جيب شيروكي 2000

[tommys]

أنا بدور على جيب شيروكي موديل 2000 كاملة أوتوماتيك 6 سلندر ... بس مش لاقي حالة ممتازة ... كل الي في السوق تعبان جدا ولو لاقيت حالة ممتازة ألاقيها مانيوال ..... ولو لاقيت طلبي الاقي صاحبها بيتكلم في 95000 وأحيانا 100000 فهل الأسعار كده ولا أسعار السوق أيه لأني ماعنديش فكرة بأسعار الشيروكي خالص ... ياريت لو حد يقدر يساعدني في الحوار ده ... وشكرا جزيلا

[tommys]

أيه ياجماعة 15 مشاهدة ومافيش رد واحد ... هو قسم جيب نايم كده ليه ولا سؤالي صعب هههههههههههههههههههه

[Dr'AhmZZong]

ينفع موديل 95 ؟؟

[ALMAGICO]

فعلا حضرتك هو دة متوسط الاسعار و فية اكثر من كدة بس دة للحالات النظيفة جدا
وبعدين شكل موديل 2000 بدأ من 98 الى 2001 ممكن حضرتك تفكر
فى موديل 98 او 99

[HESHAM_SAYAD]

فعلا حضرتك هو دة متوسط الاسعار و فية اكثر من كدة بس دة للحالات النظيفة جدا
وبعدين شكل موديل 2000 بدأ من 98 الى 2001 ممكن حضرتك تفكر
فى موديل 98 او 99

ههههههههههههههه منا بدور على 98 او 99 ومش لقيه خليك فى ال2000 علشان منعترضش بعض ههههههههه على العموم ربنا يوفق ان شاء الله وتلاقى الى انت عايزه

[crazy_beau_88]

مش عارف ليه يا جماعه انا ركبت الشروكى موديل 99 ومعجبتنيش مبدئيا انا كان معايا ميجان 2005 طبعا مينفعش اقارن بس الى اقدر اقوله كعيب فى الشروكى ويفرقها عن باقى الموديلات سواء جراند او ليبرتى هوا زاويه الرؤيه بتاعتنا مش تمام بلاقى الكبود طالع قدامى وحاجب عنى جزء من زاويه الرؤيه المشكله دى مواجهتنيش مع الجراند لما ركبتها ولا الليبرتى ومن نظرتى عالرانجلر اعتقد انها مفيهاش الموضوع ده

[S O P H O S]

الرؤية مش سيئة للدرجة
هي ممكن تختلف من شخص لشخص
ويمكن بردوا الموديل ده الله اعلم ...

[crazy_beau_88]

لا بالفعل انا ركبت رانجلر الاسبوع الى فات موديل 95 الشاسيه القصير زى الى كانت مع مكى فى طير انت بس دى ليها سقف فايبر وما شاء الله عليها فى ثباتها ولا فى زاويه الرؤيه ورغم ان العربيه 4 سلندر لكن عزمها وادائها كان تمام بالنسبه لاداء راكب عادى اما بقى هنيجى للجر والحجات دى فال6 سلندر هيا الى تفوز بلا منافس
بصراحه بعد تجربتى لكذا عربيه جراند شروكى 98بى ام الفئه الخامسه ميجان 2005 شروكى 96 و 99
والفيرنا
لقيت ان الجراند شروكى بيبالغوا فى سعرها بالنسبه لادائها لان حسب مسمعت عن الموديل ده انه بيعوم بعد ال 120 وانت بتتخطى عربيات تانيه
الفئه الخامسه ناقص يعملولك فواطه تمسح عرقك وكل شىء فيها اتوماتيكى ودى متنفعش الشعب المصرى الحريت الا طبعا زى ما اهالينا اقنعونا زمان دى عربيات الحراميه الكبار
الشروكى ثباتها وزاويه رؤيتها فعلا يقلقوا مقارنه بمثيلات فى موديل السنه الجراند والرانجلر
الميجان بلاش نتكلم عنها لان دى عامله زى المومس البرايفت مش لاى حد متاحه لظباط الشرطه وظباط الجيش وتجارها واقصد هنا انك لو واحد من التلاته الى فوق دول هتاخد قطعه الغيار بنص التمن الى هياخدها اى مستخدم عادى للميجان +ان ميكانيكيه الرينو بينافسوا جمال مبارك فى التناكه
اما الفيرنا بقى فسمعت ناس بتقول عنها توك توك باربع عجلات بس اكتشفت مدى كدب الناس دى الناس دى افاقه وخداعه الفيرنا موتسيكل صينى باربع عجلات
اتعلمت من ردود مشرفى المنتدى هنا ان تقيمك لاى عربيه بيكون من خلال كذا محور
اهمهم هوا متطلباتك فى العربيه او من العربيه
وسعرها بالنسبه للاداء الى هتديهولك
يعنى متدفعش فى الليبرتى 130 الف وادفعهم فى لاند كروزر تسعينات او جراند شروكى 99
نسيت حاجه مهمه جدا فى الرانجلر لان اكتر حاجه بتعيبها هسل كونها اتنين باب فقط
مع الاسف الشديد مع بحثى عالنت من سنين طويله لقيت موديل من الرانجلر اربعه باب اتصنع سنه 1997 اسمه جيب دكر dakar
مع انى عمرى مشوفته فى مصر هنا
لكن تجربه الرانجلر شادانى ليه واعتقد مينافسش الرانجلر الاربعه باب دى بقوه الا الفيتارا 98

[teto_222]

أنا بدور على جيب شيروكي موديل 2000 كاملة أوتوماتيك 6 سلندر ... بس مش لاقي حالة ممتازة ... كل الي في السوق تعبان جدا ولو لاقيت حالة ممتازة ألاقيها مانيوال ..... ولو لاقيت طلبي الاقي صاحبها بيتكلم في 95000 وأحيانا 100000 فهل الأسعار كده ولا أسعار السوق أيه لأني ماعنديش فكرة بأسعار الشيروكي خالص ... ياريت لو حد يقدر يساعدني في الحوار ده ... وشكرا جزيلا

انا عندى عربيه جيب 2000اخر ماتور ال2001 بحالة الزيرو صيانه دوريه عند محمد عبد الوهاب كل 3 شهور اكيد اى حد غاوى جيب يعرفوا كويس السعر المطلوب 102000 وفيها رخصه 3 سنين باقى فيهم سنتين تقريبا والمان البحيره 01003091616 للتواصل
اللون اسود
السعه 6 سلندر
كامله اتوماتيك
فبريكه بره وجوه كوتش جديد استعمال 6 شهور
زيت موبيل 1 10000كيلوا والزيت مبينقص نقطه
الات جر وفتيس رباعى زيرواااااااااااااااا