عندى مشكلة فى فتيس الغرز و اريد اصلاحه شيروكى 95

[most626]

السيارة شيروكى 1995 4 سلندر
عندى مشكلة فى فتيس الغرز على حسب قول الميكانيكى , لما برفع رجلى من على الدبرياج بحس بخبطه فى العربية من تحت , فكنت عايز اعرف اين يتم اصلاحه صث يستحسن يكون قريب من مدينة نصر

[M!NA]

السيارة شيروكى 1995 4 سلندر
عندى مشكلة فى فتيس الغرز على حسب قول الميكانيكى , لما برفع رجلى من على الدبرياج بحس بخبطه فى العربية من تحت , فكنت عايز اعرف اين يتم اصلاحه صث يستحسن يكون قريب من مدينة نصر

لما ترفع رجلك تحس بصوت حاجة بتخبط و يمنع لما تدوس... صح؟؟

ايه اللي خلاك تقول فتيس غرز؟؟ هو الغرز بيكون معشق؟؟

و ايه اخبار الخبطة ديه في المشي؟؟ موجودة ولا بتمنع؟؟

فيه تفاصيل كتيرة أوي لازم تقولها عشان نقدر نحدد المشكلة.... لأن الخبطة ديه ممكن تكون 100 حاجة

[chiko]

اطلع علي صقر قريش ( المعادي علي الادوستراد) بس احتمال كبير ميكونش لها اي علاقه بالغرز .. ممكن يكون بليه او دسك .. هي حاجه في طقم الدبرياج

[most626]

اشكركم على الرد
هو الميكانيكى نزل تحت العربية و قاللى هات اول وشيل رجلك كلها من على الدبرياج و فالى المشكلة فى فتيس الغرز
ص المره الجايه هفكهولك و نشوف ولو مش نافع نجيب واحد استيراد
هو الميكانيكى فى عين شمس و مبيشتغلش غير فى الشيروكى
مش عارف اعمل ايه
هى الخبطه دى بتكون ظاهره اوى على الناقله الاولى و اضعف على باقى الغيارات علما ان الاسطوانة و الدسك يحتجون للتغيير

[M!NA]

اشكركم على الرد
هو الميكانيكى نزل تحت العربية و قاللى هات اول وشيل رجلك كلها من على الدبرياج و فالى المشكلة فى فتيس الغرز
ص المره الجايه هفكهولك و نشوف ولو مش نافع نجيب واحد استيراد
هو الميكانيكى فى عين شمس و مبيشتغلش غير فى الشيروكى
مش عارف اعمل ايه
هى الخبطه دى بتكون ظاهره اوى على الناقله الاولى و اضعف على باقى الغيارات علما ان الاسطوانة و الدسك يحتجون للتغيير

أكاد أجزم أن المشكلة مش من فتيس الغرز

موضوع الخبطة اللي بتكون موجودة لما بتشيل رجلك من عالدبرياج ديه في الأساس بتكون بلية

رأيي الشخصي خلي ميكانيكي تاني يبص عليها

الخبطة ممكن تكون بلية - ريش ديسك ( و انت زي ما بتقول عايز يتغير) - أو صلايب كردان

لكن فتيس ده ليه أعراض تانية خالص.... متخليش حد يشتغلك....

[most626]

اشكرك جزيلا
طيب لو ينفع تدينى رقم ميكانيكى بيفهم و يكون ثقه و محترم

[most626]

اشكرك بشدة استاذ مينا
كنت عايز اسال اخر سوال معلش ذهأتك
فى وجه نظرك فى مشاكل لو طلعت بيها سفارى على طريق الواحات و استخدمت الدفع الرباعلى فى ظل وجود هذا العيب علشان الميكانيكى قالى متحملش على فتيس الغرز لحد لما اروحلو مع اللم انى طلعت بيها ابل كدا

[M!NA]

اشكرك بشدة استاذ مينا
كنت عايز اسال اخر سوال معلش ذهأتك
فى وجه نظرك فى مشاكل لو طلعت بيها سفارى على طريق الواحات و استخدمت الدفع الرباعلى فى ظل وجود هذا العيب علشان الميكانيكى قالى متحملش على فتيس الغرز لحد لما اروحلو مع اللم انى طلعت بيها ابل كدا

لا شكر على واجب.... :)

مفيش داعي تطلع بيها غير بعد ما تستشير ميكانيكي.... إخطف نفسك بسرعة و روح لمحمد عبده و شوف هيقولك ايه... ممكن تلحقه قبل العيد و مين عارف... ممكن يخلصلك المشكلة و أنت واقف...

بس دايما اتفق عالشغلانة قبل ما يمد ايده ف أي حاجة.... و ان شاء الله كل خير.... بالتوفيق :)