حل مشكلة قسم جيب

[Hussein_Ramdan]

هنا سوف يتم بظبط كام واحد معانا فى القسم
كل واحد معاة عربية جيب يخش هنا ويكتب
معاة جيب اية بظبط والموديل
وهذا تمهيدا لتنشيط القسم ويتم الاستفادة من بعض
انا معايا جيب رنجلر 2011
هى عربية جيب رنجلر 2011 شاريها تقريبا زيرو عاملة 12 الف كيلو
وتم عمل الاضافات عليها مثل
1-تغير الاكصدام وتم تركيب واحد حديد (حد لى شوق فى حاجة الميدان واسع وفارس لفارس)
2-طقم نواكل وشبكة نيكل
3- فرش جلد
4-دى فى دى وبازروكا وطقم صوت
5- ديفندر خالفى
ودى الصور



ارجو يتم التعاون بنا وبين بعض خصوصا ان جيب ماركة مش قليلة

[Hussein_Ramdan]

بداية جبارة مباشرة بالخير كل سنة وانتو طيبين خسارة الوقت الى كتبت فى الموضوع

[M!NA]

شغل عالي جدا جدا ما شاء الله....
قوللي الاكصدام عملته عموله ولا اشتريته جاهز؟؟ و كلفك كام؟

[Hussein_Ramdan]

شكرا ياباشا انا واخدو من واحد وكان تقريبا ب 4 وكسور
بس الصراحة مش بيهمنى اى حد او لما ابئا واقف وواحد يريح عليا مش بديلو كلاكس هههههههههههههههه
بسيبو يتخبط وينزل يعيط واقولو انتا الى نايم ياعم
بفكر اشوف واحد ورة بردو حديد بس مش لقى حاجة عدلة

[M!NA]

شكرا ياباشا انا واخدو من واحد وكان تقريبا ب 4 وكسور
بس الصراحة مش بيهمنى اى حد او لما ابئا واقف وواحد يريح عليا مش بديلو كلاكس هههههههههههههههه
بسيبو يتخبط وينزل يعيط واقولو انتا الى نايم ياعم
بفكر اشوف واحد ورة بردو حديد بس مش لقى حاجة عدلة

انصحك تعمله عند حداد بس يكون شاطر..... اكصدام خلفي و عتبتين مواسير من الجمب متغطيين بحديد بقلاوة.... و حامل استبن على الإكصدام متحمل عالشاسيه ..... (عشان ميكسرلكش الباب بعد فترة) و كله يترش إسود فرن في الآخر و انسى كمنظر و كحماية.....

لو متعرفش حداد كويس قوللي و أنا أدلك عن واحد ممتاز,....عيبه الوحيد أنه بيطول في الوقت شوية..... بس صنعته فوق الوصف بصراحة

[Hussein_Ramdan]

والله انا بفكر فى كدة بس مستنى شوية عشان اشوف هعمل اية عشان انا بفكر ارش السقف والرفارف نفس لون العربية اسود

[abogooda]

وانا معى جيب قديم شويه بس حلوه كبدايه كان معى اكسبلوجان 2008 بس انتو خلتونى احب الجيب
وهى شيروكى 96

[Hussein_Ramdan]

مبروك ياباشا
انا بس نفسى اتابع معا مكانيكى محترف جيب عشان انا عندى حبة ملاحظات على العربية وعايز مكانيكى معايا
احسن من التوكيل عشان التوكيل مش هيعمل الى انا عايزة

[M!NA]

مبروك ياباشا
انا بس نفسى اتابع معا مكانيكى محترف جيب عشان انا عندى حبة ملاحظات على العربية وعايز مكانيكى معايا
احسن من التوكيل عشان التوكيل مش هيعمل الى انا عايزة

حاجات زي ايه؟

[Hussein_Ramdan]

