نيسان كفاية كده ههههههههههههههههه ...

يا سلام إنت جيت على لفة يعني .. طب ماكنت جيت قبل ما ابيعها .. كان نفسي مبيعهاش بس للاسف عندي عربيتين تانيين .. ف قلت ابيعها .. يلا الحمدلله

اقبلك في قسم نيسان .................

[zangry]

إيه ده إنت جيييييييييت هنا هههههههههههههههههه اهلا بييييييك .. يلا روح بقى قسم نيسان كفاية كده ههههههههههههههههه ...

يا سلام إنت جيت على لفة يعني .. طب ماكنت جيت قبل ما ابيعها .. كان نفسي مبيعهاش بس للاسف عندي عربيتين تانيين .. ف قلت ابيعها .. يلا الحمدلله

اقبلك في قسم نيسان .................

ههههههه اهلا يازعيم .. مانا لسه كنت هناك قلت اريح شوية :d .. بالتوفيق ياريس