الفرق بين جيب شروكي 98-99-2000-2001

[ahmoosragab]

سؤال لاهل الخبرة عايز اشتري جيب شيروكي وحيران بين 98-99-2000-2001
وعرفت اني في انواع كتير انا مش قادر احدد ايه الفرق بينهم بالتحديد يعني في انواع فيها فرش جلد وانواع تابلوه ابنوس وانوا فيها abs
ولذلك ارجو من اهل الخبره التوضيح لستقر علي رأئ مع العلم ان يوجد فرق في المبلغ كبير بين الانواع ولذلك يرجي التوضيح

[ahmoosragab]

اقصد بين انواع الشروكي يعني :
2001 LX Special Edition
2001 LX
limited
hight limted
وانواع تاني معرفهاش
فيها جنوط اسبور ومنها نيكل

[sasa28]

بسم الله
الشيروكي في منه مصري و امريكي الصنع
يتم معرفتها من رقم ال VIN لو اول حرف d يبقي مصري لو A او اي حاجه تانيه تبقي امريكي او المهم مش مصري
معظم الامريكي بيبقي فقير في امكانياته يعني مثلا بدون زجاج او كروز كنترول و جنوط حديد وكراسي قماش و مش كهرياء و هي بتتسمي ال SPORT TRIM
المصري هو اكثر حاجه موجوده
و كله لو سته يبقي LIMITEDفي مانويل و اتوماتيك
و الاربعه مانويل بس وفقير زي الامريكي السبورت
بالنسبه للموديلات المصري
موديل 98 النص الاول بدون اريال كهرباء او ABS
النص التاني من 98 الي موديل 2000لا يوجد فرق علي الاطلاق
موديل 2001 LIMITED تم تغيير الجنوط فقط لتصبح اكثر رياضيه و تسمي الجنوط المفحمه
2001 LX اضافه علي الليمتد سبويلر خلفي فوق الشنطه و فتحات تهويه في الكابوت

في بعض الاحيان يتم تسجيل سيارات موديل 98 في الرخصه 99و هو تاريخ بيعها من المصنع
و كذالك ياقي الموديلات لذلك تجد شخص يدعي ان سيارته موديل 2002 و الحقيقه انه تم ترخيصها 2002 و هي رواكد موديل 2001 و للعلم في مصر هم عدد حوال 140 سياره او 70 معظمهم سماوي و فضي
و يتم التاكد من موديل الشاسيه الخاص بالسياره من الرقم العاشر في كود التعريفVIN وليس من الرخصه
الشيروكي ل XJ من السيارات الجميله ولكن يعيبها و يميزها الاتي
- السياره ناشفه في المطبات جدا يعني لو راجل ظهره بيوجعه بلاش او ست حامل
-( نتيجه لارتفاع مركز الثقل للسياره الجيب عن السيدان فانسبه حدوث انقلاب علي السرعات العاليه اثناء المناوره مرتفعه جدا) اول جمله يتم كتابتها في الكتالوج الخاص بالسياره و معلومه لكل من يريد شراء سياره SUVاو دفع رباعي
-علبه الدركسيون ملحومه في قعده علي فرده الشاسيه و مع الوقت بيحصل في كل العربيات شرخ في هذا الجزء و بيؤدي لرجه في الدركسيون اثناء الشراء تأكد من وجود هذا العيب لو لاقيته و مش متعالج مش مشكله لكن لو متعالج غلط بلاش منها
- مش كل الميكانيكيه بيفهمو فيها و لازم حد بيفهم وامين
- اوعي تشتري عربيه رشه سقف او اقوايم لان سعر اعاده البيع مش هيعجبك لو لاقيت حد يشتريها اصلا في حين لو العربيه مغيره ماتور مره او اتنين و عمله عداد نص مليون مش مشكله
- لو من النوع اللي بيشد وبيجري فوق 120 هتتفرج علي عداد البنزين و هو بيلعب قدامك
- تاكد من الكوارين و الفتايس
- تاكد من عداد ضغط الزيت اللي في التابلوه و العربيه سخنه يكون فوق ال3.6 او 4
- تاكد من عدم وجود بارومه عند مفصلات الشنطه مع السقف او تحت فرش الشنطه
- فرده الكاوتش الواحده من 700 الي 1200 جنيه يعني الاربع فرد ب 3500جنيه
-دوره التبريد في السياره يجب مراقيتها و التأكد من درجه الحراره خاصه في الجهد الاقصي و مع تشغيل التكيف و مراجعه الردياتير والدوره بصفه مستمره لان ذلك السبب الرئيسي لتغيير المواتير في مصر
- مصاريف تسجيل و نقل ملكيه الامريكي حوالي 2500 جنيه و المصري 700و اتأكد منها قبل ماتشتري
- الضريبه في المرور للامريكي او المصري 6 او 4 موحده حوالي 1150 جنيه سنويا
- العربيه ضيقه في الكنبه الخلفيه و فتحه الدخول للباب صغيره
-متوسط استهلاك البنزين 140 كم في الصفيحه
- اوعي تحطلها بنزين 80 لان في ناس فكره ان عشان مكتوب علي التنك بنزين اوكتين 85 يبقي عادي و الحقيقه ان رقم الاوكتين الخاص بالولايات المتحده 85 يساوي 93 او 92 للاتحاد الاوربي و ده اللي ماشي في مصر
- ممكن تركيب غاز طبيعي لو الماتور حالته كويسه جدا ولازم يكون سيكونشال سيستم
-قطع الغيار بتعتها زي الرز ورخيصه جدا بس المشكله ان مثلا العفشه عشان تغيرها هتجيب حجات كتير جدا ممكن تعدي ال10000 جنيه
-بس علي العموم قطع الغيار الاستهلاكيه و الصاج كتير و انواع و رخيصه و متوفره استيراد
-لا يتم عمل عمره للماتور واو اصلاح الفتيس يتم تغييرهم استيراد