يعنى مثال
انا عندى العربية كلها من فوق ممكن تتفك يعنى على مسامير
انا قبل ما اعمل صيانة العشرين كنت كل ما اخد مطب اسمع اصوات كتير جدا تاخ تيخ ضيب
طول منا ماشى قولت ليهم فى الصيانة قالو ليا الهرد توب تقريبا فوق محتاج يتربط وفعلا عمولها ليا
الصوت اختفى خالص
انا كنت عايز اروح لوحد كل فترة يقرط ليا على المسامير دى
تانى حاجة
فى صوت غريب جدا لما اكون ماشى اودوس سنة بنزين بيظهر صوت زاى صفارة او تصقيف بسيط جدا
هو مش لدرجة التصقيف بتاع الماتور لكن صوت رفيع جدا زاى الصفارة سئلت واحد قالى دة الكستوبان بس الصراحة انا مش فاهم اية دة
ومحدش هياخد بالو غير الى يدقق اووووووى معاة
عارف العربية الفولكس الخنفسة مش بيكون معا صوت الماتور صوت رفيع كدة زاى الصفارة
هو حاجة زاى كدة لكن صوت خفييف جدا
غيرت البنزينة الى بمون منها لكن هى هى المشكلة
تالت حاجة حاجة استهلالك البنزين عاااااااااااااااااااااااااااااااااااااااالى جدا
يعنى انا مونت 70 للتر عملت بيهاحاولى 450 كيلو بس جوة البلد وبالتكيف
مش عارف دة كويس ولاة كتير ولاة اية

[houras1010]

الصوت الخفيف بتاع الموتور الخنفسه بتاع توربينه تبريد الهوا
عندك ممكن يكون صوت المروحه او سيرها

[Hussein_Ramdan]

شكرا ياباشا على الرد بس والله مستنى اخلص من حوار الترخيص دة وربنا يسهل يرضيك الى بيحصل دة فى المنتدى العام عشان الموضوع بتاعى انى معترض على 16 الف كل واحد دخل رزعنى كلمتين ملهومش لزمة
وحسسونى انى تاجر مخدرات ولازم اكفر عن ذنبى

[rockana9112007]

شكرا ياباشا على الرد بس والله مستنى اخلص من حوار الترخيص دة وربنا يسهل يرضيك الى بيحصل دة فى المنتدى العام عشان الموضوع بتاعى انى معترض على 16 الف كل واحد دخل رزعنى كلمتين ملهومش لزمة
وحسسونى انى تاجر مخدرات ولازم اكفر عن ذنبى

هههههععععععععههههههههعععععع

انا قريت الموضوع بتاع حضرتك ..وفعلااا فى ناس زودوها حبتين ...بس معلش كل الناس مخنوقة اليومين دول

ويارت حضرتك متزعلش منهم


تحياااتى

[houras1010]

اعتقد ان فى ناس حاسه ان مشكله البنزين اساسها العربيات اللى مواتيرها كبيره
اللى يخص الجيب خليه فى قسم الجيب احسن الناس هتبقى متفهمه اكتر لظروفك لتشابه الظروف والأحتياجات

[Hussein_Ramdan]

اعتقد ان فى ناس حاسه ان مشكله البنزين اساسها العربيات اللى مواتيرها كبيره
اللى يخص الجيب خليه فى قسم الجيب احسن الناس هتبقى متفهمه اكتر لظروفك لتشابه الظروف والأحتياجات

فعلا عندك حق انا خايف واحد يطلع يقولى انتا الى عملت ازمة البنزين والله عقول غريبة
انتا عارف انا معا ان العربيات الفارهة يتاشال معا عليها الدعم فى البنزين
لكن تخشلى مصر هنا بسعرها الطبيعى
وكمان انا موافق ادفع علية ضريبة ازيد من العربيات العادية
لكن ميبقاش سرقة من كل حتة والناس بتوع القسم الاجتماعى والله كنت هسيب المنتدى بسببهم
كلو فاكر انى غنى جدا والازم ادفع حق المجتمع عليا
والله انا واحد عادى جدا وساكن فى منطقة شعبية بس ربنا رزقنى باقرشين قولت اشترى عربية تستحمل البهدلة مش اكتر من كدة