ينفع أحولها غاز؟؟؟ :)))

[smsm_nabawy]

السلام عليكم

المعيد بتاعي حيشتري عربية جيب تقريباً موديل 2003

معروضه عليه ب 125 الف!!! المهم ... هو بيستفسر!!

هل ممكن يحولها من بنزين عادي لغاز؟؟؟

فقلتله لا أستنى بقا أسألك وحوش منتدى نايل موتورز... هما يقدروا يجاوبوا عليا أجابة فاصلة!!!

فهل ممكن ولا؟؟

الغرض من التحويل هو الأقتصاد في تكاليف الوقود بقدر المستطاع!!

[Land_Cruiser]

نصيحه بلاش العربيات الكبيره اليومين دول علشان البنزين و الضريبه و بعدين لو قلبها غاز مش هيبقى ليها اى لزمه بالذات فى الجر الرباعى و كمان هيخسر الشنطه علشان الأسطوانة هتتحط فيها . يعنى هتبقى عربيه عاديه ده غير الوقفه السودا مع التاكسيات علشان يمون و كله ده كمان بافتراض ان الغاز مش هيغلى و ده كمان مشكوك فيه قوى لان الدول بتشيل الدعم عن الطاقه كلها . الافضل يخليه فى حاجه ١٦٠٠ سى سى مش اكتر و استهلاكها للبنزين معقول احنا داخلين على مرحله صعبه و مش مستحمله اى تهور

[Dr'AhmZZong]

دييييييييه عربيات زبالة < sorry في اللفظ يعني > ..

عربيات متعبة و حاجتها مش معمرة خالص ..

كان معايا واحدة و بعتها بعد ما نفضتني و خلصت علي .. و بعتها بـ طلوع الروح كمان !!!!!!!!!!

بـ 125 دووووووول يجبله حتة زيرو محترمة غير الجيب ..

تحياتي ..

[abogooda]

توكل على الله انا مركب غاز فى الشيروكى وزى الفل ويا سيدى لمل تحب تستعرض ابقى اقلب بنزين
بتعمل فى الاسطوانه حوالى120كم ب 9 جنيه هو السحب طبعا اضعف شويه عن البنزين بس مش باين اوى
وبعدين الاخ الى قال طوابير ولا طوابير ولا حاجه الملاكى بيدخل على طول

[dr_k]

توكل على الله انا مركب غاز فى الشيروكى وزى الفل ويا سيدى لمل تحب تستعرض ابقى اقلب بنزين
بتعمل فى الاسطوانه حوالى120كم ب 9 جنيه هو السحب طبعا اضعف شويه عن البنزين بس مش باين اوى
وبعدين الاخ الى قال طوابير ولا طوابير ولا حاجه الملاكى بيدخل على طول

انا كنت عايز اسأل حضرتك انت بقالك قد ايه مركب الغاز وهل ظهر اي مشاكل منه ؟ لا انا بفكر اشتري ليبرتى 2003 او 2004 واحولها لغاز

[abogooda]

انا مركبه من 11 شهر

[dr_k]

فيه اي مشاكل ظهرت وهل العزم اتأثر جامد ولا لا وهل تنصح به وشكرا لاهتمامك

[AlGazar2]

و الله يا باشا منصحكش تخليه يجيب الجيب القديم مواتير بتاكل بنزين بغباء و معتقدش ان المعيد محتاجها عشان فى شغل ضرورى
بالملبغ ده يجيبله حته بى ام معرفش موديل سنه كام بس هتبقى احلى بامانه و ركوبه عن الجيب

[smsm_nabawy]

بالفعل صرف نظر عنها!! :))

[احمد فهمى]

هو رقم 125 الف مشكلتو انو يجيب عربيات كتير موديل اعلى يعنى يجيب فيكترا او باسات او ماذدا 3 او هوندا سيفك وكلو فوق 2008 المبلغ ده يدفعو واحد معدوش بديل لعربيه دفع رباعى مقاول مثلاً او مهندس له عمل فى مواقع فى الصحرا او حد عندو عزبه او مزرعه لكن تجيبها تمشى بيها فى البلد هتبقى خسران حتى لو حولتها غاز