ارجو ان اكون قد افادتك بما لدي من معلومات و ارجو منك التحقق من الخبراء و الله اعلي و اعلم

[ahmoosragab]

بارك الله فيا ولك علي المعلومات القيمه جدااا بس سؤال فين اللقي في العربية كود التعريفvin

[smsm_hamada]

عايز اعرف سعر ال 98 و 99 كامله اتوماتيك 6 سليندر سعر السوق الواقعى بعيدا عن كونتكت كار لان كلو بيطلب اسعار غريبه جدااااااا

[Karim_Monir]

sasa28 تحياتي الخالصة لمعلوماتك القيمة
بقالك 4 سنين ودي اول مشاركة ليك :-)

[ahmoosragab]

السعر المتاح في البيع والشراء يعني مش في السوق ولا كونتكت كار
هو لما تكون العربيه فبريكه بره وجوه والعفشة تمام تكون من 75 ال 80 الف جنيه ده موديل 98
اما 99 و 2000 بيكون 80 ال 85
اما 2001 ليمتيد 82 - 85
اما 2001 lx من 95 -105

[احمد التربانى]

السعر المتاح في البيع والشراء يعني مش في السوق ولا كونتكت كار
هو لما تكون العربيه فبريكه بره وجوه والعفشة تمام تكون من 75 ال 80 الف جنيه ده موديل 98
اما 99 و 2000 بيكون 80 ال 85
اما 2001 ليمتيد 82 - 85
اما 2001 lx من 95 -105

من لم يشكر الناس لم يشكر الله
فشكرا لك على مشاركتنا معلوماتك القيمة ، وكذلك اسلوبك الرشيق
ولو تسمحلى برقم فايبر او واتس ترسلهم على الخاص اكون ممتن لسيادتك جدا..،،

[@Mohsen]

طيب معلش ممكن حد يقولي اخبار استهلاك البنزين في الموديلات دي ايه

[megodahab]

برضه فيه فرق بين 98 99 وبين 2000 و2001 وهو انه الموتور في 98 و99 بيكون فيه ديلكو لكن 2000 و2001 كويل

[basmomer@yahoo]

شكرا للمعلومات المفيده لمن يمتلك جيب او من يفكر في امتلاكها
بارك الله فيك

[basmomer@yahoo]

شكرا علي المعلومات المفيده لكل من يريد ان يقتني جيب او لديه جيب